एफिसि 6:23 - लिम्‍बु

²³ फुॽनुसाॽ नु ने़ॽनुसाॽसे, पानुदिङ् पा निङ्‌वाॽफुमाङ्‌ङिन् नु दाङ्‌बा ये़सु ख्रिस्‍तरे़ सनारुङ् के़बिरिर हे़क्‍क्‍याङ् ख्रिस्‍ते़न् चक्‍मे़ल्‍लॽए नसान् चोःक्‍मा नु खिनिॽ लुम्‍मो लुङ्‌माॽ तुक्‍सिङ्‌मा के़सुक्‍पा के़बोःक्‍खिररो॥

एफिसि 6:23 Referans Kwoze

गलाति 6:16

कन् पाःन्‍निन् के़इःप्‍पा के़नाःप्‍पाहाॽ निङ्‌वाॽफुमाङ्‌ङिल्‍ले़ सनारुङ् के़बिरिर हे़क्‍क्‍याङ् लुङ्‌माॽ के़दुक्‍तिररो॥ खे़ङ्‌हाॽग निङ्‌वाॽफुमाङ्‌ङिल्‍ले़ सेगुसिबा कुसङ् इस्राइलिसिरो॥

१ पत्रुस 5:14

मिःम्‍जिःल्‍ले़ से़वा मे़त्तासिम्‍मे़ॽओ॥ ख्रिस्‍ते़न् नसान् के़जोःक्‍पा के़रे़क्‍ले़ सनारुङ् के़घोसुम्‍लरो॥

गलाति 5:6

थेआङ्‌भे़ल्‍ले़ ख्रिस्‍त ये़सुरे़ कुलागिग हर्दो हे़क्‍मा नु मे़न्‍हे़क्‍मा पाःन्‍निन् थेआङ् मेःन्‍लो॥ कर के़रे़क्‍नुःल्‍ले़ यम्‍बा पाःन्‍निङ्‌ग आनिॽ नसाःन्‍निल्‍ले़ चोगुल्‍ले़ वेॽहाॽ लुङ्‌माॽ आदुक्‍तुम्‍सिम्‍लो॥

१ तिमोथि 1:14

आनिॽ यहवे दाङ्‌बाल्‍ले़ग साॽरिक् लुङ्‌माॽ तुक्‍ताङ्‌लो, हे़क्‍क्‍याङ् ख्रिस्‍त ये़सुओ खोगे़दे़प्‍पा नसान् नु मिःम्‍जिन् आत्तात्तान्‍ने यरिक् पिराङ्‌लो॥

सुफो 1:4

इङ्‌गाॽ युहुन्‍नाःल्‍ले़ कन् सक्‍इङ्‌घङ्‌ङिन् एसिया ते़ङ्‌गप्‍पो के़ने़बा नुसि सेसेहुप्‍लक्‍हाॽ हाक्‍निङ्‌लो॥ आल्‍लो के़वाॽबा, उनाहुरिओआङ् वये़ हे़क्‍क्‍याङ् ताःन्‍दिआङ् के़दाबा निङ्‌वाॽफुमाङ्‌लाम् नु कुहाङ्‌युक्‍ना तगाङ्‌बा नुसि साम्‍हाॽलाम्, हे़क्‍क्‍याङ् नसान् चोःक्‍मा सुक्‍के़दे़प्‍पा पान् के़बाःप्‍पा, के़सिबाओलाम् याम्‍मो के़हिङ्‌बाहाॽओ थिक्‍सिगेक्‍पा नु इक्‍सादिङ् खाम्‍बेःक्‍मोबा हाङ्‌हाॽ सम्‍दाङ् हाङ् के़जोःक्‍पा ये़सु ख्रिस्‍तलाम् लुङ्‌गुम् नु सनारुङ् हाराॽ खिनिॽओ वाॽररो॥ खुने़ॽग आनिॽ लुङ्‌माॽ आदुक्‍ते़आङ् आनिॽ लायोलाम् कुमाक्‍खिॽइल्‍ले़ से़न्‍लप् आबिरे़आङ् वाॽरो॥

१ तिमोथि 1:3

इङ्‌गाॽ मे़सेदोनिया थुम्‍मो पेगाङ्‌ङिल्‍ले़ खे़ने़ॽ पेलि फाक्‍ने़बा कुइसिक् खे़ने़ॽ एफिससओ ए याःक्‍ते़ॽओ॥ खे़प्‍मो कुभा मनाहाॽरे़ इङ्‌ले़क्‍पा निसाम् मे़हुॽरुसिर मे़याक्॥ खे़ङ्‌हाॽ हे़क्‍के चोःक्‍मा मे़बाङ्‌घे़से़न्‍ने़ॽओ॥

२ थिस्‍सलोनिकि 3:16

आल्‍ल सनारुङ् दाङ्‌बाल्‍ले़ काक् परिक्‍लाम् चक्‍मे़ल्‍लॽए सनारुङ् के़बिरिर॥ दाङ्‌बाङ्‌ग खिनिॽ के़रे़क्‍नु वाॽररो॥

