Biblia Todo Logo
Bib sou entènèt

- Piblisite -




एफिसि 4:13 - लिम्‍बु

13 हे़क्‍केलॽरिक् आनिॽ के़रे़क् नसाःन्‍नो नु निङ्‌वाॽफुसाःल्‍ले़ कुने़हिनिङ्‌वाॽओ थिक्‍हुप् आबोङ्, हे़क्‍क्‍याङ् दाङ्‌बाओ के़रे़क् खासिङ् के़निःप्‍पा आबोङ्‌ङाङ् ख्रिस्‍तओ कुलिङ्‌दो आगे़त्‍लो॥

Gade chapit la Kopi




एफिसि 4:13
34 Referans Kwoze  

खे़ल्‍ले़चोगुल्‍ले़ आत्ति पिगिगे़ॽसाङ् काक् मनाहाॽ ख्रिस्‍तरे़ कुयाःम्‍बेओ इङ्‌भोसुम्‍सिम्‍बे़ॽरो॥ खे़ङ्‌हाॽ निङ्‌वाॽफुमाङ्‌ङिल्‍ले़ पिरिगे़बा काक् सिक्‍कुम्‍मिल्‍ले़ साम्‍दिङ् नु खाहुन् पिरुम्‍सिम्‍बे़ॽ, थेआङ्‌भे़ल्‍ले़ ख्रिस्‍ते़न्‍नु थिक्‍हुप् पोङ्‌मान् कुलिङ्‌दो के़त्‍ल लॽरिक् निङ्‌वाॽफुमाङ्‌ङो काक् मे़न्‍छाम् याप्‍मिहाॽ तोःम्‍मासि आनिगे निङ्‌वाॽ कत्तुम्‍बे़रो॥


पानुदिङ् आम्‍बे, खे़ङ्‌हाॽ काक् थिक्‍हुप् मे़बोङ्‌ल फाॽआङ् तुवा चोःक्‍कारो॥ इङ्‌गाॽ खे़ने़ॽओ हे़क्‍क्‍याङ् खे़ने़ॽ इङ्‌गाॽओ के़वाॽबा कुइसिक् खे़ङ्‌हाॽआङ् आन्‍छिॽओ मे़वाॽररो॥ हे़क्‍क्‍याङ् इक्‍सादिङ् खाम्‍बेःक्‍मोबा मनाहाॽरे़ इङ्‌गाॽ के़बाङ्‌घाङ्‌बा फाॽआङ् नसान् मे़जोगुररो॥


दाङ्‌बान् लत्‍थिक् वाॽ, नसान् लत्‍थिक् वाॽ, हे़क्‍क्‍याङ् बप्‍तिस्‍माआङ् लत्‍थिक् वाॽ॥


वेॽहाॽनु सनारुङ्‌ङो वये़म्‍मे़ॽआङ् सेसेमाङ्‌लाम् के़दाबा थिक्‍हुप्‍पो वाॽमा साॽरिक् कोःत्ते़म्‍मे़ॽओ॥ सेसेमाङ्‌लाम् के़दाबा थिक्‍हुप्‍पो वाॽमा फाॽआङ् काक् परिक्‍ले़ तम्‍सिङ् चोगे़म्‍मे़ॽर सनारुङ्‌ङो वये़म्‍मे़ॽओ॥


कर आनिॽ दाङ्‌बा नु से़न्‍लप्‍दाङ्‌बा ये़सु ख्रिस्‍तरे़ आबिबा ने़हिनिङ्‌वाॽओ नु कुलुङ्‌गुम्‍मो पोरे़म्‍मे़ॽओ॥ आल्‍लो नु सदादिङ् दाङ्‌बाल्‍ले़ कुमिमिदिङ् पोङ्‌लरो! आमे़न्॥


खिनिॽ के़रे़क्‍ले़ सिक्‍लुङ्‌मो हाङ्‌हाङ् के़बोःक्‍खिआङ् खिनिॽ लुङ्‌माॽ तुक्‍सिङ्‌मो थिक्‍हुप् के़बोःक्‍खिर के़लॽबा आनिङ्‌वाॽ वाॽरो, हे़क्‍केलॽरिक् खिनिॽ के़रे़क्‍ले़ कुलिङ्‌दो इःत्‍छिङ्‌साम् के़घोसुम्‍माङ् निङ्‌वाॽफुमाङ्‌ङिल्‍ले़ कुसिबिॽ पाःन्‍निन् कुसिङ् के़निःत्तुम्‍लरो॥ खे़न् कुसिबिॽ पाःन्‍निङ्‌ग ख्रिस्‍ते़न्‍नेरो॥


