लाम्‍दिक् 13:19 - लिम्‍बु

¹⁹ मोसाःल्‍ले़ युसुफरे़ कुये़प् कुलुङ्‌सिहाॽ खुने़ॽनु सोरिक् तेॽरु थेआङ्‌भे़ल्‍ले़ युसुफरे़ इस्राइलिहाॽरे़ हे़क्‍के मे़जोगुर फाॽआङ् खे़ङ्‌हाॽनु माङ्‌हुप् चोगुआङ् वये़॥ योसेफरे़ मे़त्तुसिआङ् वये़, “आल्‍ल निङ्‌वाॽफुमाङ्‌ङिल्‍ले़ खिनिॽ चोःक्‌युम्‍भो के़बिरिल्‍ले़, आङ्‌गाॽ आये़प् आलुङ्‌सिहाॽआङ् खिनिॽ कन् ते़न्‍नोलाम् के़देॽरुम्‍ल पोङ्‌ॽ॥”

लाम्‍दिक् 13:19 Referans Kwoze

यहोसु 24:32

याकुबरे़ किप् थिक् युप्‍पा कुआःत्‍हाॽरे़ सकेमरे़ कुम्‍बा हमोररे़ कुस्‍साहाॽलाम् इङुबा कुलक् थिक् लाजेॽओ इस्राइलिहाॽरे़ मिस्र लाजेॽलाम् मे़भे़त्तुबा योसेफरे़ कुये़प् कुलुङ्‌सिहाॽ मे़लुप्‍तु॥ खे़न् ते़न्‍निन् योसेफरे़ कुमुॽइदाङ्‌साहाॽरे़ खुन्‍छिॽ लक्‍खोमो थ्‍ये़॥

सेःक्‌युक्‍मिबाहाॽ 7:16

खुनिॽ थक्‍हाॽ सेक्‍केम लाजेॽओ मे़देॽरुआङ् अब्राहामरे़ हामोररे़ कुस्‍साहाॽलाम् इङुआङ् वये़बा इःप्‍पुङ्‌दे़न्‍नो मे़लुप्‍तुसिरो॥

तोलिङ्‌सोमु 48:21

खे़ब्‍याङ् याकुबरे़ युसुफे़न् मे़त्तु, “आल्‍ल आङ्‌गाॽ सिमा इःत्ताङ्‌ङाङ् वाॽआ, कर निङ्‌वाॽफुमाङ्‌ङिन् खिनिॽनु वाॽरो, हे़क्‍क्‍याङ् खिनिॽ पाधे़बाहाॽरे़ खुन्‍छिॽ लाजेॽओ याम्‍मो खिनिॽ के़देॽरिरो॥

लुका 7:16

हे़क्‍क्‍याङ् मनाहाॽ के़रे़क् मे़गिसे़आङ् निङ्‌वाॽफुमाङ्‌ङिल्‍ले़ कुनारा मे़भोसुर अक्‍खे मे़बाःत्तु, “आनिॽ लुम्‍मोआङ् यम्‍बा माङ्‌निङ्‌वाॽपान् के़बाःप्‍पे़न् वाॽरो॥” हे़क्‍क्‍याङ् याम्‍मो खे़ङ्‌हाॽरे़ मे़बाःत्तु, “निङ्‌वाॽफुमाङ्‌ङिन् कुमनाहाॽ कुभाॽ पिसे़ नु कम्‍ब्राङ् मे़त्‍छे़ ये़रो॥”

लुका 1:58

हे़क्‍क्‍याङ् खुने़ॽ कुहिम्‍बेसाङ्‌बाहाॽ नु कुगाॽइबाहाॽरे़ कन् दाङ्‌बाल्‍ले़ खुने़ॽ साॽरिक् लुङ्‌माॽ तुक्‍तुबा पाःन्‍निन् मे़घे़प्‍सुआङ् खे़ङ्‌हाॽ खुने़ॽनु मे़सःत्ते़रो॥

लाम्‍दिक् 4:31

हे़क्‍क्‍याङ् इस्राइलिहाॽरे़ नसान् मे़जोगु, खे़ब्‍याङ् यहवे दाङ्‌बे़ल्‍ले़ इस्राइलिहाॽ ओमे़त्तुसिबा नु खे़ङ्‌हाॽरे़ खुन्‍छिॽ तुक्‍खे़ःन् निसुबा पाःन्‍निन् मे़घे़प्‍सु हे़क्‍क्‍याङ् खे़ङ्‌हाॽ अःक्‍खुम् मे़भन्‍छिङ्‌ङाङ् यहवे दाङ्‌बान् से़वा नु माङ्‌से़वा मे़मे़त्तुरो॥

सेःक्‌युक्‍मिबाहाॽ 7:15

हे़क्‍क्‍याङ् याकुब नु कुहिम्‍सयङ्‌हाॽ मिस्रओ मे़बे॥ याङ्‌सि खुने़ॽ नु कुस्‍साहाॽ खे़प्‍मोए मे़स्‍ये़॥

हिब्रु 11:22

नसाःन्‍लाम्‍बाए युसुफरे़आङ् सिमा इःत्ते़ल्‍ले़ इस्राइलिहाॽ मिस्र लाजेॽलाम् मे़लन् मे़बेःक्‍पा पाःन्‍निन् चे़क्‍खुआङ् खे़न् ये़म्‍मो कुये़प्‍पिन्‍नाङ् खुनिॽनुए मे़देॽरुर लॽरिक् इङ्‌जाङ् पिरुसिरो॥