एफिसि 2:12 - लिम्बु12 खे़न् ये़म्मो खिनिॽ ख्रिस्त मेःन्ने, इस्राइलबा यक्युङ्बा के़न्वयिन्, निङ्वाॽफुमाङ्ङिल्ले़ पिनिङ् फाॽआङ् माङ्हे़क् चोगुबा माङ्हुप्हाॽ मे़ङ्घोम्नाबा, निङ्साङ् के़होप्पा नु कन् इक्सादिङ् खाम्बेःक्माओ निङ्वाॽफुमाङ् मेःन्ने के़वयिबान् निङ्वाॽ इःत्ते़म्मे़ॽओ॥ Gade chapit la |
एफिसि 2:12
51 Referans Kwoze
आङ्गाॽ खे़ङ्हाॽनु सदादिङ् आभे़ल्ले़साङ् के़वाॽबा माङ्हुप्, सनारुङ् माङ्हुप् थिक् चोगुङ्ॽ॥ आङ्गाॽ खे़ङ्हाॽरे़ खुन्छिॽ लाजेन् पिरुङ्सिङ्ॽ हे़क्क्याङ् खे़ङ्हाॽ यरिक् खानिःत् चोगुङ्सिङ्ॽ, हे़क्क्याङ् आङ्गाॽ आसेसेदे़न्निन् खे़ङ्हाॽरे़ खुन्छिॽ लुम्मो सदादिङ् आभे़ल्ले़साङ् युक्खुङ्ॽ॥
अक्खेलॽरिक् निङ्वाॽफुमाङ्ङिल्ले़ माङ्हे़क् चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
खे़ल्ले़चोगुल्ले़ए इङ्गाॽ खिनिॽनु तुम्माआङ् थेआङ् आप्तिक् मे़गुःत्ताङ् के़लॽबा पाःन्निन् चे़ङ्मा निङ्वाॽ चोगुङ्ङाङ् कप्मो त्ये़म्मे़ॽ फाॽआङ् उःत्निङ्बारो॥ इस्राइलिहाॽरे़ ताः के़लॽबा निङ्साङ् मे़जोगुबा माङ्थुक्पे़न् नसान् चोगुङ्बाल्ले़ चोगुल्ले़ इङ्गाॽ आइन् कन् इघेःङ्ङो थ्याङ्ङाङ् वाॽआरो॥”
नसाःन्नो से़क्खाए आमिःम् आस्सा तिमोथिए, आनिॽ से़न्लप्दाङ्बा निङ्वाॽफुमाङ् नु आनिॽ निङ्साङ् आजोगुम्बा ख्रिस्त ये़सुरे़ कुइङ्जाङ्लाम् इङ्गाॽ कुसेःक्युक्मिबा पावललाम्बा आनिॽ पानुदिङ् पा निङ्वाॽफुमाङ्ङिन् नु आनिॽ दाङ्बा ख्रिस्त ये़सुरे़ खे़ने़ॽग लुङ्गुम्, लुङ्माॽ तुक्मा नु सनारुङ् ओसेःन्गे़धाक्ल फाॽआङ् कन् सक्इङ्घङ्ङिन् हाक्ने़ॽरो॥
इङ्ले़क्पा सुफोहाॽ के़निबा नु मे़न्वाॽमनाबा माङ्निङ्वाॽपान् के़बाःप्पाहाॽ के़रे़क् आङ्गाॽ आहुक्किल्ले़ साःप्सुङ्सिङ्ॽ, हे़क्क्याङ् इस्राइलि सङ्जुम्भोहाॽरे़ खे़ङ्हाॽ मे़लःत्तु मे़देसुसिॽ॥ आङ्गाॽ खे़ङ्हाॽरे़ खुन्छिॽ मिङ्हाॽ इस्राइलबा साप्पन्हाॽओलाम् मासुङ् पिरुङ्सिङ्ॽ, हे़क्क्याङ् खे़ङ्हाॽरे़ खुन्छिॽ आप्फेक् लाजेॽओ आप्फाल्ले़आङ् खुन्छिॽ लाङ्योक् मे़न्धासुन्ॽ॥ खे़ब्याङ् आङ्गाॽए मुक्साम्दाङ्बा यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
“खे़निॽ के़रे़क् चुप्साम्मे़ॽआङ् त्ये़म्मे़ॽओ, सोसोरिक् निःत्ताङ् त्ये़म्मे़ॽओ, इक्सादिङ् खाम्बेःक्मोबा के़दाङ्बा के़याःक्पा सुवाङ्से! सिङ्मुःत् नावाइत्लाहाॽ के़बङ्बाआङ् के़वाॽबाहाॽ, हे़क्क्याङ् याप्मि ताङ्से़ःप्मा मे़न्छुक्मनाबा माङ्हाॽ पेलि के़भाक्पाहाॽ थेआङ् मे़न्निम्नाबा मे़जोक्लो॥
यरुबाबेल, येसुआ नु हिम्सयङ्हाॽओबा तुम्भाक्पाहाॽरे़ खे़ङ्हाॽ मे़मे़त्तुसि, “यहवे दाङ्बा आनिगे निङ्वाॽफुमाङ्ङिल्ले़ कुहिम्मिन् चोःक्मारे़ लागि आनिगे खिनिॽ फाॽमा चाहा मे़जोगिगे़न्॥ खे़न् आनिगे आबाङे चोगुम्बे़॥ फारस लाजेॽबा पयम् हाङ् कोरेसे़ल्ले़ मुरा मे़त्तिगे़बा हे़क्के आनिगे खे़न् याःम्बक्किन् चोगुम्बे़॥”
इस्राइलिहाॽरे़ यहवे दाङ्बाओ मे़दोन्दुबा सेसेबा सिदुङ्जभालाम् लाःत्लाःत् से़म्मनाबा के़रे़क् लक्हाॽ आभे़ल्ले़साङ् के़घोसुम्बा लक् कुइसिक् आङ्गाॽ खे़ने़ॽ नु के़स्साहाॽ पिनिङ्ङाङ् वाॽ॥ यहवे दाङ्बे़ल्ले़ कुदगि खे़ने़ॽ नु खे़ने़ॽ के़स्सा ये़म्बित्छा मे़न्छुमाहाॽरे़ लागि सदादिङ् आप्फाल्ले़आङ् मे़म्बेःम्मनाबा माङ्हुप् पोङ्ॽ॥”
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
कन् लाजेन् लत्छा लक्खोमा कुसिङ्बा खिनिॽ आप्फेक् लागि नु खिनिॽनु के़युङ्बा, कुस्साकुए के़वाॽबा वेॽ लाजेॽबाहाॽरे़ खुन्छिॽ लागिआङ् कुलक् कुलक् फःक्खे़म् पिरे़म्सिम्मे़ॽ॥ खिनिॽ खे़ङ्हाॽ इस्राइलओए सागे़वाःन्छिङ्बा आप्फेक् लाजेॽबा कुइसिःक्के इःत्ते़म्सिम्मे़ॽ, खिनिॽनु सोसोरिक् इस्राइलबा थाःक्हाॽरे़ खुन्छिॽ लुम्मो खे़ङ्हाॽरे़ लक्खोमाए पोङ्ॽ॥
Piblisite