कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
लाम्दिक् 13:5 - लिम्बु5 यहवे दाङ्बे़ल्ले़ कनानि, हित्ति, एमोरि नु यबुसिहाॽरे़ खुन्छिॽ लाजेन् खिनिॽ सुधे़बा ताक्थे़बाहाॽ पिमासि माङ्हुप् चोगुआङ् वाॽ॥ आल्ल खुने़ॽ खिनिॽ खे़न् याङ्साकुन्धेबा नु चा के़नुॽबा लाजेॽओ के़गे़त्तिॽ, खे़ब्याङ् खिनिॽ तङ्बे थक्मा थिक्सिगेक्पा लाओ कन् तङ्नाम्मिन् तोसे़म्मे़ॽ॥ Gade chapit la |
लाम्दिक् 13:5
31 Referans Kwoze
आल्ल खिनिॽ युक् चोःक्मा फाॽआङ् पेःक्मा के़जोगिबा लाजेॽओ यहवे दाङ्बा खिनिॽ निङ्वाॽफुमाङ्ङिल्ले़ के़भे़त्तिॽ, हे़क्क्याङ् खिनिॽनुःल्ले़ आत्तातान्ने यरिक् नु पधुम् के़धुम्बा कन् नुसि मे़न्छाम् सुवाङ्, हित्ति, गिर्गासि, एमोरि, कनानि, परिज्जि, हिब्बि नु यबुसिहाॽ खिनिॽ तगिलाम् खुने़ॽ नाःत्तुदेसुसिॽ,
अब्राहाम, इसहाक नु याकुब आदाङ्बारे़ के़से़वारोबाहाॽ निङ्वाॽ इःत्ते़से़ॽओ, खे़ङ्हाॽनु आदाङ्बारे़ आबाङे के़मिङ्ङो माङ्हुप् के़जोगु हे़क्क्याङ् आदाङ्बारे़ अक्खे के़बाःत्तुआङ् वये़, ‘आङ्गाॽ खिनिॽ मुॽइदाङ्साहाॽ ताङ्साङ्बोबा खेःम्सिक्पाहाॽ कुइसिक् यरिक् चोगुङ्सिङ्ॽ॥ आङ्गाॽ माङ्हुप् चोगुङ्बा कन् के़रे़क् लाजेन् खिनिॽ थिन्दाङ् सायोबोराहाॽ पिरुङ्सिङ्ॽ, हे़क्क्याङ् खे़ङ्हाॽ आभे़ल्ले़ आभे़ल्ले़ थारिक्साङ् खे़न् लाजेःल्ले़ लागि लक्के़घोबा मे़बोङ्ॽ॥’”
आङ्गाॽ खे़ङ्हाॽरे़ लागि खोसुङ्बा नु कोःम्भो चोगुङ्ङाङ् ने़स्से़बा, के़रे़क् आत्तिन् लाजेॽहाॽनुःल्ले़आङ् साॽरिक् नुबा, पित्नु नु सक्वाघु के़गुङ्बा, लत्छा नुबा लाजेॽओ आङ्गाॽ मिस्रलाम् खिनिॽ लःत्निङ् फे़त्निङ्ॽ मे़त्तुङ्सिङ्ङाङ् खे़ल्ले़ याःन्दिक् आङ्गाॽ लत्छा माङ्हे़क् थिक् चोगुङ्ङाङ् वये़॥
Piblisite