एफिसि 4:22 - लिम्‍बु

²² खे़ल्‍ले़चोगुल्‍ले़ ख्रिस्‍ते़न् नसान् मे़न्‍जोःक्‍के के़वयिल्‍ले़ इङ्‌ले़क्‍के फे़न्‍निङ्‌वाॽइल्‍ले़ फे़त्‍लाःन्‍दुबा खिनिॽ तगिबा ये़प्‍ले़क्‍किन् लाप्‍फुसे़म्‍मे़ॽआङ्

एफिसि 4:22 Referans Kwoze

रोमि 6:6

लायोल्‍ले़ कुयुक्‍किन् आनिॽ हिङ्‌मन्‍नोलाम् मे़क्‍ल हे़क्‍क्‍याङ् आल्‍लआङ्‌धो लायोरे़ कुयोःक्‍पा आम्‍बोङ्‌ङिन्‍ल फाॽआङ् आनिॽ तगिसमा हिङ्‌मन्‍निन् ख्रिस्‍ते़न्‍नु सिलाम्‍साक्‍मा सिङ्‌ङो फोःन्‍दे़आङ् वाॽ के़लॽबान् कुसिङ् आनिःत्तुम्,

हिब्रु 12:1

खे़ल्‍ले़चोगुल्‍ले़ नसानिबा हिङ्‌मन्‍ले़ कुयाःम्‍बेओ कम्‍म्‍याक् यरिक् तोःन्‍दिहाॽरे़ खुनिॽ लुम्‍मो आवाॽबाल्‍ले़ चोगुल्‍ले़ याप्‍मि के़हम्‍बा पाःन्‍हाॽ नु के़रे़क् परिक्‍ले़न् याप्‍मि के़घबा लायोहाॽ लाप्‍फुसुम्‍लो, हे़क्‍क्‍याङ् निङ्‌वाॽफुमाङ्‌ङिल्‍ले़ ने़स्‍सु आबिरे़बा लोःक्‍लोःक्‍के चाःत्तो नासि थःत्तुम्‍ल लोःक्‍तिरो॥

याकुब 1:21

खे़ल्‍ले़चोगुल्‍ले़ ताप्‍फे़ःम्‍बा नु सिक्‍के़ले़ःङ्‌बा पाःन्‍हाॽ ले़रे़म्‍देःसे़म्‍मे़ॽआङ् निङ्‌वाॽफुमाङ्‌ङिल्‍ले़ खिनिॽ सिक्‍लुङ्‌मो लेःत्तुबा खिनिॽ ताङ्‌से़ःप्‍मा के़सुक्‍पा कुबाःन्‍जाक्‍किन् खिनिॽ नःम्‍नःम्‍माङ् ताःक्‍ते़म्‍मे़ॽओ॥

हिब्रु 3:13

“आइन्‍बा ये़न्” मे़प्‍नाबा पाःन्‍ने़न् वाॽर थारिक्, थिक्‍ले़ वेॽइन् खाहुन् पिआसिम्‍मे़ॽओ, हे़क्‍क्‍याङ् लायोल्‍ले़न् इङ्‌ले़क्‍किल्‍ले़ खिनिॽ आत्तिल्‍ले़ कुसिक्‍लुङ्‌मे़न्‍निन्‍नाङ् के़साःक्‍पा मे़बोङ्‌ने़ल्‍ल॥

तितस 3:3

थेआङ्‌भे़ल्‍ले़ आनिॽआङ् थिक्‍ले़ङ् अदङ् नु इङ्‌जाङ् इःप्‍मा नाःप्‍मा मे़न्‍दे़म्‍मनाबा, इङ्‌ले़क्‍के, याम्‍निङ्‌वाॽ तादा नु याम् तादारे़ आयुक्‍ते़आङ् आवये़रो॥ हे़क्‍केलॽरिक् सिक्‍पोःक्‍मा नु नाहे़म्‍माओ आवये़, हे़क्‍क्‍याङ् मनाहाॽ आजिःत्तुम्‍सिम्‍माङ् आवये़रो॥

