एफिसि 1:3 - लिम्बु3 आनिॽ दाङ्बा ये़सु ख्रिस्तरे़ कुम्बा निङ्वाॽफुमाङ्ङिल्ले़ कुनारा पोररो॥ खुने़ॽए ये़सु ख्रिस्तलाम् साङ्ग्राम्पेदाङ्बा के़रे़क् याम्साम्गे़न् मुॽइसाम्मिल्ले़ आनिॽ मुॽइसाबा आजोगे़आङ् वाॽ॥ Gade chapit la |
एफिसि 1:3
39 Referans Kwoze
याबेसरे़ अक्खे पाःत्तुआङ् इस्राइलिहाॽरे़ खुन्छिॽ निङ्वाॽफुमाङ्ङिन् पेलि फाक्तु, “पेलि फाक्ने़, आङ्गाॽ हाङ्वागे़न् यरिक् मुॽइसाम् पिराङ्ङे़ॽआङ् आलाजेॽ सिङ्बुङ्हाॽ फोसाङ् पिराङ्ङे़ॽओ! आदाङ्बारे़ कुहुक्किन् आसम्धाङ् पत्ल, हे़क्क्याङ् के़साक्पालाम् से़ःप्ताङ्ङे़ॽओ, हे़क्केलॽरिक् आक्तङ्बा परिक्ले़ काःन्नासाङ् मे़दुक्ने़न्लरो॥” हे़क्क्याङ् निङ्वाॽफुमाङ्ङिल्ले़ खे़ल्ले़ कुबेलिन् के़त्तुरो॥
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
खे़ब्याङ् के़रे़क् सङ्जुम्भोबा मनाहाॽ ले़प्माङ् हिसिङ्ङाङ् दाउदरे़ मे़त्तुसि, “आल्ल यहवे दाङ्बा खिनिॽ निङ्वाॽफुमाङ्ङिल्ले़ कुनारा फोसे़म्मे़ॽओ॥” कल्ले़चोगुल्ले़ के़रे़क् सङ्जुम्भोहाॽरे़ खुन्छिॽ सुधे़बा ताक्थे़बाहाॽरे़न् निङ्वाॽफुमाङ्ङिन् कुनारा मे़भोसु॥ खे़ङ्हाॽ यहवे दाङ्बान् नु हाङ्ङिल्ले़ कुदगि साबन् हप्पे़त् मे़भन्छिङ्ङाङ् से़वा मे़जोगे़रो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
येसुअ, कादमिएल, बानि, हसबन्याह, सरेबियाह, होदियाह, सबन्याह हे़क्क्याङ् पतहियाह ले़बिहाॽरे़ मनाहाॽ मे़मे़त्तुसिरो— “ये़बे़म्मे़ॽआङ् खिनिॽ यहवे दाङ्बा निङ्वाॽफुमाङ्ङिन् कुनारा फोसे़म्मे़ॽओ! सदादिङ्ले़ लागि खुने़ॽ कुनारा फोसे़म्मे़ॽ! मनाहाॽरे़ मे़जोगुबा नाराफोमा याःम्बक्किल्ले़ खुने़ॽ पयम् यम्बा चोःक्पान् लाॽरु खे़म्दुबाग मेःन्लो, हे़क्केसाङ् के़रे़क्ले़ खुने़ॽ कुमिमिदिङ् इस्सेःङ्बा कुमिङ्ङिन् इङ्धाङ् पिरे़म्मे़ॽओ॥”
खे़ङ्हाॽरे़ माङ्से़वा मे़जोगुबा सेसेदे़न्निङ्ग साङ्ग्राम्पेदाङ्ङोबा से़क्खासमा सेसेदे़न्निल्ले़ कुबिइत्छाप्लक्लो॥ थेआङ्भे़ल्ले़ मोसाःल्ले़ निङ्वाॽफु साःङ्गाहिम् चोःक्मा इःत्तुल्ले़ निङ्वाॽफुमाङ्ङिल्ले़ अक्खेलॽरिक् साम्दिङ् पिरु, “खे़ने़ॽ निङ्वाॽफु साःङ्गाहिम्मिन् के़जोगुल्ले़ कोःक्मा सम्दाङ् के़निसुबा हे़क्के योधो मे़म्बोङ्ङे चोगे़ॽओ॥”
ये़सुरे़ खे़न् मे़त्तु “इङ्गाॽ मे़दे़म्साङ्ङिन्ने़ॽओ, थेआङ्भे़ल्ले़ आल्लो थारिक् इङ्गाॽ पानुदिङ् पाःल्लो मे़म्बेःक्के वाॽआरो॥ कर पेगे़ॽआङ् आन्साॽसि अक्खे मे़त्ते़से़ॽओ, ‘इङ्गाॽ पानुदिङ् आम्बा नु खिनिॽ पानुदिङ् पा हे़क्क्याङ् इङ्गाॽ आनिङ्वाॽफुमाङ् नु खिनिॽ निङ्वाॽफुमाङ्ङो नुःङ्ङा पेःक्कार पत्तारो॥’”
Piblisite