ए़स्‍तर 7:7 - लिम्‍बु

⁷ खे़ब्‍याङ् हाङ्‌ङिन् कुसाक्‍के़न्‍निल्‍ले़ थेआङ् मे़निसुन्‍नाङ् पोगे़, हे़क्‍क्‍याङ् चे़ल्‍ले़क्‍सेॽ सेजङ्‌वान् थुङ्‌मा ले़रुआङ् हाङ्‌हिम्‍मोबा फुङ्‌इक्‍को पे॥ कर हामाने़ल्‍ले़ खुने़ॽ कुहिङ्‌मे़न् से़ःप्‍मा फाॽआङ् हाङ्‌मे़न् पेलि फाक्‍मारे़ लागि युङे़बादे़न्‍नोए हाबा युङ्‌सिङ्‌ङाङ् युङे़॥ थेआङ्‌भे़ल्‍ले़ हाङ्‌ङिल्‍ले़ कुनिङ्‌वाॽओ खाप्‍पुथ्‍यःङ् मे़ङ्‌मारे़ लागि निःन्‍धो चोगुसुरुआङ् वाॽ फाॽआङ् हामाने़ल्‍ले़ कुसिङ्‌निःत्तु॥

ए़स्‍तर 7:7 Referans Kwoze

खाहुन् 19:12

हाङ्‌ङिल्‍ले़ कुसाक्‍के़न्‍निङ्‌ग खिरिङ्‌बा हुःक्‍पा हे़क्‍के लॽरो, कर खुने़ॽ कुनुॽमे़ङ्‌ग यान् सम्‍धाङ्‌बा हिःक्‌वा हे़क्‍के लॽरो॥

ए़स्‍तर 1:12

कर खे़न् सिङ्‌गारुहाॽलाम् मे़मे़त्तुबा हाङ्‌ङिल्‍ले़ कुइङ्‌जाङ्‌ङिन् खे़म्‍माआङ् तामा हाङ्‌मा वस्‍तिन् मे़दे़न्‍दे़न्॥ कल्‍ले़चोगुल्‍ले़ हाङ्‌ङिन् साॽरिक् कुसिक् पोगे़आङ् कुसाक्‍के़न्‍निल्‍ले़ मि पोःक्‍खे़॥

सुफो 3:9

कुभारे़ आनिगे यहुदिसिगे़ मे़लॽ कर खे़ङ्‌हाॽ मेःन्‍छिरो, खे़ङ्‌हाॽग माफे़न्‍साम्‍मिल्‍ले़ कुमना इङ्‌ले़क् के़बाःप्‍पासिरो॥ खे़प्‍से़ॽओ, खे़ङ्‌हाॽ के़लाङ्‌जक्‍पो मे़नःम्‍सिङ्‌ङाङ् मे़दार चोगुङ्‌सिङ्‌ङाङ् खे़ङ्‌हाॽरे़ खे़ने़ॽए लुङ्‌माॽ तुक्‍ने़ॽ के़लॽबान् कुसिङ् मे़निःत्तुॽरो॥

दानिए़ल 3:19

खे़ब्‍याङ् सद्रक, मेसक नु अबेद्‌नगोन्‍नु नबुकदनेसरे़न् कुसाक्‍के़न्‍निल्‍ले़ कुमिक्‍के़न् खाधाप्‍तु, हे़क्‍क्‍याङ् कुनारान् मराःक् यारिक् मि हे़क्‍तङ्‌बा पोःक्‍खे़॥ खुने़ॽ खे़न् मिधुङ्‌दिङ् मिराःक्‍के़न् नुसिले़ङ् यारिक् पये़म् के़ये़म्‍बा चोःक्‍मा इङ्‌जाङ् पिरुसि,

यसैया 60:14

खे़ने़ॽ तुक्‍खे के़जाःप्‍पाहाॽरे़ खुन्‍छिॽ ये़म्‍बित्‍छासाहाॽ मे़नःम्‍सिङ्‌ङाङ् खे़ने़ॽओ मे़दारो, खे़ने़ॽ के़जिःप्‍पाहाॽ के़रे़क् के़लाङ्‌ङो अःक्‍खुम् मे़भन्‍छिङ्‌लो॥ खे़ङ्‌हाॽरे़ खे़ने़ॽ यहवे दाङ्‌बे़ल्‍ले़ कुये़क्‌यक्, इस्राइलबा सेसेबा निङ्‌वाॽफुमाङ्‌ङिल्‍ले़ कुये़क्‌यक् सियोन के़म्‍मे़त्‍लो॥