एफिसि 4:25

खे़ल्‍ले़चोगुल्‍ले़ इङ्‌ले़क् पाःन्‍हाॽ खिनिॽ के़रे़क्‍ले़ ले़रे़म्‍मे़ॽआङ् खिनिॽ लुम्‍मो से़क्‍खा पारे़म्‍मे़ॽ, थेआङ्‌भे़ल्‍ले़ आनिॽग लत्‍छा थक्‍कोबा याम्‍लक्‍सिरो॥

१ पत्रुस 4:3

थेआङ्‌भे़ल्‍ले़ के़बेःक्‍पा ये़म्‍मो नसान् मे़न्‍जोःक्‍मनाबाहाॽ हे़क्‍के याम्‍बोःप्‍मा याःम्‍बक् चोःक्‍मा, फे़न्‍निङ्‌वाॽ चोःक्‍मा, थिःल्‍ले़ मःसिङ्‌मा, यरिक् चामा थुङ्‌माआङ् याम्‍बोःत्‍छे़ चुम्‍मा, याम्‍दादाबा चामुक् थिमुक् चोःक्‍मा नु सिक्‍के़ले़ःङ्‌बा नावाइत्‍लाहाॽ से़वा चोःक्‍माओ यरिक् ये़म् के़देःसुम्‍लो॥

एफिसि 4:17

खे़ल्‍ले़चोगुल्‍ले़ इङ्‌गाॽ दाङ्‌बाल्‍ले़ कुयुक्‍किल्‍ले़ अक्‍खे मे़त्‍निङ्, खिनिॽ निङ्‌वाॽफुमाङ् कुसिङ् मे़न्‍निःप्‍मनाबाहाॽ मे़वाॽबा कुइसिक् मे़वये़म्‍मिन्‍ने़ॽओ, थेआङ्‌भे़ल्‍ले़ खे़ङ्‌हाॽरे़ खुनिॽ निङ्‌वाॽइन् कुसुम् मे़न्‍दम्‍मनाबा चोक्‍लो॥

२ पत्रुस 2:13

खे़ङ्‌हाॽरे़ग मे़जोगुबा ताप्‍फे़ःम्‍बा याःबक्‍किल्‍ले़ कुले़क्‌वा ताप्‍फे़ःम्‍बाए मे़दुमुॽरो॥ खे़ङ्‌हाॽरे़ग ले़न्‍दिक्‍सा याम्‍दादा नु निङ्‌वाॽतादा चोःक्‍मा खुनिॽ सिराॽथाङ्‌लो॥ खे़ङ्‌हाॽरे़ग खिनिॽनु मे़ज मे़धुङुल्‍ले़ मे़सःत्‍ल इङ्‌गे़म्‍ले़क्‍तिआङ् नागे़म्‍धासि के़म्‍बिरिॽरो॥

१ पत्रुस 1:18

निङ्‌वाॽफुमाङ्‌ङिल्‍ले़ खिनिॽ पाधे़बालाम्‍बा के़नाःत्तुम् के़इःत्तुम्‍ल के़युःरुम्‍बा हने़बा थिम्‍हाॽलाम् के़मे़क्‍पा के़बेःक्‍पा साम्‍म्‍याङ् युप्‍पा हे़क्‍तङ्‌बा पाःन्‍हाॽरे़ के़धे़ॽरिआङ् ताङ्‌गे़से़ःप्‍तिबा मेःन् फाॽआङ् खिनिॽ के़निसुम्‍लो॥

