एफिसि 1:5 - लिम्बु5 खुने़ॽ कुनिङ्वाॽ कुइसिक् कुसिराॽ थाङे़र ये़सु ख्रिस्तलाम् कुस्सा पोङ्से़ तगिनुए आनिॽ आसेगे़आङ् वये़रो॥ Gade chapit la |
एफिसि 1:5
32 Referans Kwoze
ओमे़त्ते़म्मे़ॽओ! पानुदिङ् पा निङ्वाॽफुमाङ्ङिल्ले़ आक्खे़न् यरिक् लुङ्माॽ आदुक्ते़आङ् वाॽ! खुने़ॽ लुङ्माॽ आदुक्पाल्ले़ चोगुल्ले़ आस्सानिङ्लो फाॽआङ् आनिॽ आमे़त्लो॥ आनिॽग से़क्खाए कुस्सासिएरो! कर इक्सादिङ् खाम्बेःक्मोबा मनाहाॽरे़ निङ्वाॽफुमाङ्ङिन् कुसिङ् मे़न्निःत्तुन्बाल्ले़ चोगुल्ले़ खे़ङ्हाॽरे़ आनिॽआङ् कुसिङ् आमे़न्निःत्ने़न्लो॥
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
खे़ल्ले़चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्दो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥
खे़न् ये़म्मो ये़सुन् सेसेमाङ्ङिल्ले़ कुधिम् पोःक्खे़आङ् सःत्ते़र पारे़, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ कुन्दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥ आम्बे, बा अक्खे चोःक्माए खे़ने़ॽ के़सिराॽ थाङे़रो॥”
ये़सुरे़ खे़न् मे़त्तु “इङ्गाॽ मे़दे़म्साङ्ङिन्ने़ॽओ, थेआङ्भे़ल्ले़ आल्लो थारिक् इङ्गाॽ पानुदिङ् पाःल्लो मे़म्बेःक्के वाॽआरो॥ कर पेगे़ॽआङ् आन्साॽसि अक्खे मे़त्ते़से़ॽओ, ‘इङ्गाॽ पानुदिङ् आम्बा नु खिनिॽ पानुदिङ् पा हे़क्क्याङ् इङ्गाॽ आनिङ्वाॽफुमाङ् नु खिनिॽ निङ्वाॽफुमाङ्ङो नुःङ्ङा पेःक्कार पत्तारो॥’”
इक्सादिङ् खाम्बेःक्कोबा के़रे़क् मनाहाॽ खुने़ॽ कुसुम् मे़न्दम्मना थेनाधेबा लेःत्तुसिरो॥ साङ्ग्राम्पेदाङ्बा मुक्साम्हाॽ नु खाम्बेःक्कोबा मनाहाॽ खुने़ॽ निङ्वाॽ इःत्तुबा कुइसिक् चोगुसिरो॥ आत्तिल्ले़आङ् खुने़ॽ कुहुक्किन् थेःक्मा मे़सुक्तुन्लो, इग्र हाःत्ले़आङ् खुने़ॽ अक्खेलॽरिक् सेःन्दोमा मे़सुक्तुन्लो, “खे़ने़ॽ थे़मा के़जोगुआङ् वाॽबे?”
Piblisite