हे़क्क्याङ् दाङ्बा ये़सुन् लाॽरुबा हिङ्मन्नो सुम्बोधासाबा के़बोःक्खिर, हे़क्केलॽरिक् काक् परिक्ले़ खुने़ॽ कुनिङ्वाॽ के़दासुम्ल हे़क्क्याङ् निङ्वाॽफुमाङ्ङिन् आल्लसाङ् नुरिक्काङ् कुसिङ् निःप्मा के़सुक्तुम्माङ् काक् नुबा याःम्बक्किल्ले़ निङ्वाॽफुमाङ्ङिल्ले़ कुनिङ्वाॽ के़दासुम्ल फाॽआङ् आनिगे तुवा चोगुम्बे़रो॥
एफिसि 4:1 - लिम्बु1 ख्रिस्त ये़सुरे़ कुयाःम्बेओ इङ्भोसुङ्बाल्ले़ चोगुल्ले़ इङ्गाॽ पुङ्लाहिम्मो साक्पा के़धाबाल्ले़ निङ्वाॽफुमाङ्ङिल्ले़ सेगुसिबा मनाहाॽ खे़म्दु लाॽरुसिबा हिङ्मन्नो मे़वाॽबा हे़क्के वये़म्मे़ॽ फाॽआङ् पेलि फाक्निङ्लो॥ Gade chapit la |
एफिसि 4:1
36 Referans Kwoze
काक्नुःल्ले़ के़ये़क्पा पाःङ्ग ख्रिस्तरे़ कुसुनाइङ्ङिन् लाॽरुबा हिङ्मन्नो खिनिॽ वये़म्मे़ॽओ॥ हे़क्केःल्ले़ इङ्गाॽ खिनिॽओ ताआआङ् निनिङ्साङ् इग्र खिनिॽ याःम्बेओरक् खे़प्सुङ्साङ् खिनिॽ सुनाइङ्ङिल्ले़न् नसाःन्नो के़दङ्ङासिआङ् याम्बुधिक्काङ् याःम्बक् के़जोगुम्बा पाःन्निन् निसुङ्लो॥
खुने़ॽए आनिॽ ताङ्आसे़ःप्ते़आङ् आप्फेक् सेसे कुमना पोङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् कुनिङ्वाॽसोक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेक् चोगुआङ् वये़॥
खे़ल्ले़चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्दो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥
आल्ल आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ लुङ्माॽ के़दुक्तिआङ् वाॽ, खे़ल्ले़चोगुल्ले़ खिनिॽ कुहिङ्वे़त् नासिङ्गे़न् थक्किन् सेसे नु निङ्वाॽफुमाङ्ङिल्ले़ कुनिङ्वाॽ के़दाबा सिदुङ्जभा कुइसिक् तोःन्दे़म्मे़ॽ फाॽआङ् साॽरिक् पेलि फाक्निङ्लो॥ खिनिॽ चोःक्मा के़बोङ्बा याम्साम्गे़न् सेवान् बा कन्लो॥
काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ् खुने़ॽए खिनिॽ कुलिङ्दो के़गे़त्तिॽ हे़क्क्याङ् थधप् मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
फुॽनुसाॽ नु ने़ॽनुसाॽसे, खे़न् पाःन्हाॽलाम् इङ्गाॽ कुइसिक् खिनिॽआङ् चोःक्युम्भोबा पोःक्खे़म्मे़ॽ फाॽआङ् पेलि फाक्निङ्लो, थेआङ्भे़ल्ले़ तगि इङ्गाॽग खिनिॽ हे़क्के साम्यो साक्थिम्हाॽ इःप्मा नाःप्मालाम् चोःक्युम्भोबा पोःक्खाङ्ङाङ् वयाङ्लो॥ खिनिॽग इङ्गाॽ थेआङ् ताप्फे़ःल्लिक् याप्मि के़म्मे़त्तिन्लो॥
इङ्गाॽ पावले़न् खिनिॽनु वाॽआल्ले़ नःम्नःम् लॽआमु, कर माःङ्घा वाॽआल्ले़ के़आःम्बा चोःक्कामु लॽरिक् खिनिॽ लुम्मो कुभारे़ के़बाःत्तुम्मु॥ आल्ल के़नुॽबा नु लुम्लुम्बा ख्रिस्तरे़ कुयुक्कोलाम् इङ्गाॽ खिनिॽओ ताआल्ले़ के़आःम्बा पान् पाःप्मा याप्मि मे़बाङ्घे़म्मिन्ने़ॽ फाॽआङ् पेलि फाक्निङ्, थेआङ्भे़ल्ले़ से़क्खाःल्ले़ इक्सादिङ् खाम्बेःक्मोबा मनाहाॽ हे़क्तङ्बा के़जोगिॽ लॽरिक् याप्मि के़मे़प्पाहाॽनु इङ्गाॽ के़आःम्बाए पोङ्मा सुक्कारो॥
Piblisite