के़रे़क् ये़क्यक्हाॽओ यहुदिहाॽ थिक्हुप् पोङ्माआङ् ताङ्से़ःप्सिङ्मा हाङ्ङिल्ले़ इङ्जाङ् पिरुसि॥ आत्तिन् सुवाङ् इग्र ते़ङ्गप्पोबा फे़जुम्भे़या खजुम्घयारे़ काप्तुसिबाहाॽरे़ यहुदि ये़म्बित्छा, मे़न्छुमाहाॽ नु अङे़ःक्वा साहाॽ मे़भत्तुसिॽ, खे़ङ्हाॽ से़प्मासि, चे़प्मा से़प्मासि, वरे़ङ्ले़ङ् मे़ङ्मासि नु खुन्छिॽ याङ्साकुन्धेहाॽ नाप्मासि मे़भाःक्तुसि॥
ए़स्तर 9:10 - लिम्बु10 हम्मादाताःल्ले़ कुस्सा यहुदिहाॽरे़ खुन्छिॽ निङ्मि हामाने़ल्ले़ कन् के़रे़क् थिबोङ् कुस्साहाॽआङ् मे़स्ये़रुसि॥ कर खे़ङ्हाॽरे़ चिगक्वा नाप्मा याःम्बक्को हुक्मे़ङ्गेःत्तुन्॥ Gade chapit la |
ए़स्तर 9:10
20 Referans Kwoze
थेआङ्भे़ल्ले़ आङ्गाॽ नु आङ्गाॽ आसुवाङ्हाॽ मे़ङ्मारे़ लागि, से़प्मारे़ लागि नु वरे़ङ्ले़ङ् मिङ्ङे मामा पिमारे़ लागि मे़सङ्घिगे़आङ् वयिगे़॥ आनिगे, ये़म्बित्छा नु मे़न्छुमा के़रे़क् योक् पोङ्मारे़ लागिरक् मे़सङ्घिगे़बा पान् वये़ल्ले़ग आङ्गाॽ स्वाःत् मे़म्बाःत्ते वयाङ्बा वये़॥ थेआङ्भे़ल्ले़ खे़म्म्याक्लक् पाःन्निल्ले़ग पयम् हाङ्ङिन् तुक्खे चाःप्मा मे़लाॽरुम्बा वये़॥”
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
कम्भलॽरिक् अदार मे़प्मनाबा थिबोङ्ङाङ् ने़त्छिगेक्पा ला थिबोङ्ङाङ् सुम्सिगेक्पा ये़न्नो के़रे़क् यहुदिहाॽ, थाङ्बे़न्, काप्पोबा, मे़न्छुमा नु हिन्जाॽबित्छाॽहाॽ खक्पे़त् थिक्याःन्ले़ से़प्मासि हे़क्क्याङ् वरे़ङ्ले़ङ् खुन्छिॽ मिङ्ङे मामा पिमासि नु खे़ङ्हाॽरे़ खुन्छिॽ याङ्साकुन्धेहाॽ नाप्मासि इङ्जाङ् हाङ्जुम्मोबा के़रे़क् ते़ङ्गप्हाॽओ हाङ् इङ्साबाहाॽ मे़बाङ्घु मे़देसुसि॥
दानिए़लरे़ कुदक्ले़ङ्वाओ ताप्फे़ःम्बा निङ्वाःल्ले़ आप्तिक् के़गुःप्पा मनाहाॽ हाङ्ङिल्ले़ कुइङ्जाङ्ङो सिगाङ् मे़दारुसि, हे़क्क्याङ् खुन्छिॽ मेःत्हाॽ नु हिन्जाॽबित्छाॽहाॽ सोसोरिक् खिरिङ्बाल्ले़ कुघरओ लाप्मे़भुसु मे़याक्तुसि॥ हे़क्क्याङ् खे़ङ्हाॽ खिरिङ्बाल्ले़ कुघरओबा खाम्बाङ्ङो चुक्मानुःल्ले़ तगिए खिरिङ्बाहाॽरे़ खे़ङ्हाॽ मे़भत्तुसिआङ् खुन्छिॽ ये़प्पाहाॽनु सोसोरिक् युरुप् वरुप् मे़ये़ःक्खु मे़देसुसि॥
Piblisite