एफिसि 3:17 - लिम्बु17 हे़क्केलॽरिक् नसाःन्लाम् ख्रिस्ते़न् खिनिॽ सिक्लुङ्मो वाॽर॥ निङ्वाॽफुमाङ्ङिल्ले़ कुमिःम्जिओ खिनिॽ साःप् लेःत्छिङ्ङाङ् के़धुम्बा के़बोःक्खिर, Gade chapit la |
एफिसि 3:17
24 Referans Kwoze
इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न् इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
कर खिनिॽ के़घे़प्सुम्बा सुनाइङ्ङिल्ले़न् निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसान् चोःक्माए पोङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोसुआङ् वाॽ, हे़क्क्याङ् खे़न् सुनाइङ्ङिन् इङ्भोमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसे़वारोबा पोःक्खाङ्लो॥
इङ्गाॽ खे़ङ्हाॽनु थिक्हुप् वाॽआबा कुइसिक् हे़क्क्याङ् खे़ने़ॽ इङ्गाॽनु थिक्हुप् के़वाॽबा कुइसिक् खे़ङ्हाॽ कुजे़क् थिक्हुप्पो मे़दाररो॥ खे़ल्ले़चोगुल्ले़ इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा नु लुङ्माॽ के़दुक्ताङ्बा कुइसिःक्के खे़ङ्हाॽ लुङ्माॽ के़दुक्तुसिबान् कुसिङ् मे़निःत्तुररो॥
खुने़ॽग काक् से़क्खाओ लाम्गे़लोबा सेसेमाङ्लो॥ कन् इक्सादिङ् खाम्बेःक्मोबा मनाहाॽरे़ खुने़ॽ खोमा मे़न्छुक्तुन्लो, थेआङ्भे़ल्ले़ खे़ङ्हाॽरे़ खुने़ॽ मे़न्निसुन्नाङ् कुसिङ्ङाङ् मे़न्निःत्तुन्लो॥ कर खिनिॽग खुने़ॽ कुसिङ् के़निःत्तुम्लो, थेआङ्भे़ल्ले़ आल्लो खुने़ॽ खिनिॽनु सोरिक् वाॽ हे़क्क्याङ् के़दाबा ये़म्मोआङ् खिनिॽ हिङ्मन्नो वाॽरो॥
खे़न् नुबा पाङ्यक्को हिम् के़जोःक्पा मना कुइसिःक्लो॥ खे़ल्ले़ हिम् चोःक्मा फाॽआङ् यो खाम् सिगाङ्बा यम्बा लुङ्ङिन् मे़न्याङ्ङे थारिक् तयु॥ हे़क्क्याङ् यम्बा लुङ्सम्दाङ् पाङ्यक् नेम्भो ने़स्सुआङ् लुङ्धाक् से़त्तुर हिम् चोगुॽ॥ हे़क्क्याङ् यम्बा वाहिप्मान् थ्ये़आङ् वाकुक्से़ ये़आङ् च्वाःत्तिल्ले़ खे़न् हिम्मिन् लक्तु, कर थेआङ् मे़बोःक्खे़न्, थेआङ्भे़ल्ले़ खे़न् हिम्मिल्ले़न् नुरिक्काङ् पाङ्यक् युक्खुआङ् वये़रो॥
Piblisite