लाम्‍दिक् 1:22 - लिम्‍बु

²² खे़ब्‍याङ् कुनुप्‍मो फारो हाङ्‌ङिल्‍ले़ के़रे़क् कुमनाहाॽ अक्‍तङ्‌बा इङ्‌जाङ् पिरुसि, “हिब्रुहाॽरे़ खारक् सागे़वाःन्‍छिङ्‌बा खुन्‍छिॽ अङे़ःक्‌वा ये़म्‍बित्‍छासाहाॽ निल वहःङ्‌ङो लाप्‍फुसाम्‍से़ॽ कर मे़न्‍छुमा साहाॽ कुहिङ्‌वे़त्ते ले़रे़म्‍सिम्‍मे़ॽओ॥”

लाम्‍दिक् 1:22 Referans Kwoze

सेःक्‌युक्‍मिबाहाॽ 7:19

खे़ल्‍ले़ आनिॽ थाःक्‍थे़बाहाॽ इङ्‌ले़क् मे़त्तुसिर साॽरिक् निङ्‌घुम् चोगुसिआङ् ये़म्‍बित्‍छाॽ अङे़ःक्‌वासाहाॽ मे़सिर फाॽआङ् लाप्‍फु पाङ्‌घुसि॥

खाहुन् 1:16

थेआङ्‌भे़ल्‍ले़ खे़ङ्‌हाॽरे़ खुन्‍छिॽ लाङ्‌दाप्‍पेन् लायो चोःक्‍मा चात्तुरो, खे़ङ्‌हाॽ माक्‍खिॽ से़मारे़ लागि खा यारिप् मे़बोङ्‌लो॥

खाहुन् 4:16

थेआङ्‌भे़ल्‍ले़ ताक्‍के़भे़ॽबाहाॽरे़ ताप्‍फे़ःम्‍बा याःम्‍बक् मे़न्‍जोःक्‍के थे़म्‍बा खुन्‍छिॽ इम्‍मा मे़न्‍छुक्‍ने़न्‍लो॥ कुभा मनाहाॽ तुक्‍खेओ मे़न्‍धासिङ्‌ङे थारिक् खे़ङ्‌हाॽरे़ खुन्‍छिॽ मिक्‍के मे़युने़न्‍लो॥

निङ्‌वाॽफु साम्‍लोसुम् 105:25

निङ्‌वाॽफुमाङ्‌ङिल्‍ले़ कुमना इस्राइलिहाॽ मिस्रिहाॽरे़ मे़जिःत्तुसिर याःन्‍दुसिरो, हे़क्‍क्‍याङ् खुने़ॽ कुसे़वारोबाहाॽ खे़ङ्‌हाॽरे़ इङ्‌मे़ले़क्‍तुसिर चोगुरो॥

लाम्‍दिक् 1:16

“हिब्रु मे़न्‍छुमाहाॽरे़ सा मे़गत्तुसिल्‍ले़ खे़ङ्‌हाॽ फाॽमासिरे़ लागि खिनिॽ के़बिगिल्‍ले़ ये़म्‍बित्‍छासा मे़गत्तुसिने़भग्र खे़ङ्‌हाॽ से़रे़म्‍सिम्‍मे़ॽ, कर मे़न्‍छुमासा मे़गत्तुसिने़भग्र कुहिङ्‌वे़त् ले़रे़म्‍सिम्‍मे़ॽ॥”

खाहुन् 27:4

सिक्‍पोःक्‍माङ्‌ग साॽरिक् कुॽइगे़भे़म्‍बा चोक्‍लो, हे़क्‍क्‍याङ् साक्‍के़न्‍निङ्‌ग आसे़से़प्‍पा के़गुङ्‌बा च्‍वाःत् हे़क्‍तङ्‌बा चोक्‍लो, कर नाहे़न्‍निल्‍ले़ कुबेसाङ् हात् ये़प्‍मा सुक्‍पे?

तोलिङ्‌सोमु 41:1

तङ्‌बे ने़त्‍छि के़रे़आङ् एगाङ् फारोल्‍ले़ लत्‍छा से़प्‍माङ्‌धिक् माक्‍तु॥ से़प्‍माङ्‌ङो खुने़ॽ निल यङ्‌घङ्‌ङिल्‍ले़ कुयाओ ये़बे़बा माक्‍तु॥

हिब्रु 11:23

नसाःन्‍लाम्‍बाए मोसान् सावाःन्‍छिङ्‌ङिल्‍ले़ कुम्‍मा कुम्‍बासिरे़ ला सुम्‍सि थारिक् चिक्‍खे़त्‍छुआङ् कत्ते़त्‍छु, थेआङ्‌भे़ल्‍ले़ खे़न् अङे़ःक्‌वान् साॽरिक् नुबा निसे़त्‍छु, हे़क्‍क्‍याङ् हाङ्‌ङिल्‍ले़ कुइङ्‌जाङ्‌ङिन्‍नाङ् मे़गिरे़त्‍छुन्‍लो॥

लाम्‍दिक् 2:6

हाङ्‌सामाल्‍ले़ पक्‌वान् हन्‍दुल्‍ले़ अङे़ःक्‌वान् निसु॥ अङे़ःक्‌वान् हाबे़र यागे़ हे़क्‍क्‍याङ् हाङ्‌सामाल्‍ले़ खे़न् अङे़ःक्‌वान् कुलुङ्‌माॽ तुगे़॥ खुने़ॽ पाःत्तु, “कङ्‌ग लत्‍छा हिब्रु अङे़ःक्‌वारो॥”