एफिसि 5:6 - लिम्बु6 खे़न् हे़क्तङ्बा पाःन्नो हाःत्ले़आङ् खिनिॽ हने़बा पाःन्लाम् इङ्ले़क्मा के़न्छुक्तिन्लरो, थेआङ्भे़ल्ले़ खे़न् हने़बा पाःन्निल्ले़ चोगुल्ले़ निङ्वाॽफुमाङ्ङिल्ले़ कुसाक्के़न् खुने़ॽ मे़न्इःप्मना मे़न्नाःप्मनाबाहाॽओ थारो॥ Gade chapit la |
एफिसि 5:6
28 Referans Kwoze
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
कर अक्खेलॽरिक् आत्तिन्हाॽरे़आङ् इङ्ले़क् के़मे़म्मे़त्तिन्ल, थेआङ्भे़ल्ले़ खे़न् ये़म्मिन् मे़न्दाए वाॽरो॥ खे़न् ये़म्मिन् तामानुःल्ले़ तगिग कुनुप्माओ निङ्वाॽफुमाङ्ङिल्ले़ कुदक्ले़ङ्वाओ पयम् बिफ्युङ् पोङ्, हे़क्क्याङ् पयम् लायो के़जोःक्पा पाक्कुम्भिओ के़बेःक्पा मनान् थाःम्सिङ्लो॥
आनिगे सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ से़वा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोम्नाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
“‘कल्ले़चोगुल्ले़ खिनिॽ माङ्निङ्वाॽपान् के़बाःप्पाहाॽ, खागे़इक्पाहाॽ, से़प्माङ्ङिल्ले़ कुबे के़हम्बाहाॽ, के़सिबा मनाःल्ले़ कुसाम् मुरा के़मे़प्पाहाॽ नु मिक्ले़ःङ्मा याःम्बक् के़जोःक्पाहाॽरे़ मे़बाःत्तुबान् मे़घे़प्से़म्मिन्ने़ॽ, खे़ङ्हाॽरे़ मे़बाःत्तुॽ, “बेबिलोनबा हाङ्ङिल्ले़ कुयुक्को खिनिॽ वाॽमा मे़बोङ्ने़न्॥”
Piblisite