खाहुन् 14:19

ताक्‍के़भे़ॽबा मनाहाॽ नुबा मनाहाॽरे़ खुन्‍छिॽ तगि हे़क्‍क्‍याङ् कुॽइगे़भे़म्‍बा मनाहाॽ साम्‌योबाहाॽरे़ खुन्‍छिॽ लाम्‍धेःत्तिल्‍ले़ कुदगाङ् अःक्‍खुम् पप्‍मा पोङ्‌लो॥

निङ्‌वाॽफु साम्‍लोसुम् 112:10

ताक्‍के़भे़ॽबाहाॽरे़ कन् मे़निसुआङ् खुनिॽ सिक्‍पोःक्‍लो, खे़ङ्‌हाॽरे़ खुनिॽ हाबोॽबान् मे़ये़ःक्‍खुरो हे़क्‍क्‍याङ् खे़ङ्‌हाॽ मे़मे़क्‍लो, खे़ब्‍याङ् खे़ङ्‌हाॽरे़ खोसुम्‍बे़ फाॽआङ् मे़इःत्तुबान्‍नाङ् माबेःक्‍लो॥

१ सामुए़ल 25:17

आल्‍ल खे़ने़ॽ थे चोःक्‍माबोङ् नुरिक्‍काङ् इःत्ते़ॽओ, थेआङ्‌भे़ल्‍ले़ आनिॽ दाङ्‌बे़न् नु कुहिम्‍सयङ्‌हाॽरे़ लागि तुक्‍खे लाक्‍खे तार पत्॥ खुने़ॽग साॽरिक् ताक्‍के़भे़ॽबा चोक्, खुने़ॽनु हाःत्ताङ् पाःप्‍मा मे़न्‍छुक्‍ने़न्॥”

१ सामुए़ल 20:9

जोनाथानरे़ मे़त्तु, “मेःन्, मेःन्, अक्‍तङ्‌बा मे़बोङ्‌ने़ल्‍ल॥ आङ्‌गाॽ आम्‍बारे़ खे़ने़ॽ से़प्‍माए के़गोःत्ते़बा फाॽआङ् कुसिङ् निःत्तुङ्‌ङिल्‍ले़ खे़न् पाःन्‍निन् आङ्‌गाॽ मे़मे़त्‍ने़म्‍बि?”

१ सामुए़ल 20:7

खुने़ॽ ‘नुॽ’ पाःत्तुने़भग्र आङ्‌गाॽ आलागि नुबाए पोङ्, कर कुसिक्‍चाने़भग्र खुने़ॽ आङ्‌गाॽ से़प्‍माए कोःत्ताबारे़छ फाॽआङ् खे़ने़ॽ कुसिङ् के़निःत्तुरो॥

ए़स्‍तर 1:5

खे़न् ये़न्‍हाॽ मारे़आङ् एगाङ् हाङ्‌ङिल्‍ले़ खुने़ॽ कुहाङ्‌पाङ् सुसनबा यम्‍बा नु चुक्‍पा के़रे़क् मनाहाॽ साभःङ्‌जा चाःत्तुसि॥ खे़न् साभःङ्‌जान् हाङ्‌ङिल्‍ले़ कुहाङ्‌हिम्‍मोबा फुङ्‌इक्‍को नुसि ये़न् थारिक् मुक्‍ते़आङ् ने़स्‍से़॥

ए़स्‍तर 7:10

खे़ब्‍याङ् मोर्दकैःल्‍ले़ कुलागि हामाने़ल्‍ले़ आप्‍फेक् यारिप् चोगुबा सिङ्‌ङो खुने़ॽ मे़भोन्‍दु॥ खे़न् एगाङ् हाङ्‌ङिल्‍ले़ कुसाक्‍के़न्‍निन् चिःक्‍तुरो॥

खाहुन् 14:35

हाङ्‌ङिन् सिक्‍कुम्‍साबा से़वाराबे़न्‍नुए कुनिङ्‌वाॽ तारो, कर सिरिङ्‌ममा के़दाःप्‍पा से़वारोबे़ल्‍ले़ खुने़ॽ कुसिक्‍के़न् फोःक्‍खुरो॥

खाहुन् 16:14

हाङ्‌ङिल्‍ले़ साॽरिक् कुसिक् पोःक्‍मे़ङ्‌ग सिमे़ल्‍ले़ कुइङ्‌साबारो, कर सिक्‍कुम्‍साबा मनाःल्‍ले़ खे़न् चिजि ये़म्‌ये़म्‍बा चोगुरो॥