कर कुजाःङ्‌ग तुम्‍स्‍याक् के़बोङ्‌बाल्‍ले़ लागिने़रो॥ खे़ङ्‌ग चक्‍मे़ल्‍लॽए सधासिङ्‌बाल्‍ले़ चोगुल्‍ले़ खे़ल्‍ले़ नुबा नु ताप्‍फे़ःम्‍बा पाःन्‍निन् से़म्‍मा सुक्‍तुॽरो॥


खे़न्‍लक् मेःन्, कर आदाङ्‌बा ख्रिस्‍त ये़सुन् कुसिङ् निःप्‍मा खोमाङ्‌ग काक्‍नुःल्‍ले़ नुबा पान् पोःक्‍खे़बाल्‍ले़ काक् पाःन्‍हाॽग हने़बाए इःत्तुङ्‌ङाङ् खुने़ॽ कुलागि लाङ् हाक्‍तुङ्‌देसुङ्‌लो॥ ख्रिस्‍ते़न् खोमा फाॽआङ् इङ्‌गाॽ खे़ङ्‌हाॽ ताम्‍जिरक् इःत्तुङ्‌लो॥


फुॽनुसाॽ नु ने़ॽनुसाॽसे, खिनिॽ हिन्‍जाॽबित्‍छा कुइसिक् निङ्‌वाॽ इःप्‍मा ले़रे़म्‍मे़ॽओ॥ फे़न्‍पाःन्‍नो अङे़ःक्‌वा कुइसिक् पोःक्‍खे़म्‍मे़ॽओ, कर निङ्‌वाॽ इःप्‍माओग कुनिङ्‌वाॽ के़दुम्‍बा मनाहाॽ कुइसिक् पोःक्‍खे़म्‍मे़ॽओ॥


आल्‍ल कन् सेसेहुप्‍लक्‍किङ्‌ग ख्रिस्‍तरे़ नासिङ्‌गे़न् कुधक् नु कुलिङ्‌दो के़गे़प्‍पा पाःन्‍लो॥ हे़क्‍क्‍याङ् खुने़ॽए के़रे़क् कुलिङ्‌दो के़त्तुॽरो॥


आल्‍ल नसान् के़जोःक्‍पाहाॽ थिक् निङ्‌वाॽ थिक् मुरा मे़बोःक्‍खे़आङ् खुनिॽ मे़गत्तुबान् इङ्‌गाॽइन् मे़ल्‍लॽए के़रे़क्‍ले़ थिक् निङ्‌वाॽ थिक्‍हुप्‍पो मे़याङुरो॥


यहवे दाङ्‌बे़न् के़रे़क् इक्‍सादिङ् खाम्‍बेःक्‍मोबा हाङ् पोङ्‌ॽ॥ खे़न् ये़न्‍नो यहवे दाङ्‌बा लत्‍छारक् वाॽ हे़क्‍क्‍याङ् मनाहाॽरे़ खुने़ॽ कुमिङ्‌ङोरक् माङ्‌से़वा मे़जोगुॽ॥


निङ्‌वाॽफुसान् ये़आङ् वाॽ फाॽआङ् कुसिङ् आनिःत्तुम्, हे़क्‍क्‍याङ् से़क्‍खाबा निङ्‌वाॽफुमाङ्‌ङिन् कुसिङ् आनिःत्तुम्‍ल फाॽआङ् सिक्‍कुम्‍दिङ् निङ्‌वाॽ आबिरे़आङ् आवाॽरो॥ हे़क्‍क्‍याङ् आल्‍लो आनिॽ से़क्‍खाबा निङ्‌वाॽफुमाङ्‌ङिन्‍नु हे़क्‍क्‍याङ् आबुगे़न् कुस्‍सा ये़सु ख्रिस्‍ते़न्‍नु सोरिक् आवाॽरो॥ खुने़ॽए से़क्‍खाबा निङ्‌वाॽफुमाङ् नु मे़न्‍नुप्‍मनाबा हिङ्‌मन्‍लो॥


