एफिसि 6:12 - लिम्‍बु

¹² थेआङ्‌भे़ल्‍ले़ आनिॽ थङ्‌ङिङ्‌ग मे़न्‍छाम् याप्‍मिनु मेःन्, कर हाङ्‌गे़जोःक्‍पाहाॽ, युक्‍दाङ्‌बाहाॽ, कन् खागे़माक्‍पा खाम्‍बेःक्‍कोबा मुक्‍साम्‍हाॽ हे़क्‍क्‍याङ् ताङ्‌साक्‍पाओबा काक् फे़न्‍साम्‍हाॽनु थक्‍मनाबा थङ्‌लो॥

एफिसि 6:12 Referans Kwoze

कलस्‍सि 1:13

थेआङ्‌भे़ल्‍ले़ खुने़ॽए माक्‍चिगे़न् खादाम्‍माल्‍ले़न् हाङ्‌जुम्‍लाम् आसे़ःप्‍ते़आङ् आबुगे़न् कुमिःम् कुस्‍साःल्‍ले़ कुहाङ्‌जुम्‍मो आनिॽ आदारे़आङ् वाॽरो॥

२ कोरन्‍थि 4:4

कन् इक्‍सादिङ् खाम्‍बेःक्‍मोबा माङ् माफे़न्‍साम्‍मिल्‍ले़ए नसान् मे़न्‍जोःक्‍मनाबाहाॽरे़ खुनिॽ निङ्‌वाॽइन् फे़त्‍लाःन्‍दु पिरुसिबाल्‍ले़ चोगुल्‍ले़ खे़ङ्‌हाॽरे़ ख्रिस्‍तरे़ कुमिमिदिङ्‌गे़न् सुनाइङ्‌ङिल्‍ले़न् ओःत्तिःन् निमा मे़न्‍छुक्‍तुन्॥ ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुइःत्‍लो॥

एफिसि 2:2

खे़न् ये़म्‍मो खिनिॽआङ् कन् खाम्‍बेःक्‍मोबा थिम्‍मिन् नु फे़न्‍साम्‍हाॽरे़ खुनिॽ हाङ्‌जुम्‍मो हाङ् के़जोःक्‍पा माफे़न्‍साम्‍मिल्‍ले़ कुबाःन्‍निन् के़घे़प्‍सुम्‍माङ् के़वयि॥ खे़न् साम्‍मिन्‍ने निङ्‌वाॽफुमाङ् इङ्‌जाङ् मे़ङ्‌घे़म्‍मनाबाहाॽरे़ खुनिॽ सिक्‍लुङ्‌मो याःम्‍बक् चोःक्‍ल वाॽरो॥

कलस्‍सि 2:15

हे़क्‍केलॽरिक्‍के निङ्‌वाॽफुमाङ्‌ङिल्‍ले़ फे़न्‍साम्‍हाॽरे़ खुनिॽ मुक्‍साम्‍हाॽ नु युक्‍हाॽ नाप्‍तुसिआङ् ख्रिस्‍तरे़ कुसिलाम्‍साक्‍मा सिङ्‌ङो थङ् नाःन्‍दुसि, हे़क्‍केलॽरिक्‍के के़रे़क्‍ले़ मे़निसुर खे़ङ्‌हाॽरे़ खुनिॽ नाधासु पिरुसिरो॥

एफिसि 1:21

खे़प्‍मो ख्रिस्‍तरे़ के़रे़क् सुहाङ्‌गे़म्‍बाहाॽ, युक् के़गप्‍पाहाॽ, मुक्‍साम् के़गप्‍पाहाॽ, नु हाङ्‌युक् के़जोःक्‍पाहाॽ सम्‍दाङ् हाङ् चोगुॽरो॥ हे़क्‍क्‍याङ् कन् ये़म्‍मोरक् मेःन्, कर के़दाबा ये़म्‍मोआङ् खुने़ॽ वेॽ के़रे़क्‍नुःल्‍ले़आङ् थोधोक्‍पा चोक्॥

रोमि 8:38

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुमिःम्‍जिलाम् आनिॽ थेःल्‍ले़आङ् से़म्‍मा आन्‍छुक्‍ने़न्‍लो के़लॽबान् निसुङ् सुरुङ्‌ङाङ् वाॽआरो॥ सिमे़न् नु हिङ्‌मे़ल्‍ले़, माङ्‌लाइङ्‌बाहाॽ नु फे़न्‍साम्‍हाॽरे़, कन् ये़म् नु ताये़म्‍बा पाःन्‍हाॽरे़, इग्र आत्तिन् मुक्‍साम्‍हाॽरे़आङ् से़म्‍मा आन्‍छुक्‍ने़न्,

