हिम्साबासे, खिनिॽआङ् खिनिॽ हिम्सामाहाॽनु सोरिक् के़वयिल्ले़ इङ्धाङ् पिरे़म्सिम्मे़ॽर तङे़म्मे़ॽआङ् वये़म्मे़ॽओ॥ खिनिॽ हे़क्के के़धुम्मा मे़न्जोःक्ने़न्छाङ् निङ्वाॽफुमाङ्ङिल्ले़ आबिबा कुसङ् हिङ्मन्नो खे़ङ्हाॽग खिनिॽ लक्सामासिरो॥ हे़क्केलॽरिक् खिनिॽ तुवान् थेःल्ले़आङ् मे़धेःक्तुन्ल फाॽआङ् नुरिक् मे़त्ते़म्सिम्मे़ॽओ॥
एफिसि 5:25 - लिम्बु25 इत्थुङ्गे़न् ये़म्बाॽसे, ख्रिस्तरे़ सेसेहुप्लक्किन् लुङ्माॽ तुक्तुबा कुइसिःक्के खिनिॽ मेःत्हाॽ लुङ्माॽ तुक्ते़म्सिम्मे़ॽओ॥ खुने़ॽग सेसेहुप्लक्ले़ लागि कुहिङ्मन्निन् पिरुरो॥ Gade chapit la |
एफिसि 5:25
21 Referans Kwoze
इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न् इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
हे़क्केःल्ले़ के़रे़क् लाम्लोबाहाॽरे़ आबाङे खिनिॽ ओमे़त्ताम्सिम्मे़ॽ हे़क्क्याङ् खिनिॽ लक्पे़न्नो के़वाॽबा मनाहाॽ नुरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
कर खे़न् याङ्गे़साॽबा मनाःन्नु थेआङ् होःप्ते़, खुने़ॽ इङुबा लत्छा कुम्मामा मे़ल्लुक्साःत्थिक् कत्तु॥ खुने़ॽ खे़न् आबाङे हिङ्घुआङ् वये़, आबाङे कुहिम्मो खुने़ॽ कुस्साहाॽनु खे़न् यम्मा पोःक्खे़आङ् वये़॥ खे़ल्ले़ कुजे़त्थ्याओए च, कुघोर्याओए थुङु, हे़क्क्याङ् कुभक्तुङ्मोए इप्से़॥ खे़न् खुने़ॽ कुस्सा मे़न्छिन् कुइसिक् मे़त्तु॥
Piblisite