“खे़न् ये़म्‍मो आङ्‌गाॽ लाजेॽ लाजेॽओबा मनाहाॽरे़ खुन्‍छिॽ मुरान् सुत्‍थो चोगुङ्‌लो, खे़ब्‍याङ् खे़ङ्‌हाॽ के़रे़क्‍ले़ यहवे दाङ्‌बे़ल्‍ले़ कुमिङ्‌ङो पेलिगे़न् तुवा मे़जोगुररो हे़क्‍क्‍याङ् फक्‍ताङ् नु फक्‍ताङ् मे़दङ्‌घुआङ् खुने़ॽ कुसे़वा याःम्‍बक् मे़जोगुररो॥


हे़क्‍केलॽरिक् सेसेहुप्‍लक् ख्रिस्‍तरे़ कुधक्‍किन् थोबो पोङ्‌ल फाॽआङ् निङ्‌वाॽफुमाङ्‌ङिल्‍ले़ सेसे कुमनाहाॽ माङ्‌से़वा याःम्‍बक् चोःक्‍मारे़ लागि यारिप् मे़बोङ्‌लरो॥


खुने़ॽए साम्‌योथिम् इङ्‌जाङ्‌ङोबा थिम्‍हाॽ थेनाधेबा चोगु॥ खुने़ॽए यहुदि नु थिम्‍मे़न्‍दङ् सुवाङ्‌लुम्‍मो सनारुङ् ताःत्‍छे़ ने़त्‍छि सुवाङ्‌लाम्‍बा खुने़ॽनु थिक्‍हुप् के़बोङ्‌बा लत्‍छा कुसङ् सुवाङ्‌धिक् चोगुआङ् वाॽरो॥


थेआङ्‌भे़ल्‍ले़ खादाम्‍मो ओःत्तिःन् ओःत्‍ल फाॽआङ् के़बाःप्‍पा निङ्‌वाॽफुमाङ्‌ङिल्‍ले़ ख्रिस्‍तरे़ कुनाराओ के़ओःप्‍पा निङ्‌वाॽफुमाङ्‌ङिल्‍ले़ कुमिमिदिङ्‌ले़न् ने़हिनिङ्‌वाॽइन् कुसिङ् निःप्‍मा आसुक्‍तुम्‍ल फाॽआङ् आनिगे सिक्‍लुङ्‌मो खुने़ॽ कुओःत्तिन् ओःप्‍पाङ्‌घुआङ् वाॽरो॥


आमिःम् फुॽनुसाॽ नु ने़ॽनुसाॽसे, खिनिॽ लुम्‍मो से़म्‍मा मे़बोङ्‌ने़न्‍ल कर तङे़म्‍मे़ॽआङ् वये़म्‍मे़ॽ फाॽआङ् आनिॽ दाङ्‌बा ये़सु ख्रिस्‍तरे़ कुमिङ्‌ङो पेलि फाक्‍निङ्‌लो॥ हे़क्‍क्‍याङ् खिनिॽ निङ्‌वाॽ नु निङ्‌वाॽ इःप्‍माओआङ् थिक्‍हुप् पोःक्‍खे़म्‍मे़ॽओ॥


खे़ङ्‌हाॽरे़ से़क्‍खागे़न् निङ्‌वाॽफुमाङ्‌ङिन् खे़ने़ॽरक् फाॽआङ् कुसिङ् मे़निःत्तुर हे़क्‍क्‍याङ् खे़ने़ॽ के़बाङ्‌घुबा ये़सु ख्रिस्‍ते़न् कुसिङ् मे़निःत्तुर बा खे़न्‍ने मे़न्‍नुप्‍मनाबा हिङ्‌मन्‍लो॥


खे़ङ्‌हाॽरे़ पानुदिङ् पान् इग्र इङ्‌गाॽ याप्‍मि कुसिङ् मे़न्‍निःत्तान्‍बाल्‍ले़ चोगुल्‍ले़ खिनिॽ हे़क्‍के के़म्‍मे़त्तिॽरो॥


के़साक्‍पा ये़त्तुक्‍खे तुमुआङ् एगाङ् खुने़ॽ कन् के़रे़क् निमा खोसुरो हे़क्‍क्‍याङ् कुनिङ्‌वाॽ तारो॥ साम्‌योबा आसे़वारोबे़ल्‍ले़ यरिक् मनाहाॽ साम्‌योबा चोगुसिरो हे़क्‍क्‍याङ् खुन्‍छिॽ के़रे़क् लायोहाॽ कुयुरो॥