एफिसि 3:10

अक्‍खेलॽरिक् सेसेहुप्‍लक्‍लाम्‍बा निङ्‌वाॽफुमाङ्‌ङिल्‍ले़न् काक् परिक्‍पा सिक्‍कुम्‍दिङ् निङ्‌वाॽइन् ताङ्‌साक्‍पाओबा काक् हाङ् के़जोःक्‍पा नु युक् के़जोःक्‍पा फे़न्‍साम्‍हाॽओ ओसेःन्‍दाङ् पोङ्‌लो॥

एफिसि 1:3

आनिॽ दाङ्‌बा ये़सु ख्रिस्‍तरे़ कुम्‍बा निङ्‌वाॽफुमाङ्‌ङिल्‍ले़ कुनारा पोररो॥ खुने़ॽए ये़सु ख्रिस्‍तलाम् साङ्‌ग्राम्‍पेदाङ्‌बा के़रे़क् याम्‍साम्‍गे़न् मुॽइसाम्‍मिल्‍ले़ आनिॽ मुॽइसाबा आजोगे़आङ् वाॽ॥

१ कोरन्‍थि 15:50

आल्‍ल आमिःम् फुॽनुसाॽ नु ने़ॽनुसाॽसे, इङ्‌गाॽ पाःप्‍मा कोःत्तुङ्‌बान् कन्‍लो, ने़क्‍सा नु माक्‍खिॽइल्‍ले़ निङ्‌वाॽफुहाङ्‌जुम्‍मिल्‍ले़न् लक् खोमा मे़सुक्‍तुन्‍लो, हे़क्‍केलॽरिक्‍के के़मे़क्‍पा के़बेःक्‍पाल्‍ले़ आप्‍फाल्‍ले़आङ् मे़म्‍मे़क्‍मनाबाल्‍ले़न् लक् खोमा मे़सुक्‍तुन्‍लो॥

१ पत्रुस 3:22

आल्‍ल ये़सु ख्रिस्‍ते़न् साङ्‌ग्राम्‍पेदाङ्‌ङो पेआङ् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युङ्, हे़क्‍क्‍याङ् माङ्‌लाइङ्‌बाहाॽ, युक्‍साबाहाॽ नु मुक्‍साम्‍हाॽ कुयुक्‍को कत्तुसिरो॥

हिब्रु 12:1

खे़ल्‍ले़चोगुल्‍ले़ नसानिबा हिङ्‌मन्‍ले़ कुयाःम्‍बेओ कम्‍म्‍याक् यरिक् तोःन्‍दिहाॽरे़ खुनिॽ लुम्‍मो आवाॽबाल्‍ले़ चोगुल्‍ले़ याप्‍मि के़हम्‍बा पाःन्‍हाॽ नु के़रे़क् परिक्‍ले़न् याप्‍मि के़घबा लायोहाॽ लाप्‍फुसुम्‍लो, हे़क्‍क्‍याङ् निङ्‌वाॽफुमाङ्‌ङिल्‍ले़ ने़स्‍सु आबिरे़बा लोःक्‍लोःक्‍के चाःत्तो नासि थःत्तुम्‍ल लोःक्‍तिरो॥

युहुन्‍ना 14:30

आल्‍ल खिनिॽनु यरिक् मे़बाःत्तान्, थेआङ्‌भे़ल्‍ले़ इक्‍सादिङ् खाम्‍बेःक्‍मोबा हाङ्‌युक् के़जोःक्‍पान् फे़न्‍ल पत्‍लो॥ आसम्‍दाङ् खे़ल्‍ले़ थेआङ् मुक्‍साम् मे़गत्तुन्‍लो,

युहुन्‍ना 12:31

आल्‍ल कन् इक्‍सादिङ् खाम्‍बेःक्‍माल्‍ले़ कुघासे़न् पोङ्‌मा ये़म् त्‍ये़आङ् वाॽरो, आल्‍ल इक्‍सादिङ् खाम्‍बेःक्‍मो हाङ्‌युक् के़जोःक्‍पाङ्‌ग लाःक्‍कात् लाप्‍फुरो॥