कलस्‍सि 2:11

हर्दो हे़क्‍माल्‍ले़ नासिङ्‌गे़न् थक्‍लाम् ने़क्‍सा से़म्‍बेःक्‍पा कुइसिक् ख्रिस्‍तरे़ कुहर्दो हे़क्‍माल्‍ले़ खिनिॽ लायो चोःक्‍मा निङ्‌वाॽइन् से़न्‍दुदेॽरुआङ् वाॽरो॥ कङ्‌ग मे़न्‍छाम् हुक्‍कोलाम् पोःक्‍खे़बा मेःन्, कर ख्रिस्‍तलाम् पोःक्‍खे़बारो॥

खाहुन् 11:18

ताक्‍के़भे़ॽबा मनाःल्‍ले़ कुइङ्‌ले़क्‍किल्‍ले़ कुले़क्‌वा खोसुरो, कर कुदोःप्‍मा याःम्‍बक् के़जोःक्‍पे़ल्‍ले़ से़क्‍खाबा थुम्‍घो खोसुरो॥

अयुब 22:23

ओरो, खे़ने़ॽ चुङ्‌जिगे़न् नःम्‍नःम्‍बा के़बोङ्‌ङाङ् मुक्‍साम्‍दाङ्‌बाओ के़नुःङ्‌ने़भग्र हे़क्‍क्‍याङ् आबाङे के़हिम्‍मोबा के़रे़क् ताप्‍फे़ःम्‍बा पाःन्‍हाॽ के़ले़रुने़भग्र खे़ने़ॽ याम्‍मो पोःक्‍मा पोङ्‌लो॥

एफिसि 2:3

खे़ङ्‌हाॽरे़ खुनिॽ लुम्‍मो उन्‍छोन् आनिॽआङ् याम् नु निङ्‌वाॽइल्‍ले़ चोःक्‍मा कोःत्तुबा लायोबा लाम्‍मो आवये़॥ खे़ङ्‌हाॽ हे़क्‍के आनिॽआङ् निङ्‌वाॽफुमाङ्‌ङिल्‍ले़ कुघासे़न्‍नो के़धाबा आबोःक्‍खे़आङ् आवये़रो॥

ओबदिया 1:3

खे़ने़ॽ के़निङ्‌वाॽओबा यम्‍बा के़हे़न्‍छिङ्‌मे़ल्‍ले़ खे़ने़ॽ इङ्‌ले़क्‍को के़धासे़आङ् के़वाॽरो॥ खे़ने़ॽ के़निङ्‌वाॽओ अक्‍खे के़बाःत्तुरो, ‘आङ्‌गाॽ याक्‍पेॽहाॽरे़ कुभिःप्‍माहाॽओ हे़क्‍क्‍याङ् चन्‍जम्‍बादे़न्‍हाॽओ के़युङ्‌बाआरो हाःत्‍ले़ आङ्‌गाॽ यो खाम्‍बाङ्‌ङो मुत्‍थामा सुक्‍काबे?’

२ पत्रुस 2:7

हे़क्‍क्‍याङ् निङ्‌वाॽफुमाङ्‌ङिल्‍ले़ कुनिमाओबा साम्‌योबा लुःते़ङ्‌ग से़ःप्‍तुरो॥ खुने़ॽग खे़न् ये़म्‍मोबा मनाहाॽरे़ मे़जोगुबा खुनिॽ ताप्‍फे़ःम्‍बा ये़प्‍ले़क्‍हाॽ निसुआङ् कुनिङ्‌वाॽ तुगे़आङ् वये़रो॥

यर्मिया 49:16

किमा यङ्‌मालाम् इङ्‌ले़क्‍को के़ध्‍ये़रो, के़आङ्‌दिङ् के़लॽमालाम् वेॽहाॽ के़लिःक्‍तुसिरो॥ खे़ने़ॽ लुङ्‌याङ्‌पेॽ हाङ्‌यक्‍को के़युङ्‌लो हे़क्‍क्‍याङ् चन्‍जन्‍लुङ् कोःक्‍मा फाङ्‌जङ्‌हाॽ के़युक्‍तुरो॥ कर खे़ने़ॽ किःत्‍थहाॽनु सोसोरिक् थे़गु माङ्‌वाहाॽरे़ कुसम्‍मो हाप् के़जोगुसाङ्, आङ्‌गाॽ यो मक्‍थाःन्‍ने थाने़रो,” यहवे दाङ्‌बे़ल्‍ले़ पाःत्तुआङ् वाॽरो॥

