ए़स्‍तर 2:21 - लिम्‍बु

²¹ थिक्‌यान् मोर्दकैन् हाङ्‌हिम्‍मोबा यम्‍बा लाम्‍धेःत्तो वये़बा ये़म्‍मो हाङ्‌ङिल्‍ले़ कुलाम्‍धेःत्तो के़ले़क्‍सिङ्‌बार के़ये़प्‍पा सुहाङ्‌युक्‍पा ने़त्‍छि, बिग्‍नाथा नु तेरेसे़न् खुन्‍छिॽ याःक्‍ले़ॽरे़आङ् अहासुरस हाङ्‌ङिन् से़प्‍मा चे़म्‍भन् चोगे़सु॥

ए़स्‍तर 2:21 Referans Kwoze

ए़स्‍तर 6:2

खे़प्‍मो लाम्‍धेत् के़गोबा ने़त्‍छि सुहाङ्‌युक्‍पा बिग्‍थाना नु तेरेसे़ल्‍ले़ अहासुरस हाङ्‌ङिन् से़प्‍मा चे़म्‍भन् चोगे़सुबा हे़क्‍क्‍याङ् मोर्दकैःल्‍ले़ खे़न् ओसेःन्‍धाङ् चोगुबा पाःन्‍निल्‍ले़ कुयाःम्‍बेओ साप्‍ते़आङ् पत्‍छे़॥

निङ्‌वाॽफु साम्‍लोसुम् 144:10

खे़ने़ॽ हाङ्‌हाॽ थङ् के़नाःम्‍बा के़जोगुसिरो, हे़क्‍क्‍याङ् के़से़वारोबा दाउद हाङ्‌ङिन् किप्‍मा के़घुबा ताभेलाम्‍बा के़से़ःप्‍तुरो॥

२ हाङ् 21:23

आमोनरे़ कुसुहाङ्‌युक्‍पाहाॽरे़ खुने़ॽ कुदक्‍ले़ङ्‌वाओ चे़म्‍भन् मे़जोगु, हे़क्‍क्‍याङ् हाङ्‌ङिन् खुने़ॽए कुहाङ्‌हिम्‍मो मे़से़रु॥

२ हाङ् 12:20

खुने़ॽ कुसुहाङ्‌युक्‍पाहाॽरे़ खुने़ॽ कुदक्‍ले़ङ्‌वाओ चे़म्‍भन् मे़जोगु, हे़क्‍क्‍याङ् खुने़ॽ सिल्‍लाबा सङ्‌माङ् पेःक्‍मा लाम्‍मो के़ने़बा बेथ-मिल्‍लोबा हिम्‍मो मे़से़रु॥

१ हाङ् 16:9

खुने़ॽ कुसुहाङ्‌युक्‍पाहाॽओबा थिक्‍पा खुने़ॽ कुअन्‍लाधा के़लोङ्‌बा थक्‍सुबाहाॽरे़ खुन्‍छिॽ थक्‍मोबा जिम्रिःल्‍ले़ एलाहरे़ कुदक्‍ले़ङ्‌वाओ चे़म्‍भन् चोगु॥ खे़न् ये़म्‍मो एलाहःन् तिर्साओबा खुने़ॽ कुहाङ्‌हिम् ओगे़मे़प्‍पा आर्साःल्‍ले़ कुहिम्‍मो सेजङ्‌वान् थुङुआङ् मसिङ्‌ङाङ् यागे़॥

२ सामुए़ल 16:11

दाउदरे़ अबिसैन् नु खुने़ॽ कुसे़वारोबाहाॽ मे़त्तुसि, “आङ्‌गाॽ आस्‍साःल्‍ले़ए से़प्‍मा कोःताल्‍ले़ कन् बिन्‍यामिनिन्‍नुग थे पाःप्‍माबे? खे़न् ले़राम्‍देसाम्‍मे़ॽ॥ खे़ल्‍ले़ साक्‍मुरा मे़त्ताॽर॥ थेआङ्‌भे़ल्‍ले़ यहवे दाङ्‌बे़ल्‍ले़ए खे़न् हाबाहे़क्‍के चोगे़ॽ मे़त्तुआङ् वाॽइरा॥

ए़ज्रा 4:6

अहासुरस पयम् हाङ्‌ङिल्‍ले़ कुहाङ्‌युक्‍किल्‍ले़ कुहेःक्‍सिङ्‌मो यहुदा नु यरुसले़ःम्‍मो के़युङ्‌बा मनाहाॽरे़ खुनिॽ तक्‍ले़ङ्‌वाओ खुन्‍छिॽ निङ्‌मिहाॽरे़ लत्‍छा आप्‍तिक् सक् थिक् मे़साप्‍तुआङ् मे़दारु॥

ए़स्‍तर 2:19

निसिगेक्‍पाले़ङ् सिसागे़न् मे़न्‍छ्‌याहाॽ मे़भुक्‍खुसिल्‍ले़ मोर्दकैन् हाङ्‌ङिल्‍ले़ कुहिम्‍मोबा यम्‍बा लाम्‍धेःत्तो ये़बे़॥

दानिए़ल 2:49

खे़न्‍नुःल्‍ले़ वेॽ दानिए़लरे़ हाङ्‌ङिन् पेलि फाक्‍तु हे़क्‍क्‍याङ् सद्रक, मेसक नु अबेद्‌नगोन् बेबिलोन ते़ङ्‌गप्‍पो खे़ङ्‌हाॽ हाङ्‌युक्‍पा युक्‍तिङ् चोगुसि॥ दानिए़ले़न् आबाङे हाङ्‌हिम्‍मोए वये़रो॥

ए़स्‍तर 6:1

खे़न् से़न्‍दिक् हाङ्‌ङिन् कुमिक्‍के मे़युसे़न्॥ खुने़ॽ हाङ्‌युक् चोगुबा ये़म्‍मोबा हिन्‍दोक् पाःन्‍हाॽ साप्‍ते़आङ् के़बप्‍पा साप्‍मुःन्‍धुम् साप्‍पन्‍निन् ताःप्‍मा पाङ्‌घुसिआङ् खे़न् हाङ्‌ङिन् मे़निरु मे़बिरु॥