20 हे़क्क्याङ् निङ्वाॽफुमाङ्ङिल्ले़ हुक्के़लामाहाॽ लुङ्माॽ तुक्तुसिआङ् इस्राइलिहाॽ आल्लसाङ् यरिक् मे़बोःन्दे़र मे़बे हे़क्क्याङ् खे़ङ्हाॽ मुक्साम्साबा मे़बोःक्खे़॥
यरिक् फे़न्याःम्बक् के़जोःक्पाआङ् लायो के़जोःक्पा मनान् काप्पोबा तुम्ल थारिक् हिङ्ॽ॥ हे़क्केसाङ् आङ्गाॽ निसुङ् कि निङ्वाॽफुमाङ्ङिन् किप्म़ेल्ले़, के़रे़क् पाःन्हाॽ नुबा पोङ्ॽ,
साम्योबा मनाहाॽ मे़त्ते़से़ॽओ, खे़ङ्हाॽरे़ खुन्छिॽ लागिग नुबाए पोङ्लो, थेआङ्भे़ल्ले़ खे़ङ्हाॽरे़ग नुबा याःम्बक् मे़जोगुबा कुइसिक् निङ्वाॽ के़माबा थुम्घो मे़घोसुरो॥
ताक्के़भे़ॽबा मनाःल्ले़ कुइङ्ले़क्किल्ले़ कुले़क्वा खोसुरो, कर कुदोःप्मा याःम्बक् के़जोःक्पे़ल्ले़ से़क्खाबा थुम्घो खोसुरो॥
निङ्वाॽफुमाङ्ङिल्ले़ग नुःरिक्काङ् खासे़न् चोगुॽरो—हे़क्क्याङ् खुने़ॽ कुमनाहाॽ तगि कुभाॽ के़बिरुम्सिम्मिल्ले़ खुने़ॽ ओसेःन्दाङ् के़जोगुम्बा मिःम्जिन् खुने़ॽ निङ्वाॽ मे़भुःत्छुन्लो॥ खे़ङ्ग आल्लो थारिक्काङ् के़जोगुम्ल के़वयिॽरो॥
खुने़ॽ मिङ्सो इङ्धाङ् के़बिबाहाॽ चामा थुङ्मा पिरुसिरो, हे़क्क्याङ् कुमाङ्हुप्पिन् आभे़ल्ले़आङ् खुने़ॽ निङ्वाॽ मे़भेःत्छुल्लो॥
हे़क्क्याङ् खुने़ॽ मिङ्सो इङ्धाङ् के़बिबाहाॽ के़रे़क् थाःक्थाःक्को खुने़ॽ कुलुङ्गुम्मिन् ओसेःन्धाक्तुसिॽरो॥
हे़क्क्याङ् हाङ्ङिल्ले़ खे़ङ्हाॽ मे़त्तुसि ‘इङ्गाॽ से़क्खाए मे़त्निङ्, कङ्हाॽओ के़वाॽबा आम्भुॽ आन्साॽसिओ लत्छा चुक्पाधिक् च्या के़मे़त्तुम्, खे़न् इङ्गाॽए याप्मि आगे़मे़त्तिबारो॥’
आत्तिल्ले़ इङ्गाॽओ नसान् के़जोःक्पाहाॽओ के़रे़क्नुःल्ले़ चुक्साधिक्किन् आहुॽसाम्बा फाॽआङ् फङ्नाधिक् च्वाःत् पिरुॽ, खे़ल्ले़ से़क्खाए थुम्घोन् खोसुॽरो॥”
याङ्गे़साॽबे़न् लुङ्माॽ तुक्माग यहवे दाङ्बे़न् थे़त्लङ् पिमनाबारो, हे़क्क्याङ् खे़ल्ले़ चोगुबाल्ले़ कुले़क्वा खुने़ॽ खे़न् थुम्घो पिरुरो॥
खुने़ॽ मिङ्सो इङ्धाङ् के़बिबाहाॽरे़ मे़इःत्तुबा के़रे़क् पाःन्हाॽ के़त्तु पिरुसिरो॥ खे़ङ्हाॽरे़ खुने़ॽ पेलि मे़भाक्तुबान् खे़प्सुरो, हे़क्क्याङ् खे़ङ्हाॽ खुने़ॽ से़ःप्तुसिरो॥
साङ्ग्राम्पेदाङ्ङिन् इक्सादिङ् खाम्बेःक्लाम् यरिक् चाङ्जाङ् लॽरो, हे़क्केलॽरिक्के खुने़ॽ मिङ्सो इङ्धाङ् के़बिबाहाॽ साॽरिक् लुङ्माॽ तुक्तुसिरो॥
से़क्खासाङ् खुने़ॽ मिङ्सो इङ्धाङ् के़बिबाहाॽ से़ःप्मासिरे़ लागि खुने़ॽ निःत्ताङ् वाॽरो, हे़क्क्याङ् आनिॽ लाजेॽओ कुमिमिदिङ्ङिन् वाॽरो॥
थेआङ्भे़ल्ले़ निङ्वाॽफुमाङ्ङे, आङ्गाॽ माङ्हे़क्सिङ्ङाबान् खे़ने़ॽ के़घे़प्सुआङ् के़वाॽरो, हे़क्क्याङ् खे़ने़ॽ मिङ्सो इङ्धाङ् के़बिबाहाॽरे़ खोमा के़बोङ्बा लक्किन् आङ्गाॽ के़बिराङ्ङाङ् वाॽरो॥
कर मिस्रबा मनाहाॽरे़ इस्राइलिहाॽ आक्ख्यारिक् मे़युक्तुसि, खे़म्म्याक्के यरिक् खे़ङ्हाॽरे़ खुनिॽ खानिःत्तिन् पोरे़र पे हे़क्क्याङ् खे़ङ्हाॽ लाजेॽओ आल्लसाङ् यरिक् मे़बोःन्दे़र मे़बे॥ मिस्रिहाॽ खे़ङ्हाॽनु किमा मे़हेःक्ते़॥
कर खे़ङ्हाॽरे़ खुनिॽ इस्राइलि मुॽइदाङ्साहाॽरे़ खुन्छिॽ यरिक् साएहाॽ मे़वये़॥ खे़ङ्हाॽ निःप्मा सुक्मे़न्दे़त् यरिक् नु मुक्साम्साबा मे़बोःक्खे़॥ मिस्र लाजेन् के़रे़क् इस्राइलिहाॽरे़ मे़धिम्सु॥
खे़ङ्हाॽरे़ नोगप् पिरे़सु, “हिब्रु मे़न्छुमाहाॽ मिस्रि मे़न्छुमाहाॽ हे़क्के मे़ल्लॽने़न्, खे़ङ्हाॽरे़ कुगत् नुॽर सामे़गत्तुसि, हुक्के़लामाहाॽ के़प्मानुःल्ले़ तगि खे़ङ्हाॽरे़ सामे़गत्तु मे़सुरुसि॥”