लाम्‍दिक् 12:11 - लिम्‍बु

¹¹ खिनिॽ खे़न् हाराहारा चे़म्‍मे़ॽ थेआङ्‌भे़ल्‍ले़ खिनिॽ लाङ्‌ङो लाङ्‌सुःप् चाङ्‌मा हे़क्‍क्‍याङ् हुक्‍को तक्‍कात् याङ्‌सिङ्‌माआङ् लाम्‍दिक् चोःक्‍मारे़ लागि फॽइ युम्‍माआङ् युङ्‌मा पोङ्‌ॽ॥ कन् चोःक्‌युम्‍भो तङ्‌नाम्‍मिन् यहवे दाङ्‌बे़ल्‍ले़न्‍लो॥

लाम्‍दिक् 12:11 Referans Kwoze

लाम्‍दिक् 12:27

खे़ब्‍याङ् खे़ङ्‌हाॽ अक्‍खे मे़त्ताम्‍सिम्‍मे़ॽ, ‘कन् यहवे दाङ्‌बे़न् मिङ्‌सो इङ्‌धाङ् पिमनाआङ् तोःम्‍मनाबा काःक्‍माआङ् ले़प्‍मनाबा वयागे़न् सिदुङ्‌जभा तङ्‌नाम्‍लो थेआङ्‌भे़ल्‍ले़ खुने़ॽ मिस्रओ के़ने़बा इस्राइलिहाॽरे़ खुन्‍छिॽ हिम्‍हाॽ काःक्‍तुआङ् पेःल्‍ले़ खुने़ॽ मिस्रिहाॽ स्‍ये़रुसि करसाङ् आनिॽ इस्राइलिहाॽ आदाङ्‌घे़आङ् वये़॥’” खे़ब्‍याङ् इस्राइलिहाॽ थुङ्‌बोहजॽ मे़युङ्‌सिङ्‌ङाङ् यहवे दाङ्‌बान् माङ्‌से़वा मे़मे़त्तु॥

एफिसि 6:15

हे़क्‍क्‍याङ् सनारुङ् के़दाःप्‍पा सुनाइङ् इङ्‌भोसे़ के़बेःक्‍पा लाङ्‌सुःप्‍पिन् चाक्‍खे़म्‍मे़ॽआङ् यारिप् पोःक्‍खे़म्‍मे़ॽओ॥

१ कोरन्‍थि 5:7

खे़ल्‍ले़चोगुल्‍ले़ खिनिॽ सेसेबा के़बोःक्‍खिर फाॽआङ् खे़न् लायो के़जोःक्‍पा ताप्‍फे़ःम्‍बा मनान् खिनिॽ लुम्‍मोलाम् लःत्ते़म्‍देसे़म्‍मे़ॽ॥ थेआङ्‌भे़ल्‍ले़ ख्रिस्‍ते़ङ्‌ग आनिॽ लागि सिदुङ्‌जभा पोःक्‍खे़चुरे़आङ् वाॽरो, खुने़ॽए आनिॽ चोःक्‌युम्‍भो तङ्‌नाम्‍मिल्‍ले़न् मे़ल्‍लुक्‍सारो॥

१ पत्रुस 1:13

खे़ल्‍ले़चोगुल्‍ले़ माङ्‌से़वा चोःक्‍मा फाॽआङ् निङ्‌वाॽओ यारिप् पोःक्‍खे़म्‍मे़ॽ, हे़क्‍क्‍याङ् निङ्‌वाॽइन् योधो मे़म्‍मे़त्ते वये़म्‍मे़ॽओ॥ ये़सु ख्रिस्‍ते़न् नुःङ् युःल्‍ले़ के़घोसुम्‍बा लुङ्‌गुम्‍मिन् कुलिङ्‌दो के़त्‍ल निङ्‌साङ् चोगे़म्‍मे़ॽओ॥

