लाम्‍दिक् 1:8 - लिम्‍बु

⁸ खे़ब्‍याङ् मिस्रओ योसेफरे़ कुयाःम्‍बेओ थेआङ् कुसिङ् मे़न्‍निःप्‍मनाबा लत्‍छा वेॽ हाङ्‌धिक्‍ले़ हाङ्‌युक् चोःक्‍मा हेःक्‍तु॥

लाम्‍दिक् 1:8 Referans Kwoze

सेःक्‌युक्‍मिबाहाॽ 7:18

यरिक् तङ्‌बे एगाङ् खे़प्‍मो वेॽसमा मनान् हाङ् पोःक्‍खे़आङ् मिस्रओ हाङ्‌युक् चोःक्‍मा हेःक्‍तु॥ खे़ल्‍ले़ युसुफरे़ कुयाःम्‍बेओ कुसिङ् मे़निःत्तुन्‍लो॥

खाहुन्‍साबा 9:15

खे़न् ये़क्‌यक्‍को लत्‍थिक् याङ्‌गे़साॽबा मना वये़ कर खे़न् साॽरिक् चाःप्‍पा चोगे़ खे़ल्‍ले़ कुसिक्‍कुम् निङ्‌वाःल्‍ले़ ये़क्‌यक्‍किन्‍ने ताङ्‌से़ःप्‍तु॥ कर खे़न् याङ्‌गे़साॽबा मनान् आत्तिल्‍ले़आङ् खे़न् निङ्‌वाॽ मे़इःत्तुन्॥

सेःक्‌युक्‍मिबाहाॽ 7:19

खे़ल्‍ले़ आनिॽ थाःक्‍थे़बाहाॽ इङ्‌ले़क् मे़त्तुसिर साॽरिक् निङ्‌घुम् चोगुसिआङ् ये़म्‍बित्‍छाॽ अङे़ःक्‌वासाहाॽ मे़सिर फाॽआङ् लाप्‍फु पाङ्‌घुसि॥

साम्‌योथिम् इङ् 26:6

कर मिस्रिहाॽरे़ ताप्‍फे़ःल्‍लिक् मे़मे़त्तिगे़आङ् आनिगे तुक्‍खे मे़जाःत्तिगे़, हे़क्‍क्‍याङ् साॽरिक् के़साक्‍पा योःक्‍को मे़भत्‍छिगे़॥

निङ्‌वाॽफु साम्‍लोसुम् 105:25

निङ्‌वाॽफुमाङ्‌ङिल्‍ले़ कुमना इस्राइलिहाॽ मिस्रिहाॽरे़ मे़जिःत्तुसिर याःन्‍दुसिरो, हे़क्‍क्‍याङ् खुने़ॽ कुसे़वारोबाहाॽ खे़ङ्‌हाॽरे़ इङ्‌मे़ले़क्‍तुसिर चोगुरो॥

लाम्‍दिक् 3:7

यहवे दाङ्‌बे़ल्‍ले़ मे़त्तु, “मिस्र लाजेॽओ आङ्‌गाॽ आमनाहाॽ साॽरिक् ताप्‍फे़ःल्‍लिक् मे़मे़त्तुसिआङ् तुक्‍खे मे़जाःत्तुसिर मे़याक्, खे़न् आङ्‌गाॽ निसुङ्‌ङाङ् वाॽ॥ याःम्‍बक्‍को मना के़भम्‍बा मिस्रिहाॽरे़ खुन्‍छिॽ हुक्‍कोलाम् से़म्‍मारे़ लागि खे़ङ्‌हाॽरे़ खुन्‍छिॽ पेलिन् आङ्‌गाॽ खे़प्‍सुङ्‌ङाङ् वाॽ॥ खे़ङ्‌हाॽरे़ खुनिॽ तुक्‍खेन् नु के़साक्‍पा मे़दुमुबान् आङ्‌गाॽ कुसिङ् निःत्तुङ्‌ॽ॥

लाम्‍दिक् 3:9

आङ्‌गाॽ से़क्‍खाए आमनाहाॽरे़ खुन्‍छिॽ हाःप्‍मा फिःक्‍मान् खे़प्‍सुङ्‌ङाङ् वाॽ हे़क्‍क्‍याङ् मिस्रिहाॽरे़ आक्‍खेलॽरिक् खे़ङ्‌हाॽ तुक्‍खे मे़जाःत्तुसिर मे़वाॽ आङ्‌गाॽ खे़न् निसुङ्‌ङाङ् वाॽ॥

लाम्‍दिक् 3:16

“पेगे़ॽआङ् इस्राइलबा लाम्‍लोबाहाॽ थिक्‍मे़त् फुक्‍खे़से़ॽ हे़क्‍क्‍याङ् यहवे दाङ्‌बा खिनिॽ ताक्‍थे़बा अब्राहाम, इसहाक नु याकुबरे़ कुनिङ्‌वाॽफुमाङ्‌ङिल्‍ले़ खे़ने़ॽ सुफो पिने़बा फाॽआङ् खे़ङ्‌हाॽ मे़त्ते़से़ॽ, खुने़ॽ खे़ङ्‌हाॽरे़ खुनिॽ लुम्‍मो ये़आङ् वाॽ हे़क्‍क्‍याङ् मिस्रिहाॽरे़ खे़ङ्‌हाॽ थे मे़मे़त्तुसिर मे़वाॽ खे़न् के़रे़क् आङ्‌गाॽ निसुङ्‌ङाङ् वाॽ॥

खासे़न्‍लोःम्‍बा 2:10

खे़न् काक् थाःक्‍कोबा के़रे़क् मनाहाॽ खुन्‍छिॽ पाधे़बाहाॽनु तङ्‌सिङ्‌से़ मे़बे॥ याङ्‌सि वेॽ थाःक्‍हाॽ मे़गे़रे़ मे़धाङे़ खे़ङ्‌हाॽरे़ यहवे दाङ्‌बे़न् कुसिङ् मे़न्‍निःत्तुन् हे़क्‍क्‍याङ् खुने़ॽ इस्राइलिहाॽरे़ लागि चोगुआङ् वये़बा याःम्‍बक्‍हाॽआङ् मे़न्‍निसुन्॥