एफिसि 4:3 - लिम्‍बु

³ वेॽहाॽनु सनारुङ्‌ङो वये़म्‍मे़ॽआङ् सेसेमाङ्‌लाम् के़दाबा थिक्‍हुप्‍पो वाॽमा साॽरिक् कोःत्ते़म्‍मे़ॽओ॥ सेसेमाङ्‌लाम् के़दाबा थिक्‍हुप्‍पो वाॽमा फाॽआङ् काक् परिक्‍ले़ तम्‍सिङ् चोगे़म्‍मे़ॽर सनारुङ्‌ङो वये़म्‍मे़ॽओ॥

एफिसि 4:3 Referans Kwoze

१ कोरन्‍थि 1:10

आमिःम् फुॽनुसाॽ नु ने़ॽनुसाॽसे, खिनिॽ लुम्‍मो से़म्‍मा मे़बोङ्‌ने़न्‍ल कर तङे़म्‍मे़ॽआङ् वये़म्‍मे़ॽ फाॽआङ् आनिॽ दाङ्‌बा ये़सु ख्रिस्‍तरे़ कुमिङ्‌ङो पेलि फाक्‍निङ्‌लो॥ हे़क्‍क्‍याङ् खिनिॽ निङ्‌वाॽ नु निङ्‌वाॽ इःप्‍माओआङ् थिक्‍हुप् पोःक्‍खे़म्‍मे़ॽओ॥

हिब्रु 12:14

काक् मनाहाॽनु सनारुङ्‌ङो वाॽमा नु सेसे पोङ्‌मा काक् परिक्‍ले़ तम्‍सिङ् चोगे़म्‍मे़ॽओ॥ सेसे मे़म्‍बोङ्‌ङेग आत्तिन् मनाःल्‍ले़आङ् यहवे दाङ्‌बान् मे़निसुन्‍लो॥

युहुन्‍ना 13:34

“खे़ल्‍ले़चोगुल्‍ले़ आल्‍ल खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌गाॽ कुसङ् इङ्‌जाङ् पिनिङ्‌लो॥ खिनिॽ इङ्‌गाॽ लुङ्‌माॽ तुक्‍निङ्‌बा कुइसिःक्‍के लुङ्‌माॽ तुक्‍कासिम्‍मे़ॽओ॥

२ कोरन्‍थि 13:11

आल्‍ल आमिःम् फुॽनुसाॽ नु ने़ॽनुसाॽसे, कुनुप्‍मो से़म्‍मुॽइ से़वारो॥ कुलिङ्‌दो के़प्‍मा निङ्‌वाॽ चोगे़म्‍मे़ॽ, आबाःन्‍निन् खे़प्‍से़म्‍मे़ॽ, निङ्‌वाॽओ थिक्‍हुप् पोःक्‍खे़म्‍मे़ॽ, सनारुङ्‌ङो वये़म्‍मे़ॽओ॥ हे़क्‍क्‍याङ् मिःम्‍जि नु सनारुङ् दाङ्‌बा निङ्‌वाॽफुमाङ्‌ङिन् खिनिॽनु वाॽरो॥

१ थिस्‍सलोनिकि 5:13

हे़क्‍क्‍याङ् खे़ङ्‌हाॽरे़ खुनिॽ याःम्‍बक्‍किल्‍ले़ चोगुल्‍ले़ मिःम्‍जि मे़त्ते़म्‍सिम्‍मे़ॽआङ् साॽरिक्‍के इङ्‌धाङ् पिरे़म्‍सिम्‍मे़ॽओ॥ हे़क्‍क्‍याङ् खिनिॽ लुम्‍मो सनारुङ्‌नु वये़म्‍मे़ॽओ॥

एफिसि 4:4

निङ्‌वाॽफुमाङ्‌ङिल्‍ले़ के़उःत्तिल्‍ले़ लत्‍छा निङ्‌साङ् के़बिरिबा कुइसिःक्‍के, ख्रिस्‍ते़न् नसान् के़जोःक्‍पाहाॽ लत्‍थिक् थक्‍सिरो॥ हे़क्‍क्‍याङ् सेसेमाङ् लत्‍थिक् वाॽ,

एफिसि 4:13

हे़क्‍केलॽरिक् आनिॽ के़रे़क् नसाःन्‍नो नु निङ्‌वाॽफुसाःल्‍ले़ कुने़हिनिङ्‌वाॽओ थिक्‍हुप् आबोङ्, हे़क्‍क्‍याङ् दाङ्‌बाओ के़रे़क् खासिङ् के़निःप्‍पा आबोङ्‌ङाङ् ख्रिस्‍तओ कुलिङ्‌दो आगे़त्‍लो॥

लाम्‍दिक् 28:32

खे़ल्‍ले़ कुलुम्‍मो थे़गेक् लिःङ्‌मारे़ लागि कुहङ्‌धिक् फत्‍छे़ॽ, हे़क्‍क्‍याङ् मे़दे़ःङ्‌ने़ल्‍ल फाॽआङ् कुहङ्‌ङिल्‍ले़ कुम्‍ब्राःन् के़धुम्‍बा चोःक्‍मारे़ लागि के़रे़क् फमनाबा कुया चोगे़ॽ॥

१ हाङ् 16:21

खे़न् एगाङ् इस्राइलबा मनाहाॽ कुलुप् ने़त्‍छि एॽए मे़से़रे़॥ मनाहाॽओबा कुभ्रे़ःङ्‌ले़ गिनतरे़ कुस्‍सा तिब्‍निःन् हाङ् पोङ्‌मारे़ लागि मे़भाॽरु हे़क्‍क्‍याङ् कुभ्रे़ःङ्‌ले़ ओम्रिःन् मे़भाॽरु॥

खाहुन्‍साबा 4:12

कुभारे़ लत्‍छाइन् नाःम्‍मा सुक्‍तुबिलारो, कर ने़प्‍फुरे़ग कम्‍ब्राङ् मे़त्‍छिङ्‌मा सुक्‍सुरो, कुदोरा सुम्‍सिरे़ माःप्‍मनाबा इदाःक्‍किन् हारा मे़बुॽने़न्‍लो॥

मर्कुस 3:24

आप्‍फेक् लुम्‍मो के़घेबा के़धक्‍पाआङ् के़से़म्‍बा हाङ्‌जुम्‍मिल्‍ले़ मे़धरुन्‍लो॥