लुका 12:35

“खिनिॽ फॽइःन् युप्‍से़म्‍मे़ॽआङ् यारिप् पोःक्‍खे़म्‍मे़ॽआङ् यङे़म्‍मे़ॽ, हे़क्‍क्‍याङ् खिनिॽ सेमिन् हाःन्‍दे़म्‍मे़ॽआङ् युक्‍खे़म्‍मे़ॽओ॥

खानिःत् 28:16

“‘थिक्‍सिगेक्‍पा लाःल्‍ले़न् थिबोङ्‌ङाङ् लिसि ये़न्‍नो यहवे दाङ्‌बाल्‍ले़न् चोःक्‌युम्‍भो तङ्‌नाम्‍मिन् तोमा पोङ्‌ॽ॥

ले़बि 23:5

“‘थिक्‍सिगेक्‍पा लाओबा थिबोङ्‌ङाङ् लिसिगेक्‍पा ये़न् युःन्‍छिक् यहवे दाङ्‌बे़ल्‍ले़ कुलागि तोमा के़बोङ्‌बा चोःक्‌युम्‍भो तङ्‌नाम्‍मिन् हेःक्‍सिङ्‌ॽ॥

लाम्‍दिक् 12:43

यहवे दाङ्‌बे़ल्‍ले़ मोसान् नु हारुने़न् मे़त्तुसि, “काःक्‍माआङ् ले़प्‍मनाबा तङ्‌नाम् तोमा थिम्‍हाॽ हाबा कन्‍हाॽरो— “कुभा वेॽ लाजेॽबा मनाःल्‍ले़ काःक्‍माआङ् ले़प्‍मनाबा तङ्‌नाम्‍बा कुजान् मे़जने़न्‍ल,

लाम्‍दिक् 12:21

खे़ब्‍याङ् मोसाःल्‍ले़ इस्राइलबा के़रे़क् लाम्‍लोबाहाॽ उःत्तुसिआङ् मे़त्तुसि, “खिनिॽ के़रे़क् हिम्‍सयङ्‌ले़ लत्‍छा लत्‍छा मे़ल्‍लुक्‍साःत् सेगे़म्‍मे़ॽआङ् से़रे़म्‍मे़ॽ हे़क्‍केलॽरिक् खिनिॽ हिम्‍सयङ्‌हाॽरे़ काःक्‍माआङ् ले़प्‍मनाबा तङ्‌नाम् तोमा मे़सुक्‍तुर॥

लुका 15:22

कर कुम्‍बारे़ खे़प्‍मो के़वाॽबा कुसे़वारोबाहाॽ मे़त्तुसि, ‘हारा पेगे़म्‍मे़ॽआङ् कन् आस्‍सा फोॽबान् काक्‍नुःल्‍ले़ नुबा तेःत्तिन् फे़त्ते़म्‍मे़ॽआङ् चाक्‍ते़म्‍मे़ॽ, कुहुक्‍चोओ स्‍वागेप् वाःत्ते़म्‍मे़ॽ, हे़क्‍क्‍याङ् कुलाङ्‌ङो लाङ्‌सुःप् चाक्‍ते़म्‍मे़ॽओ॥

लुका 7:38

ये़सुरे़ कुएगाङ् ले़प्‍माङ् त्‍ये़आङ् हाबे़र ये़सुरे़ कुलाङ्‌ङो कुमिक्‌वाःल्‍ले़ वारक्‍खुरो॥ हे़क्‍क्‍याङ् कुधे़गेःक्‍इःल्‍ले़ तुगुआङ् हेसुर कुलाङ्‌ङिन् चुप् मे़त्तुआङ् खे़न् फुङ्‌नाम्‍मिन् हुःत्तुरो॥