युहुन्‍ना 16:11

हे़क्‍क्‍याङ् कन् इक्‍सादिङ् खाम्‍बेःक्‍मोबा हाङ्‌युक् के़जोःक्‍पाल्‍ले़ कुघासे़न् पोःक्‍खे़आङ् वाॽ॥

अयुब 2:2

यहवे दाङ्‌बे़ल्‍ले़ खे़न् सेःन्‍लाप्‍तु, “खे़ने़ॽ आत्तान् के़बेआङ् के़वये़?” माफे़न्‍साम्‍मिल्‍ले़ नुगप् पिरु, “आङ्‌गाॽ इक्‍सादिङ् खाम्‍बेःक्‍मो के़रे़क् पिसाङ् लाङ्‌घेगाङ्‌ल नाना कत्‍ना ताःक्‍कन्‍दाङ्‌ङाङ् वयाङ्॥”

लुका 22:53

इङ्‌गाॽग थिक्‌याःन्‍धक्‍सा माङ्‌हिम् लक्‍खुम्‍मो निसाम् हुॽइसे़ वयाङ्‌बा हे़क्‍केसाङ् याप्‍मि के़न्‍दे़म्‍सिन्, कर खादाम्‍मा मुक्‍साम्‍मिल्‍ले़ युक्‍तुल्‍ले़ए खिनिॽ याःम्‍बक् चोःक्‍मा ये़म् पोङ्‌लो॥”

लुका 13:24

“चिभिःत्‍फिःप्‍पा लाम्‍धेःप्‍पोलाम् निङ्‌वाॽफुहाङ्‌जुम्‍मो लाःप्‍मा तम्‍सिङ् चोगे़म्‍मे़ॽओ॥ यरिक् मनाहाॽरे़ तम्‍सिङ् मे़जोगुॽ, कर लाःप्‍मा मे़न्‍छुक्‍तुन्‍लो॥

२ तिमोथि 2:5

हक्‍चाःत्तो के़लोःक्‍पे़न् हक्‍चाःत्तोबा थिम्‍हाॽ कुइसिक् मे़लोःक्‍ने़न्‍ने़ फाॽग्र खे़ल्‍ले़ थुम्‍घो मे़घोसुन्‍लो॥

मत्ति 16:17

ये़सुरे़ खे़न् मे़त्तु, “योनारे़ कुस्‍सा सिमोने, खे़ने़ॽग मुॽइसाबाने़रो थेआङ्‌भे़ल्‍ले़ कङ्‌ग मे़न्‍छाम् याप्‍मिहाॽरे़ ओसेःन्‍दाङ् के़म्‍जोगे़बा मेःन्, कर साङ्‌ग्राम्‍पेदाङ्‌ङोबा पानुदिङ् आम्‍बारे़ खे़ने़ॽ ओसेःन्‍दाङ् के़जोगे़बारो॥

हिब्रु 12:4

खिनिॽ लायोल्‍ले़ कुदक्‍ले़ङ्‌वाओबा थङ्‌ङो के़वयिसाङ् सिमालिङ्‌धोओ थारिक् मे़ङ्‌गे़त्ते के़वयिॽरो॥

मर्कुस 4:19

खे़ङ्‌हाॽरे़ पाःन्‍जाक् खे़म्‍माग मे़घे़प्‍सुॽ, कर कन् हिङ्‌मन्‍नो थेःन् चामा थुङ्‌मा, याङ्‌साकुन्‍धेसाबा आक्‍खेआङ् पोङ्‌मा हे़क्‍तङ्‌बा वेॽ फे़न्‍निङ्‌वाॽइल्‍ले़ पाःन्‍जाक्‍किन् सुःप्‍तुदेसुॽरो॥ हे़क्‍क्‍याङ् खे़ङ्‌हाॽरे़ याम्‍मो कुजाॽ मे़म्‍भत्‍छुन्‍लो॥

२ कोरन्‍थि 11:14

माफे़न्‍साम्‍मिन्‍नाङ् ओःत्तिःल्‍ले़न् माङ्‌लाइङ्‌बा ले़ङ्‌सिङ्‌लो, खे़ल्‍ले़चोगुल्‍ले़ निङ्‌वाॽ के़माबा पान् थेआङ् होप्‍लो॥