लाम्दिक् 13:14 - लिम्बु14 “ताःन्दि के़दाबा ये़म्मो खिनिॽ सा ये़म्बित्छाहाॽरे़ थेआङ् अक्खे के़जोगुम्बाबे फाॽआङ् से़ःन्के़म्दोसिने़भग्र खिनिॽ अक्खे मे़त्ते़म्सिम्मे़ॽ, ‘यहवे दाङ्बे़ल्ले़ आनिगे योःग्बा योःग्मा पोःक्खिगे़आङ् वयिगे़बा मिस्र लाजेॽलाम्बा खुने़ॽ मुक्साम्साबा कुहुक्किल्ले़ लःत्तिगे़ फे़त्तिगे़॥ Gade chapit la |
लाम्दिक् 13:14
29 Referans Kwoze
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
यहवे दाङ्बे़ल्ले़ खुने़ॽ मुक्साम्बा कुहुक्किल्ले़ मिस्र लाजेॽलाम् खिनिॽ के़लःत्ति के़भे़त्तिबाल्ले़ चोगुल्ले़ कन् तोःम्मनाबा तङ्नाम्मिन् खिनिॽ निङ्वाॽसुम् के़मे़प्पा पोङ्ल फाॽआङ् खुने़ॽ के़रे़क् कुधिम्हाॽ खिनिॽ मुराओ तामाआङ् पप्मारे़ लागि कन् खिनिॽ लागि लत्छा मिक्सेन् हुक्को नु त्वाबो पत्ल॥
हे़क्केलॽरिक् मिस्रिहाॽ अदङ् चोगुङ्सिङ्ङाङ् खुन्छिॽ निङ्वान् हादिङ् के़धक्पा चोगुङ् पिरुङ्सिङ् हे़क्क्याङ् खे़ङ्हाॽरे़ खुन्छिॽ लुम्मो निङ्वाॽ के़माबा याःम्बक्हाॽ चोगुङ्बान् खिनिॽ सामे़न्छाॽहाॽ मे़प्मा के़सुक्तुम्सिम्ल॥ हे़क्क्याङ् खिनिॽ के़रे़क्ले़ आङ्गाॽ यहवे दाङ्बाआ फाॽआङ् कुसिङ् के़निःत्तुम्ॽ॥”
आङ्गाॽ आनाम्याक् के़बिआल्ले़ आङ्गाॽ कुदोःप्मा चोःक्काबि मेःम्बि के़लॽबा पाःन्निन् खे़ने़ॽ ओमे़प्मा उसुरु पोङ्॥ आधक्साहाॽओ ते़क्क्राबा फजिखे़ःङ् माक्चिखे़ःङ् मेःन्नेबा कुभरा नु कुमाक्ला मे़ःन्दा नु मे़ल्लुक्हाॽ के़घोसुसिने फाग्र आङ्गाॽ खे़ङ्हाॽ खे़ने़ॽओलाम् खुःत्तुङ्सिङ्बा फाॽआङ् निङ्वाॽ के़घोसुॽ॥”
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
मिस्र लाजेॽओ खिनिॽ योक् के़बोःक्खिआङ् के़वयिल्ले़ आक्खेलॽरिक् यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ कुमुक्साम् नु कुहुक्किन् सन्छुआङ् खिनिॽ के़लःत्ति के़भे़त्ति, खे़न् खिनिॽ निङ्वाॽ इःत्ते़म्मे़ॽ॥ कल्ले़चोगुल्ले़ यहवे दाङ्बा खिनिॽ निङ्वाॽफुमाङ्ङिल्ले़ सबाथ ये़न्निन् ने़प्मारे़ लागि खिनिॽ इङ्जाङ् के़बिरिबारो॥
थेआङ्भे़ल्ले़ यहवे दाङ्बा आनिगे निङ्वाॽफुमाङ्ङिल्ले़ए आनिगे नु आनिगे पाधे़बाहाॽ मिस्र लाजेॽबा योक् पोङ्मा हिम्मोलाम् चोःक्युम्भो पिरुसिआङ् लःत्तु फे़त्तुसिबारो, हे़क्क्याङ् आनिगे मिक्किल्ले़ निसुरए हे़क्तङ्बा यम्बा निङ्वाॽ के़माबा याःम्बक् चोगु॥ खम्भ्याङ् आनिगे आत्ति पेगिगे़साङ्, आत्तिन् सुवाङ्हाॽरे़ खुन्छिॽ लुम्मोलाम् आनिगे फे़रिगे़साङ् खुने़ॽ आनिगे ताङ्से़ःप्तिगे़॥
मिस्रलाम् खुन्छिॽ के़लःप्पा के़भे़प्पा आप्फेक् पाधे़बाहाॽरे़ खुन्छिॽ यहवे दाङ्बा निङ्वाॽफुमाङ्ङिन् मे़ले़रुआङ् खे़ङ्हाॽ वेॽ माङ्हाॽ मे़नाःत्तु मे़दिम्दुसि इग्र खुन्छिॽ कब्रिङ् पिसाङ् के़युङ्बा मे़न्छाम् सुवाङ्हाॽरे़ खुन्छिॽ माङ्हाॽ मे़दिम्दुसि॥ खे़ङ्हाॽ खे़न् माङ्हाॽरे़ खुन्छिॽ तगि साबन् मे़भन्छिङ्, हे़क्क्याङ् यहवे दाङ्बे़न् कुसिक् पोगे़र मे़याःन्दु॥
Piblisite