एफिसि 4:27 - लिम्‍बु

²⁷ हे़क्‍केलॽरिक्‍के माफे़न्‍साम्‍मिन् खिनिॽ निङ्‌वाॽओ याःम्‍बक् चोःक्‍मा मे़बाङ्‌घे़म्‍मिन्‍ने़ॽओ॥

एफिसि 4:27 Referans Kwoze

याकुब 4:7

खे़ल्‍ले़चोगुल्‍ले़ नःम्‍नःम्‍बा पोःक्‍खे़म्‍मे़ॽआङ् निङ्‌वाॽफुमाङ्‌ङो आबाङे पिआसिम्‍मे़ॽओ॥ माफे़न्‍साम्‍मिन् अत्ते़म्‍मे़ॽ, हे़क्‍क्‍याङ् खे़न् खिनिॽलाम् माःङ्‌घा खे़त्‍छिङ्‌लो॥

१ पत्रुस 5:8

खिनिॽ सिङ्‌सिङ् ये़क्‌ये़क् नु चाङ्‌जाङ् लॽरे़म्‍मे़ॽ! खिनिॽ निङ्‌मि माफे़न्‍साम्‍मिन् के़हुःक्‍पा खिरिङ्‌बान् कुइसिक् आत्तिन् खोसुङ्‌ङाङ् लरुङ्‌देसुङ् लॽरिक् कोःत्तुर ताक्‍कन्‍लो॥

एफिसि 6:16

खे़न्‍लक् मेःन्, कर नसाःन्‍निल्‍ले़न् खोःन् याङ्‌ङासिम्‍मे़ॽ॥ खे़न्‍लाम् खिनिॽ माफे़न्‍साम्‍मिल्‍ले़ के़आबिबा मिराःक् इसेःङ्‌बा तोःङ्‌हाॽलाम् से़ःप्‍सिङ्‌मा के़सुक्‍तिॽरो॥

एफिसि 6:11

माफे़न्‍साम्‍मिल्‍ले़ कुजे़म्‍भन्‍निल्‍ले़ कुदक्‍ले़ङ्‌वाओ थक्‍मा के़सुक्‍तिर फाॽआङ् थक्‍सुबा चाङ्‌ङिल्‍ले़ थक्‍सुबान् काप्‍तुबा कुइसिक् निङ्‌वाॽफुमाङ्‌ङिल्‍ले़ आबिबा काक् फे़जुम् फे़यान् काप्‍सिङ्‌ङे़म्‍मे़ॽओ॥

सेःक्‌युक्‍मिबाहाॽ 5:3

कर पत्रुसरे़ सेःन्‍दोसु, “हननियाए, खे़ने़ॽ अक्‍खेलॽरिक् सेसेमाङ्‌ङिन् इङ्‌ले़क्‍मा फाॽआङ् के़निङ्‌वाॽइन् थेआङ्‌ने़ माफे़न्‍साम्‍मिन् थिम्‍मा के़बाङ्‌घुबाबे? थेआङ् खे़ने़ॽ कुभा याङ्‌ङिन् के़लारुआङ् काक् याङ् के़बिबा के़लाम्‍सिङ्‌बाबे?

रोमि 12:19

आमिःम् आन्‍जुम्‍से, फे़न् पाःन्‍निल्‍ले़ कुले़क्‌वा आप्‍फाल्‍ले़आङ् ताप्‍फे़ःम्‍बा मे़जोगे़म्‍मिन्‍ने़ॽओ, कर निङ्‌वाॽफुमाङ्‌ङिल्‍ले़ कुसाक्‍के़न्‍नो ले़रे़म्‍मे़ॽओ, थेआङ्‌भे़ल्‍ले़ साम्‌योसाप्‍लाओ अक्‍खे साप्‍ते़आङ् पत्, “ताप्‍फे़ःम्‍बा याःम्‍बक् के़जोक्‍पे़न् खुम्‍दिङ् पिमाग आलक्‍लो॥ इङ्‌गाॽए कुले़क्‌वा नुःक्‍तुङ् पिरुङ् लॽरिक् यहवे दाङ्‌बाल्‍ले़ पाःत्तुरो॥”