लाम्दिक् 12:14 - लिम्बु14 “‘खे़न् ये़न्नो खिनिॽ लत्छा साम्योबा तङ्नाम् थिक् के़दोसुम्ॽ हे़क्क्याङ् आङ्गाॽ यहवे दाङ्बे़ल्ले़ थे़मा चोगुङ्ङाङ् वये़ खे़न् तङ्नाम्मिल्ले़ खिनिॽ निङ्वाॽसुम् तारु के़बिरिॽ॥ खे़न् तङ्नाम्मिन् सदादिङ्ले़ लागि के़दाबा ये़न्हाॽओ तोसे़म्मे़ॽ॥’” Gade chapit la |
लाम्दिक् 12:14
29 Referans Kwoze
यहवे दाङ्बा खिनिॽ निङ्वाॽफुमाङ्ङिल्ले़ खुने़ॽ आप्फेक् कुमिङ् युङ्दे़न् चोःक्मारे़ लागि सेगुबादे़न्नो खिनिॽ, खिनिॽ साहाॽ, योग्बा योःग्मा, ये़क्यक्को के़युङ्बा ले़बिःल्ले़ कुमुॽइदाङ्साहाॽ, वेॽ लाजेॽबा मनाहाॽ, ये़त्छा होॽदोःक्हाॽ नु खिनिॽ लुम्मो के़युङ्बा मेमेदुमा के़रे़क् आप्फेक् निङ्वाॽफुमाङ्ङिल्ले़ कुदगि सःत्ते़म्मे़ॽ॥
खे़न् एगाङ् मोसान् नु हारुने़न् मिस्रबा हाङ्ङे़ओ पेसे़त्छिआङ् मे़त्ते़सु, “इस्राइलबा निङ्वाॽफुमाङ् यहवे दाङ्बे़ल्ले़ अक्खे पाःत्तुॽ, ‘आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् खे़ङ्हाॽरे़ मुरे़क् खारे़क् थेआङ् के़होप्पादे़न्नो आङ्गाॽ माङ्से़वा मे़प्मारे़ लागि लत्छा तङ्नाम्धिक् मे़दोसुर॥’”
खिनिॽ खे़ङ्हाॽ अक्खे मे़त्ते़म्सिम्मे़ॽ, ‘यहवे दाङ्बे़ल्ले़ कुमाङ्हुप् सन्दोक्किल्ले़ कुबेसाङ् यर्दनबा च्वाःत्तिन् कुङ्मा नाॽरे़आङ् ने़स्से़॥ सन्दोक्किल्ले़ यर्दन वहःङ्ङिन् काःक्तुल्ले़ यर्दनबा च्वाःत्तिन् कुङ्मा नाॽरे़आङ् ने़स्से़॥’ कन् लुङ्हाॽ इस्राइलिहाॽरे़ खुनिॽ लागि सदादिङ्बा इःत्लुङ् पोङ्ङाङ् ये़प्॥”
याम्मो यहवे दाङ्बे़ल्ले़ हारुने़न् मे़त्तु, “इस्राइलिहाॽरे़ आङ्गाॽओ मे़दोन्दुबा के़रे़क् सेसेबा सिदुङ्जभाहाॽ आङ्गाॽ खे़ने़ॽ ओमे़प्मा याःम्बक् पिने़आङ् वाॽ॥ आङ्गाॽ खे़ने़ॽ के़गत्तुबा निङ्वाॽफुसाम्बा ताक्फाःल्ले़ चोगुल्ले़ खे़न् लक्हाॽ खे़ने़ॽ नु खे़ने़ॽ के़स्सा ये़म्बित्छाहाॽ आभे़ल्ले़साङ् के़घोसुम्बा लक् कुसिङ् से़न्दुङ् पिनिङ्ङाङ् वाॽ॥
यहवे दाङ्बे़ल्ले़ मोसाःन्लाम् एलाजारे़न् मे़त्तुआङ् वये़बा हे़क्केए खे़ल्ले़ चोगु॥ हारुनरे़ कुमुॽइदाङ्साहाॽनुःल्ले़ वेॽ आत्तिन् मनाःन्नाङ् सुक्पा हाःन्छे़ निःत्ताङ् मे़दाने़न्ल फाॽआङ् सिङ्सिङ् ये़क्ये़क् लॽमारे़ लागि इस्राइलिहाॽरे़ खुन्छिॽ लागि कन् के़रे़क् पाःन्हाॽ पोःक्खे़आङ् वये़, मेःन्ने़भग्र खे़न्नाङ् कोरहःन् नु खुने़ॽ के़दिम्बा मनाहाॽ हे़क्के खाप्पुथ्यःङ् मे़बोङ्ॽ॥
“खिनिॽ खरे़ःङ् के़भङ्बा सिदाॽ मे़न्याक्केबा तङ्नाम् तोसे़म्मे़ॽ॥ खिनिॽ इङ्जाङ् पिनिङ्बा हे़क्के अबिब लाओ तोमा के़बोङ्बा नुसि ये़न् थारिक् के़भङ्बा सिदाॽ मे़न्याक्केबा खरे़ःङ् चे़म्मे़ॽ, थेआङ्भे़ल्ले़ हाबा खे़न् लाओ खिनिॽ मिस्रलाम्बा के़लःन्दि के़भे़रिबारो॥ “हुक्को थेआङ् मे़न्दाःत्ते आङ्गाॽ आदगि हाःत्ताङ् ओःन्मे़धाक्सिङ्ङिन्ल॥
तुम्मादे़न् साःङ्गाहिम्मो माङ्हुप् सन्दोक्किल्ले़ कुदगि के़बप्पा फोःन्दा लाःक्कात् हारुने़न् नु कुस्साहाॽरे़ खे़न् सेमिहाॽ युःन्छिक्काङ्धो तानाम् थारिक् यहवे दाङ्बे़ल्ले़ कुदगि मे़हाःन्दुआङ् मे़याक्ल॥ इस्राइलिहाॽरे़ खुन्छिॽ लागि थाःक्थाःक्को थारिक् कन् सदादिङ्बा थिम् पोङ्लरो॥”
Piblisite