हे़क्‍क्‍याङ् ये़सुरे़ मनाहाॽ मे़त्तुसि, “आम्‍बारे़ के़रे़क् पाःन्‍हाॽ पिराङ्‌ङाङ् वाॽरो॥ कुस्‍सान् कुम्‍बारे़रक् कुसिङ्‌निःत्तुॽ, वेॽहाॽरे़ कुसिङ् मे़न्‍निःत्तुन्‍लो॥ हे़क्‍क्‍याङ् पानुदिङ् पान् कुसिङ् मे़निःत्तुर फाॽआङ् कुस्‍साःल्‍ले़ ओसेःन्‍धाक्‍तुसिबा मनाहाॽरे़रक् कुसिङ् मे़निःत्तुॽरो॥


खुने़ॽ कुलुङ्‌गुम् कुधिम्‍लाम् हाङ्‌वासाम्‍मे हाङ्‌वासाम् आघोसुम्‍माङ् आवाॽरो॥


खे़ने़ॽग निङ्‌वाॽफुमाङ्‌ङिल्‍ले़ के़बाङ्‌घे़बा सेसे कुमनाःन्‍ने़ॽ फाॽआङ् आनिगे निसुम्‍बे़ हे़क्‍क्‍याङ् नसान् चोगुम्‍बे़आङ् वाॽरो॥”


हे़क्‍केसाङ् आनिगे़ग नसाःन्‍नो कुनिङ्‌वाॽ के़दुम्‍बा नसानिबाहाॽनु सिक्‍कुम्‍दिङ् निङ्‌वाॽरे़ पाःन्‍हाॽ पारिगे़ॽ, कर कन् इक्‍सादिङ् खाम्‍बेःक्‍मोबा नु खे़प्‍मो हाङ्‌गे़जोःक्‍पाहाॽरे़ खुनिॽ सिक्‍कुम् निङ्‌वाॽ पान् मे़बारिगे़न्‍लो॥ खे़ङ्‌हाॽग मे़मे़क् मे़बेःक्‍लो॥


आमिःम् आस्‍सासे, ख्रिस्‍ते़न् कुइसिःक्‍के खिनिॽ मे़म्‍बोङ्‌ङे थारिक् इङ्‌गाॽग आल्‍लो याम्‍मो सावाःम्‍मा तुङ्‌ङिल्‍ले़ तरुमा मे़न्‍छुमाॽ कुइसिक् पोःक्‍खाङ्‌ङाङ् वाॽआरो॥


आनिॽ दाङ्‌बा ये़सु ख्रिस्‍तरे़ मिमिदिङ्‌गे़न् कुम्‍बा निङ्‌वाॽफुमाङ्‌ङिल्‍ले़ खुने़ॽ कुयाःम्‍बेओ नुरिक्‍काङ् कुसिङ् निःप्‍मारे़ लागि सिक्‍कुम्‍दिङ् निङ्‌वाॽ के़बिबा नु निङ्‌वाॽफुमाङ्‌ङिन् ओसेःन्‍दाङ् के़जोःक्‍पा सेसेमाङ्‌ङिन् के़बिरिर फाॽआङ् तुवा चोःक्‍कारो॥


इङ्‌गाॽग ख्रिस्‍ते़न् नु सिमे़न्‍लाम् याम्‍मो कुहिङ्‌वे़त् के़जोःक्‍पा मुक्‍साम्‍मिन् कुसिङ् निःप्‍मा निङ्‌वाॽ चोगुङ्‌लो, हे़क्‍क्‍याङ् खुने़ॽ इनोगे़न् तुक्‍खे च्‍ये़बा हे़क्‍के इङ्‌गाॽआङ् तुक्‍खे चामाआङ् कुसिमे़न्‍नो सोरिक् पोङ्‌मा निङ्‌वाॽ चोगुङ्,


बा खे़न् कुमिमिदिङ् नु कुनो-कुदाओलाम् आनिॽ यम्‍बा नु इमे़ल्‍लुङ्‌बा माङ्‌हे़क्‍हाॽ आघोसुम्‍माङ् आवाॽ॥ खुने़ॽ फे़न् निङ्‌वाॽलाम् के़दाबा फे़न् पाःन्‍हाॽलाम् ताङ्‌से़ःप्‍मा नु निङ्‌वाॽफु नोस्रङ् खोमा माङ्‌हे़क् आजोगे़आङ् आवाॽरो॥


Swiv nou:

Piblisite


Piblisite