लाम्दिक् 12:16 - लिम्बु16 थिक्सिगेक्पा ये़न्नो खिनिॽ लत्छा सेसे चुम्लुङ् चोगे़म्मे़ॽ, नुसि ये़न् के़त्तिल्ले़ वेॽधिक् चोगे़म्मे़ॽ॥ खे़न् ये़न्नो आत्तिन् परिक्पाआङ् याःम्बक् मे़जोगे़म्मिन्ने़ॽ, कुजा थोःक्माआङ्धो वेॽ थे़माआङ् याःम्बक् मे़जोगे़म्मिन्ने़ॽ॥ Gade chapit la |
लाम्दिक् 12:16
21 Referans Kwoze
खे़ब्याङ् खुने़ॽ खे़ङ्हाॽ मे़त्तुसि, “यहवे दाङ्बे़ल्ले़ इङ्जाङ् चोगुबा पाःन्निन् हाबा कन्लो—‘ताःन्दिक्क नाःम्सिङ्मा ये़न्लो, खे़ङ्ग यहवे दाङ्बाल्ले़ कुलागि सेसे सबाथरो॥ थोःक्मा के़बोङ्बा नु थे़म्मा के़बोङ्बा कुजाहाॽ आइन्छा थोःक्ते़म्मे़ॽ थे़न्दे़म्मे़ॽ॥ के़जाम्माङ् के़नम्बा थोःक्मनाबा कुजान् ताःन्दिक्ले़ लागि से़न्दाम् युक्खे़म्मे़ॽ॥’”
कर नुसिगेक्पा ये़न्निन् चाहि यहवे दाङ्बा खिनिॽ निङ्वाॽफुमाङ्ङिल्ले़ कुलागि नाःम्सिङ्मा ये़न्लो॥ खे़ल्ले़ याःन्दिक् खिनिॽ थेआङ् याःम्बक् मे़जोगे़म्मिन्ने़ॽ, खिनिॽ सा ये़म्बित्छाःल्ले़, सा मे़न्छुमाःल्ले़, खिनिॽ योःग्बा योःग्मे़ल्ले़, खिनिॽ पित् थक्साःल्ले़, खिनिॽ लाजेॽओ के़वाॽबा वेॽ लाजेॽबा मनाःल्ले़ थेआङ् याःम्बक् चोःक्मा मे़नुॽने़न्॥
निङ्वाॽ हे़त्तासिम्मे़ॽ, यहवे दाङ्बे़ल्ले़ सबाथ के़बिरिआङ् वाॽ॥ कल्ले़ चोगुल्ले़ए यहवे दाङ्बे़ल्ले़ खिनिॽ लागि तुक्सिगेक्पा ये़न्नो नियान् के़योबा चामा कुजा के़बिरिॽ॥ नुसिगेक्पा ये़न्नो खिनिॽ आत्ति आत्ति के़वयिॽ हाबा खे़प्मोए युङे़म्मे़ॽ, आत्तिन् मनाःन्नाङ् कुसाःङ्गाहिम्मोलाम् लाःक्कात् मे़लःन्ने़न्ल॥”
कङ्ग तङ्बेबा के़रे़क्नुःल्ले़ सेसेबा हे़क्क्याङ् यम्बा नाःम्सिङ् ये़न्निन्नुःल्ले़ थिक्ये़न् तगि वये़रो॥ यहुदिहाॽरे़ नाःम्सिङ् ये़न्नो सिलाम्साक्मा सिङ्सम्दाङ् चेहाॽ मे़बप्पा खुनिॽ सिराॽ मे़धाङ्ङिन्बाल्ले़ चोगुल्ले़ हारा मे़सिर फाॽआङ् खुनिॽ लाङ्हाॽ मे़ए़क्खुआङ् मे़धाःसुसिर फाॽआङ् पिलातसे़न् पेलि मे़भाक्तुरो॥
Piblisite