एफिसि 1:7 - लिम्बु7 हे़क्क्याङ् निङ्वाॽफुमाङ्ङिल्ले़ साॽरिक् लुङ्माॽ आदुक्ते़बाल्ले़ चोगुल्ले़ ये़सुरे़ कुमाक्खिॽइल्ले़ आनिॽ लायोलाम् ले़प्मि आबिरे़र आधे़ॽरे़आङ् वाॽ॥ Gade chapit la |
एफिसि 1:7
67 Referans Kwoze
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
हे़क्केःल्ले़ के़रे़क् लाम्लोबाहाॽरे़ आबाङे खिनिॽ ओमे़त्ताम्सिम्मे़ॽ हे़क्क्याङ् खिनिॽ लक्पे़न्नो के़वाॽबा मनाहाॽ नुरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
खे़ङ्हाॽरे़ खुन्छिॽ हिम्बेसाङ्बाहाॽ इग्र फुॽनुसाॽहाॽ यहवे दाङ्बान् कुसिङ् निःप्मारे़ लागि आत्तिन्हाॽआङ् हुॽमासि मे़बोङ्ने़न्लो थेआङ्भे़ल्ले़ यम्बा चुक्पा के़रे़क्ले़ कुसिङ् मे़निःत्तारो॥ खे़ङ्हाॽ खुन्छिॽ फे़न्याःम्बक्लाम् ले़प्मि पिरुङ्सिङ्लो हे़क्क्याङ् खुन्छिॽ लायोहाॽ आफाल्ले़आङ् निङ्वाॽ मे़इःत्तान्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्दो इःत्छिङ्साम् के़घोसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ् के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
खुने़ॽ हे़न्छिङ् हे़न्छिङ् मनाहाॽ लुङ्माॽ तुक्तुसि, हे़क्क्याङ् फे़न्याःम्बक्, पिफ्युङ् नु लायोन् ले़प्मि चोगुॽ॥ कर खुने़ॽ आप्तिक्साबान् आक्खे फाॽआङ्साङ् खुम्दिङ् पिरु॥ पाधे़बाहाॽरे़ मे़जोगुबा फे़न्याःम्बक्किल्ले़ कुले़क्वा खे़ङ्हाॽरे़ खुन्छिॽ साहाॽ, मे़न्छाॽहाॽ हे़क्क्याङ् सुम्सिगेक्पा लिसिगेक्पा थाःक् थारिक् खुम्दिङ् पिरुसिॽ॥”
खे़ङ्हाॽग आप्फाल्ले़आङ् मे़न्छुमाॽनु मे़म्बोःत्ते मे़वये़ हे़क्क्याङ् आबाङे सेसे मे़गत्छिङ्ङाङ् मे़वये़रो॥ खे़ङ्हाॽग मे़ल्लुक्सान् आत्तान् पेःक्साङ् कुएगाङ् कुएगाङ् के़दिम्बासिरो॥ खे़ङ्हाॽग काक्नु तगि के़दुम्बा पोगुगे़न् कुजा कुइसिक् निङ्वाॽफुमाङ् नु मे़ल्लुक्साःओ तोःम्मासि फाॽआङ् इक्सादिङ् खाम्बेःक्मोबा मे़न्छाम् याप्मिलाम् कुमे़ल्लुङ् हुङ्मनाआङ् थे़ॽमनाबासिरो॥
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
थेआङ्भे़ल्ले़ निङ्वाॽफुमाङ्ङिल्ले़ आनिॽ खोमा के़बोङ्बा खुम्दिङ्लाम् ताङ्गे़से़ःप्पा सिदुङ्जभा पोङ्से़ ख्रिस्ते़न् पाङ्घुयुसु॥ खुने़ॽ कुमाक्खिॽइन् आनिॽ लागि वादेःन्दुबा फाॽआङ् नसान् के़जोःक्पा के़रे़क्ले़ लायोलाम् ले़प्मि मे़घोसुॽरो॥ निङ्वाॽफुमाङ्ङिल्ले़ कन् याःम्बक्किन् चोगुआङ् आबाङे खुने़ॽ कुदोःप्मा खासे़न् के़जोःक्पा चोक् फाॽआङ् ओसेःन्धाक्सिङ्, थेआङ्भे़ल्ले़ ख्रिस्ते़न् युमानुःल्ले़ तगि खुने़ॽ कुसिक्किन् थरुआङ् मे़न्छाम् याप्मिहाॽरे़ मे़जोगुबा लायोल्ले़न् खुम्दिङ् मे़बिरुन्छिन्लो॥
Piblisite