लाम्‍दिक् 12:13

खिनिॽ के़युङिबा हिम्‍हाॽओ लाम्‍धेत् सित्‍लाङ्‌ङो हुःप्‍मनाआङ् के़बप्‍पा खे़न् माक्‍खिन् मिक्‍सेःन्‌ पोङ्‌ॽ॥ खे़न् माक्‍खिन् आङ्‌गाॽ निसुङ्‌ङाङ् आङ्‌गाॽ खिनिॽ काःक्‍निङ् थानिङ्‌ॽ हे़क्‍क्‍याङ् आङ्‌गाॽ मिस्रिहाॽ खुम्‍दिङ् पिरुङ्‌सिङ्‌बा आत्तिन् मिङ्‌देॽइल्‍ले़आङ् खिनिॽ के़न्‍छुसिन्॥

लुका 2:41

तङ्‌बे थप्‍मा ये़सुरे़ कुम्‍बा कुम्‍मासि यरुसले़म्‍मो यहुदि चोःक्‌युम्‍भो तङ्‌नाम्‍मो पेःक्‍मा थिम् कत्ते़त्‍छुरो॥

यसैया 52:12

कर खे़निॽ के़जात्तिर पेःक्‍मा मे़बोङ्‌ने़ल्‍लो इग्र के़घे़त्तासिआङ् के़म्‍बेगिल्‍लो, थेआङ्‌भे़ल्‍ले़ यहवे दाङ्‌बे़न् खे़निॽ तगि तगि पेःक्‍लो, इस्राइलबा निङ्‌वाॽफुमाङ्‌ङिल्‍ले़ खे़निॽ एगाङ् ताङ्‌गे़से़ःप्‍तिरो॥

खानिःत् 9:1

खे़ङ्‌हाॽ मिस्रलाम् मे़लःन्‍दे़ मे़भे़रे़बा निसिगेक्‍पा तङ्‌बे के़रे़बा थिक्‍सिगेक्‍पा लाओ सिनैबा मुरे़क् खारे़क् थेआङ् के़होप्‍पादे़न्‍नो यहवे दाङ्‌बे़ल्‍ले़ मोसान् अक्‍खे मे़त्तुआङ् पारे़

साम्‌योथिम् इङ् 16:1

अबिब लाःन् निङ्‌वाॽसोक् चोगे़म्‍मे़ॽआङ् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ चोःक्‌युम्‍भो खोमा कुदङ्‌नाम्‍मिन् तोसे़म्‍मे़ॽ, थेआङ्‌भे़ल्‍ले़ अबिब लाओए खुने़ॽ खिनिॽ से़न्‍दिक् मिस्रलाम् के़लःत्ति के़भे़त्ति॥

यहोसु 5:10

आल्‍ल इस्राइलिहाॽरे़ गिलगालओ साःङ्‌गाहिम् मे़जोगुआङ् मे़युङे़, खे़ब्‍याङ् खे़ङ्‌हाॽरे़ खे़न् लाओबा थिबोङ्‌ङाङ् लिसिगेक्‍पा ये़न्‍निल्‍ले़ याःन्‍दिक् युसिक् यरिहोबा ने़ने़बादे़न्‍नोए चोःक्‌युम्‍भो तङ्‌नाम् मे़दोसु॥

२ हाङ् 23:21

योसियाह हाङ्‌ङिल्‍ले़ के़रे़क् मनाहाॽ कन् इङ्‌जाङ्‌ङिन् पिरुसि, “यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुजोःक्‌युम्‍भो तङ्‌नाम्‍मोबा कन् माङ्‌हुप् साप्‍पन्‍नो साप्‍ते़बा कुइसिक् तोसे़म्‍मे़ॽ॥”

इजकिएल 45:21

“‘थिक्‍सिगेक्‍पा लाओबा थिबोङ्‌ङाङ् लिसिगेक्‍पा ये़न्‍नो खिनिॽ चोःक्‌युम्‍भो तङ्‌नाम्‍मिन् नुसि ये़न् थारिक् के़दोसुम्‍ल पोङ्‌ॽ, खे़न् ये़न्‍हाॽओ के़भङ्‌बा सिदाॽ मे़न्‌याक्‍केबा खरे़ःङ् खिनिॽ के़जाम्‍ल पोङ्‌ॽ॥