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

१ थिस्‍सलोनिकि 5:8

कर आनिॽग ले़न्‍दिक्‍ले़ कुमना आबोःक्‍खे़बाल्‍ले़ चोगुल्‍ले़ निङ्‌वाॽ हाङ्‌गे़म्‍सिङ्‌ङिआङ् साङ्‌बे से़ःप्‍चाङ् कुइसिक् नसान् नु मिःम्‍जिन् चाक्‍खुम्, हे़क्‍क्‍याङ् से़क्‍खाए से़न्‍लप् आघोसुम् के़लॽबा निङ्‌साङ्‌ङिन् ताङ्‌खुःक् कुइसिक् खुःक्‍खुम्,

१ कोरन्‍थि 1:3

आनिॽ पा निङ्‌वाॽफुमाङ् हे़क्‍क्‍याङ् दाङ्‌बा ये़सु ख्रिस्‍तरे़ लुङ्‌गुम् नु सनारुङ्‌ङिन् खिनिॽ के़बिरिर॥

रोमि 1:7

निङ्‌वाॽफुमाङ्‌ङिल्‍ले़ साॽरिक् मिःम्‍जि के़मे़त्तिॽआङ् आबाङे कुसेसे मना पोङ्‌से़ के़उःत्तिबा रोम ये़क्‌यक्‍कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पा निङ्‌वाॽफुमाङ् नु दाङ्‌बा ये़सु ख्रिस्‍तरे़ हाराॽ लुङ्‌गुम् नु सनारुङ् के़बिरिररो॥

युहुन्‍ना 14:27

“इङ्‌गाॽ सनारुङ्‌ङिन् खिनिॽनु पक्‍थाङ्‌लो, आसनारुङ्‌ङिन् खिनिॽ पिनिङ्‌लो॥ कङ्‌ग इक्‍सादिङ् खाम्‍बेःक्‍माल्‍ले़ के़बिरिबा हे़क्‍केग मे़बिनिङ्‌ङिन्‍लो॥ खिनिॽ निङ्‌साम्‍मो मे़ध्‍ये़म्‍मिन्‍ने़ॽ हे़क्‍क्‍याङ् मे़गिसे़म्‍मिन्‍ने़ॽओ॥

१ सामुए़ल 25:6

हे़क्‍क्‍याङ् खुने़ॽ अक्‍खे मे़त्ताम्‍मे़ॽ, ‘खे़ने़ॽ नु के़हिम्‍सयङ्‌हाॽ हे़क्‍क्‍याङ् के़हिम्‍मो के़वाॽबा के़रे़क् के़नुरि के़दासिर॥

तोलिङ्‌सोमु 43:23

खे़ल्‍ले़ नोगप् पिरुसि, “नुॽ, मे़गिसे़म्‍मिन्‍ने़ॽ॥ से़क्‍खासाङ् खिनिॽ निङ्‌वाॽफुमाङ्, खिनिॽ पाःल्‍ले़ कुनिङ्‌वाॽफुमाङ्‌ङिल्‍ले़ खिनिॽ सुक्‌वाहाॽओ याङ् केःत्तु के़बिरिबाबिला॥ खिनिॽ युप्‍पाःङ्‌ग आङ्‌गाॽ खोसुङ्‌ङाङ्‌ङे वये़॥” खे़ब्‍याङ् खे़ल्‍ले़ सिमियोने़न् लःत्तुआङ् खे़ङ्‌हाॽरो तारु॥

१ तिमोथि 5:8

कर आत्तिल्‍ले़ आप्‍फेक् काॽइ सोॽधोक् नु कुनो-कुबिॽओ आप्‍फेक् हिम्‍सयङ्‌ङिन्‍नाङ् कम्‍ब्राङ् मे़मे़त्तुन्, खे़ल्‍ले़ग नसाःन्‍निन् नाॽरुॽ, हे़क्‍क्‍याङ् खे़ङ्‌ग नसान् मे़न्‍जोःक्‍मनाबाहाॽनुःल्‍ले़आङ् ताप्‍फे़ःम्‍बारो॥

रोमि 15:33

सनारुङ् के़बिबा निङ्‌वाॽफुमाङ्‌ङिन् खिनिॽ के़रे़क्‍नु वाॽररो॥ आमे़न्॥

२ कोरन्‍थि 13:11

आल्‍ल आमिःम् फुॽनुसाॽ नु ने़ॽनुसाॽसे, कुनुप्‍मो से़म्‍मुॽइ से़वारो॥ कुलिङ्‌दो के़प्‍मा निङ्‌वाॽ चोगे़म्‍मे़ॽ, आबाःन्‍निन् खे़प्‍से़म्‍मे़ॽ, निङ्‌वाॽओ थिक्‍हुप् पोःक्‍खे़म्‍मे़ॽ, सनारुङ्‌ङो वये़म्‍मे़ॽओ॥ हे़क्‍क्‍याङ् मिःम्‍जि नु सनारुङ् दाङ्‌बा निङ्‌वाॽफुमाङ्‌ङिन् खिनिॽनु वाॽरो॥

एफिसि 6:24

आनिॽ दाङ्‌बा ये़सु ख्रिस्‍ते़न् मिःम्‍जि के़मे़प्‍पा के़रे़क्‍नु लुङ्‌गुम्‍मिन् सदादिङ् वाॽररो॥

३ युहुन्‍ना 1:14

कर इङ्‌गाॽ खे़ने़ॽनु हाराए तुम्‍मा निङ्‌साङ् चोगुङ्‌ङाङ् वाॽआरो॥ हे़क्‍क्‍याङ् आन्‍छिॽ आदुम्‍सिॽआङ् सोरिक् ताॽआजे़ङ्‌सिॽरो॥