लाम्दिक् 13:12 - लिम्बु12 खे़ब्याङ् खिनिॽ आबाङे आबाङे तुम्बा साहाॽ यहवे दाङ्बाओ के़दोःम्दुम्सिम्ल पोङ्ॽ॥ खिनिॽ थक्साहाॽरे़ मे़धाप्तुसिबा तगिबा कुम्बाबा थक्सा च्याःक्हाॽआङ् यहवे दाङ्बे़ल्ले़न्ने मे़बोङ्ॽ॥ Gade chapit la |
लाम्दिक् 13:12
17 Referans Kwoze
तगि के़दुम्बा के़रे़क् नुबा सिङ्सेॽहाॽ नु खिनिॽ के़दोःन्दुम्बा के़रे़क्नुःल्ले़ नुबा हुक्वाहाॽ निङ्वाॽफुसाम्बाहाॽरे़न् पोङ्ॽ॥ खिनिॽ के़युःत्तुम्बा फेॽदुम्लाम्बाबा के़रे़क्नुःल्ले़ तगिबा कुजान् खिनिॽ निङ्वाॽफुसाम्बाहाॽ के़बिरुम्सिम्ल पोङ्ॽ हे़क्केलॽरिक् खिनिॽ हिम्सयङ्हाॽओ हाङ्वागे़न् मुॽइसाम् थारो॥
खिनिॽ पित्थक्साहाॽ नु मे़ल्लुक् मे़ःन्दाहाॽलाम् तगि के़धाप्पा के़रे़क् पित्सात् इग्र मे़ःन्दसाःत्तिन् यहवे दाङ्बा खिनिॽ निङ्वाॽफुमाङ्ङिल्ले़ कुलागि से़न्दे़म् ये़प्से़म्मे़ॽ॥ खिनिॽ पित्थक्साहाॽओबा तगि के़धाप्पाहाॽलाम् आत्तिन्नाङ् याःम्बक्को मे़याक्ताम्सिम्मे़न्ने़ॽ, हे़क्क्याङ् तगि के़धाप्पा खिनिॽ मे़ल्लुक्किल्ले़ कुम्ब्रिक्के़न् मे़घक्ते़म्मिन्ने़ॽ॥
अदङ्माःल्ले़ तगि थाप्तुबा अदङ्साःत्तिन् मे़ल्लुक्साःत्तिल्ले़ ले़क्ते़म्मे़ॽआङ् से़न्दे़म्मे़ॽ॥ खे़न् के़ल्ले़क्तुम्मिन्ने़भग्र खे़ल्ले़ कुसित्लाःन् ए़क्खे़म् पिरे़म्मे़ॽ॥ खिनिॽ तुम्बा साहाॽ के़रे़क् थे़माइ पिरे़म्सिम्मे़ॽआङ् से़न्दे़म्सिम्मे़ॽ॥ “आङ्गाॽ आदगि आत्तिन्हाॽआङ् थे़माआङ् मेःन्ने ओःन्मे़न्धाक्सिङ्ङिन्ल॥
थेआङ्भे़ल्ले़ तगि सागे़वाःन्छिङ्बाहाॽ के़रे़क् आङ्गाॽइन्सिरो॥ मिस्र लाजेॽओ तगि सागे़वाःन्छिङ्बाहाॽ के़रे़क् से़रुङ्सिङ्बा ये़न्नो आङ्गाॽ इस्राइलबा तगि सागे़वाःन्छिङ्बा मना नु तगि के़धाप्पा थक्सा के़रे़क् आङ्गाॽ आलागि से़न्दुङ्सिङ्ङाङ् वयाङ्॥ खे़ङ्हाॽ आङ्गाॽहाॽरो॥ आङ्गाॽ यहवे दाङ्बाआरो॥”
“आनिगे हिम्सयङ्ङो सागे़वाःन्छिङ्बा तुम्बा ये़म्बित्छासाहाॽ साम्योथिम् इङ्जाङ्ङिल्ले़ पाःत्तुबा कुइसिक् माङ्हिम्मो निङ्वाॽफुसाम्बाहाॽरो तेॽरुम्सिम्बे़आङ् निङ्वाॽफुमाङ्ङो तोःन्दुम्सिम्बे़॥ हे़क्केलॽरिक्के के़रे़क्नुःल्ले़ तगि के़धाप्पा पित्सात् नु के़रे़क्नुःल्ले़ तगि के़धाप्पा मे़ल्लुक्सात् मे़ःन्दज्याःक्हाॽ आनिगे तोःन्दुम्सिम्बे़रो॥
“खे़न्नाङ्धो तङ्बे थप्मे आनिगे इक्ताप्पो के़रे़क्नुःल्ले़ तगि के़धोःक्पा पोगुगे़न् कुजान् यारिप् चोगुम्बे़आङ् कुजा सिदुङ्जभान् नु आनिगे तोःम्मा के़बोङ्बा पे़ःङ्वालिःत्छेॽ निःङ्गेन्, चे़ल्ले़क्सेॽ थिन् खे़ब्याङ् के़रे़क् परिक्पा सिङ्सेॽहाॽ निङ्वाॽफुसाम्बाल्ले़ कुलागि माङ्हिम्मोबा कुजा युङ्मादे़न्हाॽओ तोःन्दुम्बे़॥ “पाङ्भेॽओ थिबोङ्लक् के़भोङ्बा ले़बिहाॽ आनिगे आबाङे इक्ताप्पोबा पोगुगे़न् कुजा थिबोङ्लक् पिरुम्सिम्बे़रो॥
Piblisite