एफिसि 3:12 - लिम्‍बु

¹² खुने़ॽ चोगुल्‍ले़ हे़क्‍क्‍याङ् खुने़ॽ आजोगुम्‍बा नसाःन्‍लाम्‍बा हाङ्‌हाङ् लॽरिक् मे़ङ्‌गिए निङ्‌वाॽफुमाङ्‌ङो पेःक्‍मा आघोसुम्‍लो॥

एफिसि 3:12 Referans Kwoze

एफिसि 2:18

खुने़ॽलाम्‍मे आनिॽ के़रे़क्‍ले़ थिक् सेसेमाङ् आघोसुम्‍माङ् पानुदिङ् पा निङ्‌वाॽफुमाङ्‌ङो पेःक्‍मा आघोसुम्‍माङ् आवाॽरो॥

रोमि 5:2

आनिॽ नसान् आजोगुम्‍बाल्‍ले़ ये़सु ख्रिस्‍तरे़ कन् लुङ्‌गुम्‍मो आदारे़आङ् वाॽ॥ आल्‍लो हाबा खे़न् लुङ्‌गुम्‍मोए आवाॽ, हे़क्‍क्‍याङ् निङ्‌वाॽफुमाङ्‌ङिल्‍ले़ कुमिमिदिङ्‌ङिन् खोमा लक् आघोसुम्‍मेरो फाॽआङ् आसःत्‍लो॥

युहुन्‍ना 14:6

ये़सुरे़ नोगप् पिरु, “लाम्, से़क्‍खा नु मे़न्‍नुप्‍मनाबा हिङ्‌मन् इङ्‌गाॽएरो॥ आत्तिन्‍नाङ्‌ इङ्‌गाॽ मे़ःन्‍नेग पानुदिङ् पाःल्‍लो के़प्‍मा मे़सुक्‍ने़न्‍लो॥

२ कोरन्‍थि 3:4

ख्रिस्‍तरे़ खे़न् पाःन्‍निन् से़क्‍खा चोक् फाॽआङ् निङ्‌वाॽफुमाङ्‌ङिल्‍ले़ कुनिमाओए निःन्‍धो चोगिगे़रो॥

रोमि 3:22

निङ्‌वाॽफुमाङ्‌ङिल्‍ले़ मनाहाॽ आप्‍तिक् मेःन्‍नेबा चोगुसिबा कन् लाम्‍मिङ्‌ग ये़सु ख्रिस्‍ते़न् नसान् के़जोःक्‍पा के़रे़क्‍ले़ नसाःन्‍लाम्‍मे खोदे़त्‍लो॥ निङ्‌वाॽफुमाङ्‌ङिल्‍ले़ यहुदि नु थिम्‍मे़न्‍दङ् सुवाङ् लॽरिक् मे़से़न्‍दुन्‍छिन्‍लो,

हिब्रु 3:6

कर ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुहिम्‍सयङ्‌ङो नसाःन्‍साबा आबुगे़न् कुस्‍सारो॥ ख्रिस्‍तओबा आनिॽ आजोगुम्‍बा निङ्‌साङ्‌ङिन् मे़ल्‍ले़त्ते हाङ्‌हाङ्‌ङाङ् आवाॽने़ फाॽग्र आनिॽआङ् निङ्‌वाॽफुमाङ्‌ङिल्‍ले़ कुहिम्‍सयङ्‌ङोबासिरो॥

हिब्रु 10:35

खे़ल्‍ले़चोगुल्‍ले़ खिनिॽ निस्‍सेबा नसाःन्‍निन् मे़ले़रे़म्‍मिम्‍ने़ॽओ॥ खे़ल्‍ले़ यम्‍बा हाङ्‌से़म्‍मिन् तारुरो॥

१ पत्रुस 3:18

थेआङ्‌भे़ल्‍ले़ ख्रिस्‍तरे़आङ् निङ्‌वाॽफुमाङ्‌ङो ताःत्‍छे़ आनिॽ लायोहाॽ सदादिङ् ले़प्‍मि पिमा फाॽआङ् थिक्‍ले़ङ् स्‍ये़रो॥ साम्‌योबा ख्रिस्‍ते़न् लायोबारे़ कुले़क्‌वा स्‍ये़रो॥ खुने़ॽ नासिङ्‌गे़न् थक्‍को स्‍ये़, कर सेसेमाङ्‌ङोलाम् याम्‍मो हिङे़रो॥

१ युहुन्‍ना 2:28

आल्‍ल आमिःम् आस्‍सासे, ये़सुन् युःल्‍ले़ मे़ङ्‌गिए नु सिरिङ् मे़म्‍मए खुने़ॽओ तोःन्‍छिङ्‌मा आसुक्‍तुम्‍ल फाॽआङ् ख्रिस्‍ते़न् मे़ल्‍ले़त्ते वये़म्‍मे़ॽओ॥

१ युहुन्‍ना 3:21

हे़क्‍केःल्‍ले़ आमिःम् आन्‍जुम्‍से, आनिॽ निङ्‌वाॽइल्‍ले़ए पान् आन्‍धिक्‍ने़न्‍ने़ फाॽग्र निङ्‌वाॽफुमाङ्‌ङिल्‍ले़ कुदगि हाङ्‌हाङ्‌ङाङ् आनिॽ तामा आसुक्‍लो॥