एफिसि 6:4 - लिम्बु4 पानुदिङ् पाःसे, खिनिॽ साःहाॽ खुनिॽ सिक् मे़भोःक्खे़म् मे़बिरे़म्सिमे़न्ने़ॽ, कर दाङ्बाल्ले़ कुहे़न्धिम् नु कुनिसाम्मो थाङ्बे़न् मे़न्छिन् के़त्ते़म्सिम्मे़ॽओ॥ Gade chapit la |
एफिसि 6:4
32 Referans Kwoze
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
कर सिङ्सिङ् वये़म्मे़ॽ हे़क्क्याङ् आप्फेक् निङ्वाॽ ये़क्ये़क् लॽरे़म्मे़ॽ, हे़क्केलॽरिक् खिनिॽ मिक्किल्ले़ के़निसुम्बा पाःन्हाॽ निङ्वाॽ मे़भेःत्छे़म्मिन्ने़ॽ हे़क्क्याङ् खे़न् खिनिॽ हिङ्हिङ् थारिक् खिनिॽ निङ्वाॽओनु मे़लःन्ने़न् मे़बेःक्ने़न्ल॥ खे़ङ्हाॽ खिनिॽ साहाॽ नु मे़न्छाॽहाॽ हुॽरे़म्सिम्मे़ॽ॥
दाउदरे़ कुस्सा सोलोमने़न् अक्खेआङ् मे़त्तु, “के़धुम्बा नु हाङ्हाङ् के़लॽबा पोःक्खे़ॽ हे़क्क्याङ् कन् याःम्बक्किन् चोगे़ॽ॥ मे़गिसे़न्ने़ॽ हे़क्क्याङ् के़निङ्साङ् मे़बुगे़न्ने़ॽ, थेआङ्भे़ल्ले़ यहवे दाङ्बा निङ्वाॽफुमाङ्, आङ्गाॽ आनिङ्वाॽफुमाङ्ङिन् खे़ने़ॽनु वाॽ॥ यहवे दाङ्बे़ल्ले़ कुहिम्मोबा कुमाङ्सेवा याःम्बक्किल्ले़ लागि के़रे़क् चाहा के़जोःक्पा याःक्बक्हाॽ खे़ने़ॽ मे़न्जोक् मे़न्छुःत्ते थारिक् खुने़ॽ के़न्नाॽने़न् हे़क्क्याङ् लाप्पाङ् के़म्भुने़न्॥
कर यहवे दाङ्बे़ल्ले़ कुलागि माङ्से़वा याःम्बक् चोःक्मा खिनिॽ सिराॽमे़धाङ्ने़न्ने़भग्र खिनिॽ हाःत्ले़ कुसे़वा याःम्बक् के़जोगुम्ॽ, खिनिॽ पाधे़बाहाॽरे़ युफ्रेतिस वहःङ् नाधाःम्बि से़वा मे़मे़त्तुसिबा माङ्हाॽ से़वा के़मे़त्तुम्सिम्बि इ खिनिॽ आल्लो के़युङिबा एमोरिहाॽरे़ खुन्छिॽ माङ्हाॽ से़वा के़मे़त्तुम्सिम्बि खिनिॽ आइन्छा निःन्धो चोगे़म्मे़ॽ॥ कर आङ्गाॽ नु आङ्गाॽ आहिम्सयङ्हाॽरे़ग यहवे दाङ्बाओए माङ्से़वा याःम्बक् चोगुम्बे़रो॥”
आङ्गाॽ आस्सा सोलोमनरे़ आदाङ्बारे़ के़इङ्जाङ्हाॽ, आदाङ्बारे़ के़साम्यो थिम्हाॽ नु आदाङ्बारे़ के़धिम्हाॽ से़वा चोःक्नु इःप्मा नाःप्मारे़ लागि यम्बा निङ्वाॽ पिरे़ॽओ हे़क्क्याङ् खुने़ॽ खे़न् थिम्हाॽ के़रे़क् के़प्मा सुक्तुररो, हे़क्क्याङ् खुने़ॽ खे़न् हिम्मिन् चोःक्मा सुक्तुररो, खे़ल्ले़ लागि आङ्गाॽ यारिप् चोगुङ्ङाङ् वाॽरो॥”
Piblisite