एफिसि 3:9 - लिम्बु9 हे़क्क्याङ् काक् पाःन्हाॽरे़न् नावागे़न् चइःत् के़ने़बा निङ्वाॽफुमाङ्ङिल्ले़ उनाहुरिआङ्धो माॽरुबा पाःन्निल्ले़न् निङ्सेःक्किन् काक् मनाहाॽ चे़क्मासि फाॽआङ् इङ्गाॽ सेगाङ्लो॥ Gade chapit la |
एफिसि 3:9
38 Referans Kwoze
खुने़ॽए आनिॽ ताङ्आसे़ःप्ते़आङ् आप्फेक् सेसे कुमना पोङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् कुनिङ्वाॽसोक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेक् चोगुआङ् वये़॥
“खे़ने़ॽग आनिगे दाङ्बा नु निङ्वाॽफुमाङ्ने़ॽरो॥ खे़ने़ॽग मिमिदिङ् नु मिङ्सो इङ्धाङ् हे़क्क्याङ् मुक्साम्रे़न् नारा फोसुम्बे़बा आनिगे सेवागे़न् साम्लोन् ताःक्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग काक् पाःन्हाॽ नावागे़न् चइःत् के़जोगु, हे़क्क्याङ् सिक्कुम्दिङ् के़निङ्वाॽलाम् खे़ङ्हाॽ मे़बोःक्खे़, हे़क्क्याङ् हिङ्मन् के़बिरुसिआङ् वाॽरो॥”
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे सदादिङ् नोगे़न् पिमाए पोङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसान् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
कर खिनिॽ के़घे़प्सुम्बा सुनाइङ्ङिल्ले़न् निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसान् चोःक्माए पोङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोसुआङ् वाॽ, हे़क्क्याङ् खे़न् सुनाइङ्ङिन् इङ्भोमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसे़वारोबा पोःक्खाङ्लो॥
खे़न् के़निसुबा किप्मा के़घुबा थक्साःङ्ग कुहिङ्वे़त् वये़, कर खे़न् आल्लो होप्लो॥ खे़ङ्ग याम्मो कुद्रोःम् मेःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिबा किप्मा के़घुबा थक्सान् याम्मो कुहिङ्वे़त् मे़निसुआङ् खुनिॽ निङ्वाॽ मारो॥
आमिःम् फुॽनुसाॽ नु ने़ॽनुसाॽसे, खिनिॽ आङ्दिङ् के़न्लॽरिन्ल फाॽआङ् कन् सिबिॽगे़न् पाःन्निन् कुसिङ् निःत्ते़म्मे़ॽ के़लॽबा आनिङ्वाॽ वाॽरो॥ कन् सिबिॽगे़न् पाःन्निङ्ग निङ्वाॽफुमाङ्ङिल्ले़ कुनिङ्सेक् कुइसिक् नसान् चोःक्मा के़बोङ्बा थिम्मे़न्दङ् सुवाङ्हाॽरे़ नसान् चोःक्मा मे़न्छुःत्ते थारिक् यरिक् यहुदिहाॽ खुनिॽ निङ्वाॽ मे़न्नुःङ्मनाबा मे़बोङ्लो॥
Piblisite