लाम्‍दिक् 10:26 - लिम्‍बु

²⁶ आनिगे थक्‍साहाॽआङ् आनिगे़नु सोरिक् मे़बेःक्, हे़क्‍क्‍याङ् खुन्‍छिॽ लत्‍छा लाङ् तोॽभेत् थिक्‍काङ् याःक्‍मा मे़नुॽने़न्॥ आनिगे यहवे दाङ्‌बा निङ्‌वाॽफुमाङ्‌ङिन् माङ्‌से़वा मे़प्‍मारे़ लागि खे़ङ्‌हाॽलाम्‍बाए कुभा तोःम्‍मासि के़बोङ्‌बा वाॽ॥ आनिगे खे़प्‍मो मे़ङ्‌गे़त्ते थारिक् थेधेहाॽ तोःम्‍मासिआङ् यहवे दाङ्‌बे़न् माङ्‌से़वा मे़प्‍मा पोङ्‌ॽ खे़न् आनिगे मे़निसुम्‍बे़न्॥”

लाम्‍दिक् 10:26 Referans Kwoze

हिब्रु 11:8

नसाःन्‍लाम्‍बाए अब्राहामरे़ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् खे़प्‍सु॥ हे़क्‍क्‍याङ् उःत्तुआङ् पेगे़ॽ मे़त्तुबा लाजेॽओ पेरो॥ खे़न् लाजेॽइङ्‌ग ताःन्‍दि खुने़ॽ खोमा के़बोङ्‌बा कुलक् वये़रो॥ खुने़ॽ आत्तान् पेःक्‍कार पत्ता फाॽआङ् थेआङ् मे़निसुन्‍लो॥

२ कोरन्‍थि 8:5

आल्‍ल खे़ङ्‌हाॽरे़ग आनिगे निङ्‌साङ् चोःक्‍मनाबा हे़क्‍केरक् मे़न्‍जोगुन्‍लो, कर दाङ्‌बाओ तगि मे़बिसिङ् हे़क्‍क्‍याङ् निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् आनिगे काक् पाःन्‍हाॽ मे़घे़प्‍सु॥

जकरिया 14:20

खे़न् ये़न्‍नो अन्‍हाॽरे़ खुन्‍छिॽ पःङ्‌गेॽहाॽओ “यहवे दाङ्‌बे़ल्‍ले़ कुलागि तोःम्‍मनाबा” लॽरिक् लक्‍मनाबा पत्‍लो, यहवे दाङ्‌बे़ल्‍ले़ कुहिम्‍मोबा सामापुमाहाॽ ले़त्ति तोःम्‍मादे़न्‍निल्‍ले़ कुदगि के़युङ्‌बा सुत्‍थो खोर्‍याहाॽ हे़क्‍तङ्‌बा पोङ्‌ॽ॥

होसे 5:6

खे़ङ्‌हाॽरे़ खुन्‍छिॽ मे़ल्‍लुक् मे़ःन्‍दाहाॽ नु पिप्‍मा पित् लुप्‍हाॽ मे़देॽरुसिआङ् सिदुङ्‌जभा तोःम्‍मासिरे़ लागि यहवे दाङ्‌बे़ल्‍ले़ कुगोःत्‍छे़ मे़बेःक्‍किल्‍ले़ खे़ङ्‌हाॽरे़ खुने़ॽ मे़न्‍दुमुन्‍लो, खुने़ॽ खे़ङ्‌हाॽलाम् लाःत्‍लाःत् खे़त्‍छिङ्‌घे़रे़आङ् वाॽरो॥

यसैया 23:18

हे़क्‍केसाङ् खे़ल्‍ले़ कुइन्‍धाःक्‍किन् नु खे़ल्‍ले़ याःम्‍बक् चोगुआङ् थगुबा कुयाङ्‌ङिन् यहवे दाङ्‌बे़ल्‍ले़ कुलागि लाःत्‍लाःत् मे़से़न्‍दुॽ॥ खे़न् लाःत्‍लाःत् मे़से़न्‍दुबा याङ्‌ङिन् याङ् याङ्‌मादे़न्‍नो मे़न्‌युक्‍खुन्‌ॽ॥ खे़ल्‍ले़ ले़ङ्‌हङ् चोगुआङ् थगुबा याङ्‌ङिन् यहवे दाङ्‌बे़ल्‍ले़ कुमनाहाॽरे़ लागि वे़त्ते़सरे़ चामा थुङ्‌मा नु नुःब्‍नुबा चाङ् चाङ्‌मारे़ लागि पोङ्‌लो॥

खाहुन् 3:9

खे़ने़ॽ के़याङ्‌सा कुन्‍धे नु के़रे़क्‍नुःल्‍ले़ तगि के़दुम्‍बा पोगुगे़न् के़जाःल्‍ले़ यहवे दाङ्‌बान् मिङ्‌सोइङ्‌धाःङ् पिरे़ॽओ,

लाम्‍दिक् 12:32

खिनिॽ के़बाःत्तुम्‍बा हे़क्‍के खिनिॽ मे़ल्‍लुक् मे़ःन्‍दा नु पित्‍थक्‍साहाॽ तेॽरे़म्‍सिम्‍मे़ॽआङ् पेगे़म्‍मे़ॽ॥ कर खिनिॽ के़बेगिल्‍ले़ आङ्‌गाॽआङ् हाङ्‌वागे़न् मुॽइसाम् आबिरे़म्‍मे़ॽ॥”

लाम्‍दिक् 10:9

मोसाःल्‍ले़ मे़त्तु, “आनिगे के़रे़क्, हिन्‍जाॽबित्‍छाॽहाॽ नु काप्‍पो काप्‍मु खक्‍पे़त्ते पेगिगे़॥ आनिगे साएहाॽ, मे़ल्‍लुक् मे़ःन्‍दाहाॽ नु थक्‍साहाॽ के़रे़क् तेॽरुम्‍सिम्‍बे़ थेआङ्‌भे़ल्‍ले़ यहवे दाङ्‌बे़न् आनिगे मिङ्‌सो इङ्‌धाङ् पिरुम्‍बे़आङ् लत्‍छा तङ्‌नाम् तोसुम्‍बे़॥”

लाम्‍दिक् 10:25

मोसाःल्‍ले़ नोगप् पिरु, “हे़क्‍केने़भग्र आनिगे निङ्‌वाॽफुमाङ् यहवे दाङ्‌बाओ सिदुङ्‌जभा तोःम्‍मारे़ लागि, वयागे़न् सिदुङ्‌जभा तोःम्‍मारे़ लागि थक्‍साहाॽ तेॽमा खे़ने़ॽ याप्‍मि के़भाःक्‍लए पोङ्‌ॽ॥

लाम्‍दिक् 8:27

आनिगे सुम्‌यान्‍बा लाम् मुरे़क् खारे़क् थेआङ् के़होप्‍पादे़न्‍नो पेगिगे़आङ् खे़प्‍मो आनिगे यहवे दाङ्‌बाओ सिदुङ्‌जभा तोःम्‍दुम्‍बे़ खुने़ॽ आनिगे हे़क्‍तङ्‌बाए इङ्‌जाङ् पिरिगे़आङ् वयिगे़॥”