पयम् हाङ्ङिल्ले़ पिरुसिबा साप्लामुन्देहाॽआङ् मे़याङ्सिङ् हे़क्क्याङ् खे़ङ्हाॽरे़ नाम्धा पिसाङ्बा युफ्रेतिस ते़ङ्गप्पोबा तुम् हाङ्युक्पा नु सुहाङ्गे़म्बाहाॽ मे़बिरुसि खे़ब्याङ् खे़न् सुहाङ्युक्पाहाॽरे़ खे़न् एगाङ् इस्राइलिहाॽ नु माङ्हिम्मो से़वा चोःक्मा याःम्बक्को मे़भाॽरुसिरो॥
ए़स्तर 9:3 - लिम्बु3 खे़ङ्हाॽ मोर्दकैःन्नु मे़गिसे़बाल्ले़ चोगुल्ले़ ते़ङ्गप् ते़ङ्गप्पोबा के़रे़क् तुम्म्याङ्हाङ्हाॽ, हाङ्जुम्मोबा यम्बा सुहाङ्गे़म्बाहाॽ नु हाङ्युक्पाहाॽरे़ यहुदिहाॽ मे़भाॽरुसि॥ Gade chapit la |
ए़स्तर 9:3
9 Referans Kwoze
खे़न् एगाङ् खुने़ॽ खे़न् नावाइत्लान् तोःम्मारे़ लागि हाङ्जुम्मोबा यम्बा सुहाङ्गे़म्बाहाॽ, ते़ङ्गप्हाॽओबा युक्साबाहाॽ, थुम्हाॽओबा चुक्सा हाङ्हाॽ, सुजासाबाहाॽ, याङ्सुम्बाहाॽ, खासे़न्लोःम्बाहाॽ, योसमा खासे़न्हिम्मोबा खासे़न्लोःम्बाहाॽ नु के़रे़क् ते़ङ्गप्हाॽओबा सुहाङ्युक्पाहाॽ चुम्मारे़ लागि उःत्तुसि॥
खे़न् एगाङ् सुम्सिगेक्पा ला, इग्र सिवान लाओबा निबोङ्ङाङ् सुम्सिगेक्पा ये़न्नो हाङ्ङिल्ले़ कुसुहाङ्मिबाहाॽ मे़उःत्तुसि॥ मोर्दकैःल्ले़ यहुदिहाॽ इङ्जाङ् पिरुसिबा कुइसिक् भारत लाजेॽआङ् कत्ना इथियोपिया लाजेॽ थारिक्पा १२७ ते़ङ्गप्हाॽओबा यम्बा सुहाङ्गे़म्बाहाॽ, चुक्सा हाङ्हाॽ नु तुम्म्याङ्हाङ्हाॽरे़ खुन्छिॽ लागि ते़ङ्गप् थक्माबा आप्फेक् आप्फेक् खुन्छिॽ सक्सक् कुइसिक् नु सुवाङ् थक्माबा खुन्छिॽ आप्फेक् पाःन्दाङ्हाॽओ हे़क्क्याङ् यहुदिहाॽरे़ लागिआङ् खुन्छिॽ आप्फेक् सक्सक् नु पाःन्दाङ्ङो लत्छा साप्मनाबा हाङ्इङ्जाङ् मे़लःत्तु॥
ए़स्तरे़ल्ले़ मे़त्तु, “हाङ्ङिल्ले़ नुबा के़इःत्तुने़भग्र, हे़क्क्याङ् आदाङ्बारे़ आङ्गाॽ लुङ्माॽ के़दुक्काने़भग्र, हाङ्ङिल्ले़ के़वाॽबा के़इःत्तु, हे़क्क्याङ् आदाङ्बा के़दे़न्ने़भग्र अगागि हम्मदाताःल्ले़ कुस्सा हामाने़ल्ले़ हाङ्ङिल्ले़ के़रे़क् के़दे़ःङ्गप्हाॽओबा यहुदिहाॽ मे़ङ्मासिरे़ लागि निङ्सेक् चोगुआङ् साप्तुबा सक्इङ्घङ् साप्पेःत्ताहाॽ कुसुम् मे़न्दम्मनाबा चोःक्मारे़ लागि लत्छा साप्मनाबा हाङ्इङ्जाङ् थिक् हाङे़देसे़ॽओ॥
खे़ब्याङ् थिक्सिगेक्पा ला थिबोङ्ङाङ् सुम्सिगेक्पा ये़न्नो हामाने़ल्ले़ हाङ्ङिल्ले़ कुसाप्ला के़साप्पाहाॽ उःत्तुसि॥ हे़क्क्याङ् हामाने़ल्ले़ कुइङ्जाङ् कुइसिक् ते़ङ्गप् थक्मा आम्भा खे़प्मोबा सक्सक् नु सुवाङ् थक्मा खुन्छिॽ आबाङे पाःन्दाङ्ङो मे़साप्तुआङ् हाङ्ङिल्ले़ कुहाङ्जुम्मोबा यम्बा सुहाङ्गे़म्बाहाॽ, वेॽ वेॽ तेःङ्गप्पोबा चुक्सा हाङ्हाॽ नु वेॽ वेॽ सुवाङ्बा तुम्म्याङ्हाङ्हाॽ इङ्जाङ् मे़हाक्तुसि—अहासुरस हाङ्ङिल्ले़ कुमिङ्ङो खे़न् मे़साप्तु, हे़क्क्याङ् मे़भाक्तुआङ् हाङ्ङिल्ले़ कुएःप्साप्पिन् खे़प्मो मे़युक्तुआङ् पत्छे़॥
हाङ्ङिल्ले़ कुइङ्जाङ् के़गे़प्पा, के़रे़क् ते़ङ्गप् नु के़रे़क् ये़क्यक्हाॽओ यहुदिहाॽरे़ खुन्छिॽ लागि निङ्वाॽ तामा नु सिक्सम्मा, साभःङ्जा चामा नु सोसोत्लराङ् चोःक्मा ये़न् पोःक्खे़॥ हे़क्क्याङ् वेॽ सुवाङ्बा यरिक् मनाहाॽ यहुदि मे़बोःक्खे़, थेआङ्भे़ल्ले़ यहुदिहाॽनु खे़ङ्हाॽ मे़गिसे़रो॥
Piblisite