एफिसि 5:26 - लिम्बु26 ख्रिस्तरे़ सेसेहुप्लक्किन् सेसे चोःक्से़ च्वाःत्तिल्ले़ वाहप्तुआङ् कुबाःन्जाक्किल्ले़ सेसेसाङ्साङ् चोगुरो॥ Gade chapit la |
एफिसि 5:26
35 Referans Kwoze
आनिॽ तोःन्दोम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन् साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
ये़सु ख्रिस्ते़न् ये़आङ् च्वाःत्तो बप्तिस्मा पोःक्खे़आङ् सिलाम्साक्मा सिङ्ङो कुमाक्खिॽइन् वादेःन्दु॥ खुने़ॽग च्वाःत्लाम्रक् मे़ये़ने़न् कर च्वाःत् नु माक्खिॽ ने़प्माङ्लाम् ये़रो॥ हे़क्क्याङ् सेसेमाङ्ङिल्ले़ कन् पाःन्निन् से़क्खाएरो फाॽआङ् आबाङे तोःन्दि पिरुॽ, थेआङ्भे़ल्ले़ सेसेमाङ्ङिन्ने से़क्खा चोक्लो॥
कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मेःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न् सिमे़न्लाम् याम्मो हिङे़बालाम् तारो॥
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
निङ्वाॽफुमाङ्ङिल्ले़ नागे़हे़त्तिबा कुइसिक् इङ्गाॽआङ् नाहे़त्निङ्ङाङ् वाॽआ, थेआङ्भे़ल्ले़ इङ्गाॽग इत्थुङ्गे़न् नालिसाङ् ख्रिस्ते़न्नुरक् मेःक्खिम् चोःक्मा पिमा माङ्हे़क् चोगुङ् पिनिङ्ङाङ् वाॽआ॥ हे़क्केलॽरिक् खिनिॽ सेसेमा सिसामेःत् कुइसिक् खुने़ॽओए तोःम्मा सुक्निङ्ल के़लॽबा निङ्वाॽ कत्तुङ्लो॥
हाराॽ ख्रिस्तरे़ कुबाःन्जाक्किल्ले़ खिनिॽ सिक्लुङ्मान् तिम्माङ् वाॽररो॥ खिनिॽ बा कन् पाःन्जाक्किल्ले़ हुॽआसिम्मे़ॽ, हे़क्क्याङ् काक् सिक्कुम्दिङ् निङ्वाॽओ सुजा पिआसिम्मे़ॽओ॥ हे़क्क्याङ् से़वा चोःक्मा साम्लोहाॽ, याम्साम्गे़न् साम्लोहाॽ नु सेसेमाङ्लाम् के़दाबा साम्लोहाॽ साम्गे़मे़त्तुम्मिल्ले़ खिनिॽ सिक्लुङ्मोनुए निङ्वाॽफुमाङ्ङिन् नोगे़न् पिरे़म्मे़ॽओ॥
निङ्वाॽफु पाःन्जाक्किङ्ग कुहिङ्वे़त् नु चोक्साम्बा चोक्लो॥ खे़ङ्ग ने़प्जाङ् ले़प्माङ् कुया के़बप्पा खागे़सुक्पा ताभेःन्नुःल्ले़आङ् खागे़सुक्पा चोक्लो॥ खे़ल्ले़ याम्साम्मिन् नु सक्मासाम्मिन् से़न्दुॽ हे़क्क्याङ् ये़प्पाल्ले़ कुदुम्बे़ॽ नु कुसिन् लस्सुआङ् से़न्दुॽ॥ आनिॽ निङ्वाॽसुम्मिन् नु निङ्वाॽ इःप्मान् से़म्मा सुक्तुॽरो॥
Piblisite