गलाति 1:13

इङ्‌गाॽ तगि यहुदि साम्‌योन् इःत्तुङ् नाःत्तुङ्‌ङिल्‍ले़ इङ्‌गाॽ आक्‍तङ्‌बा मना वयाङ् हे़क्‍क्‍याङ् आक्‍खे़न् साॽरिक् ये़सु ख्रिस्‍ते़न् नसान् के़जोःक्‍पाहाॽ तुक्‍खे चाःत्तुङ्‌सिङ्‌ङाङ् मे़ङ्‌मा कोःत्तुङ्‌सिङ् के़लॽबान् खिनिॽ के़घे़प्‍सुम्‍माङ् के़वयिॽरो॥

१ सामुए़ल 1:14

खे़ल्‍ले़चोगुल्‍ले़ एलिरे़ मे़त्तु, “आभे़ल्‍ले़ थारिक् खे़ने़ॽ हाबा अक्‍खेलॽरिक् सेजङ्‌वाःल्‍ले़ के़मआङ् के़युङ्‌बाबे? खे़ने़ॽ के़सेजङ्‌वान् थुङ्‌मा ले़रे़ॽ॥”

रोमि 7:11

थेआङ्‌भे़ल्‍ले़ लायोल्‍ले़ साम्‌योइङ्‌जाङ्‌लाम् सुये़म् खोसुआङ् इङ्‌गाॽ इङ्‌ले़क्‍ताङ्‌लो, हे़क्‍क्‍याङ् बा कन् साम्‌योइङ्‌जाङ्‌लाम् इङ्‌गाॽ से़राङ्‌लो॥

याकुब 1:26

आत्तिल्‍ले़ इङ्‌गाॽ साम्‌योसाबा चोःक्‍का लॽरिक् निङ्‌वाॽ इःत्तुॽ, कर कुले़सोःप्‍पे़न् युक्‍को मे़गत्तुन्‍ने़ फाॽग्र खे़ङ्‌ग इङ्‌ले़क्‍सिङ्‌ङाङ् खे़ल्‍ले़ कुसाम्‌योःङ्‌ग हने़रक् पोङ्‌लो॥

यर्मिया 17:9

“मनाःल्‍ले़ कुनिङ्‌वान् इङ्‌ले़क्‍के चोक्‍लो खे़न् हे़क्‍तङ्‌बा इङ्‌ले़क्‍पा वेॽ थेआङ् होप्‍लो, खे़न् वेःत्‍ल चोःक्‍मा सुक्‍मे़दे़त्‍ने़न्‍लो॥

२ कोरन्‍थि 11:3

कर माफे़न्‍साम्‍मिल्‍ले़ कुइस्‍वामाओलाम् हवाःन् इङ्‌ले़क्‍ते़बा कुइसिःक्‍के खिनिॽ ख्रिस्‍तओ के़दोःन्‍दुम्‍बा मिःम्‍जिन् नु तोःन्‍दोम्‍बा निङ्‌वाॽइन् लाम्‍भोःत्तुॽ फाॽआङ् इङ्‌गाॽ किआरो॥

एफिसि 4:31

के़रे़क् सिक्‍कुमा, सिक्‍पोःक्‍मा, याःक् ले़ॽमा, हयङ्‌किल्‍लिङ् चोःक्‍मा, चे़ॽया इङ्‌दो पाःप्‍मा हे़क्‍क्‍याङ् काक् परिक्‍पा मना चिःप्‍मा ले़रे़म्‍मे़ॽओ॥