ए़स्‍तर 2:6 - लिम्‍बु

⁶ बेबिलोनबा हाङ् नबुकदनेसरे़ल्‍ले़ यरुसले़मलाम् यहुदाबा हाङ् यहोयाकिने़न्‍नु सोरिक् ते़म्‍सुदेॽरुसिबाहाॽओ थिक्‍पा वये़॥

ए़स्‍तर 2:6 Referans Kwoze

यर्मिया 24:1

बेबिलोनबा हाङ् नबुकदनेसरे़ल्‍ले़ यहुदाबा हाङ् यहोयाकिमिल्‍ले़ कुस्‍सा यहोयाकिने़न् नु यहुदाबा लाम्‍लोबा, चोबेगुहाॽ हे़क्‍क्‍याङ् वेॽ लुङ्‌गाम्‍मा सिङ्‌गाम्‍मा के़ले़बाहाॽ ते़म्‍सुसिआङ् यरुसले़ःम्‍लाम्‍बा बेबिलोनओ तेॽरुसि॥ खे़ब्‍याङ् यहवे दाङ्‌बे़ल्‍ले़ आङ्‌गाॽ माङ्‌हिम्‍मिल्‍ले़ कुदगि के़युङ्‌बा नॽइमा ने़त्‍छि पःत्‍छेॽहाॽ सुफोओ ओसेःन्‍धाक्‍ताङ्॥

२ साप्‍मुःन्‍धुम् 36:20

ताभेःल्‍ले़ च्‍ये़प्‍मा से़प्‍मासिलाम् के़बिम्‍बाहाॽ खुने़ॽ ते़म्‍सुसिआङ् बेबिलोन तेॽरुसि, हे़क्‍क्‍याङ् फारसबा हाङ्‌ङिल्‍ले़ हाङ्‌युक् चोःक्‍मा ये़म् मे़न्‍दाए थारिक् खे़ङ्‌हाॽ बेबिलोनबा हाङ्‌ङिन् नु कुस्‍साहाॽरे़ खुन्‍छिॽ योःग्‍बा योःग्‍मा मे़बोःक्‍खे़॥

२ हाङ् 24:6

यहोयाकिमे़न् खुने़ॽ कुसुधे़बा कुदाक्‍थे़बाहाॽनु सोरिक् तङ्‌सिङ्‌से़ पे, हे़क्‍क्‍याङ् खुने़ॽ कुएगाङ् कुस्‍सा यहोयाकिने़न् हाङ् पोःक्‍खे़रो॥

यर्मिया 22:24

यहवे दाङ्‌बे़ल्‍ले़ पाःत्तुॽ, “आङ्‌गाॽ सदादिङ् वाॽआबा हे़क्‍के यहोयाकिमे़ल्‍ले़ कुस्‍सा यहुदाबा हाङ् यहोयाकिने़न् आङ्‌गाॽ खे़ने़ॽ ले़त्‍ने़॥ आङ्‌गाॽ आजुप्‍साङ् हुक्‍कोबा एःप्‍साप् स्‍वागेःप्‍ने़साङ् लिगक् लःत्‍ने़आङ् लाप्‍फुने़॥

यर्मिया 22:28

“थेआङ् यहोयाकिन हाङ्‌ङिन् के़हे़ःप्‍पा नु लाप्‍फुमनाबा कुःन्‍दाःन् हे़क्‍के पोःक्‍खे़बाबे, थे खे़न् आत्तिन्‍हाॽआङ् चाहाब् मे़न्‍जोःक्‍ने़म्‍बि? खे़न् नु कुमुॽइदाङ्‌साहाॽ खुन्‍छिॽ कुसिङ् मे़न्‍निःत्तुम्‍बा लाजेॽओ थेआङ् पुङ्‌लाधाबा मे़जोगुसिआङ् मे़देॽरुसिबाबे?”

२ हाङ् 24:12

यहुदाबा हाङ् यहोयाकिने़न्, खुने़ॽ कुम्‍मा, कुसे़वारोबाहाॽ नु कुसुहाङ्‌युक्‍पाहाॽ के़रे़क् खुन्‍छिॽ आप्‍फेक् आप्‍फेक् बेबिलोनबा हाङ्‌ङे़ओ हुक्‍मे़सुप्‍सिङ्॥ नबुकदनेसर हाङ्‌ङिल्‍ले़ हाङ्‌युक् चोगुबा ये़त्‍छिगेक्‍पा तङ्‌बेओ यहोयाकिने़न् पुङ्‌लाधाबा चोगु॥