लाम्दिक् 12:41 - लिम्बु41 यहवे दाङ्बे़ल्ले़ कुमनाहाॽओबा के़रे़क् सुवाङ्हाॽ ४३० तङ्बे के़रे़ल्ले़ याःन्दिक्के मिस्र लाजेॽलाम् मे़लःन्दे़॥ Gade chapit la |
लाम्दिक् 12:41
29 Referans Kwoze
थेआङ्भे़ल्ले़ निःन्धो के़बोङ्बा ये़म्मिन् के़प्मारे़ लागि सुफोःल्ले़ हाङ्घुर वाॽरो, खे़ल्ले़ कुनुप्माल्ले़ कुयाःम्बेओ पाःत्तुरो हे़क्क्याङ् खे़न् से़क्खाए पोङ्लो॥ खे़न् के़प्मा सुसाङ् खे़ने़ॽ हाङ्से़ॽआङ् युङे़ॽओ, थेआङ्भे़ल्ले़ खे़न् से़क्खाए के़त्लो, खे़न् के़प्मा साॽरिक् मे़सुने़न्लो॥
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
हे़क्क्याङ् खे़ल्ले़ पाःत्तु, “तेःङ्बाआङ् मेःन्, निङ्मिआआङ् मेःन्, कर यहवे दाङ्बे़ल्ले़ कुधक्सुबा थक्मोबा पोःक्खाङ्ङाङ् कॽयो त्याङ्ङाङ् वाॽआ॥” खे़ब्याङ् यहोसुन् खाम्बाङ्ङो साम्बोन् हबत् फन्छिङ् हे़क्क्याङ् से़वा मे़त्तुआङ् खुने़ॽ अक्खे मे़त्तु, “आदाङ्बे, खे़ने़ॽ के़से़वारोबाल्ले़ थे़मा चोगुङ्ल के़लॽबा के़निङ्वाॽ वाॽबे?”
कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
खे़ब्याङ् मोसाःल्ले़ मनाहाॽ मे़त्तुसि, “खिनिॽ योःग्बा योःग्मा के़बोःक्खिआङ् के़वयिबा मिस्र लाजेन् के़ले़रुम्माङ् के़भे़रिबा कन् ये़न्निन् निङ्वाॽ इःत्ते़म्मे़ॽ॥ कल्ले़ याःन्दिक् यहवे दाङ्बे़ल्ले़ खुने़ॽ पयम् यम्बा कुमुक्साम्मिल्ले़ खिनिॽ के़लःत्ति के़भे़त्ति॥ कल्ले़ याःन्दिक् के़भङ्बा सिदाॽ मे़न्याक्केबा खरे़ःङ्रक् खिनिॽ चे़म्मे़ॽ॥
यहवे दाङ्बे़ल्ले़ खुने़ॽ मुक्साम्बा कुहुक्किल्ले़ मिस्र लाजेॽलाम् खिनिॽ के़लःत्ति के़भे़त्तिबाल्ले़ चोगुल्ले़ कन् तोःम्मनाबा तङ्नाम्मिन् खिनिॽ निङ्वाॽसुम् के़मे़प्पा पोङ्ल फाॽआङ् खुने़ॽ के़रे़क् कुधिम्हाॽ खिनिॽ मुराओ तामाआङ् पप्मारे़ लागि कन् खिनिॽ लागि लत्छा मिक्सेन् हुक्को नु त्वाबो पत्ल॥
Piblisite