एफिसि 1:22 - लिम्‍बु

²² हे़क्‍क्‍याङ् निङ्‌वाॽफुमाङ्‌ङिल्‍ले़ ख्रिस्‍तरे़ कुयुक् सिगाङ् के़रे़क् युक्‍खुआङ् वाॽ, हे़क्‍क्‍याङ् सेसेहुप्‍लक्‍ले़ लागि खुने़ॽए के़रे़क् सम्‍दाङ् कुधे़गेक् चोगुरो॥

एफिसि 1:22 Referans Kwoze

कलस्‍सि 1:18

हे़क्‍क्‍याङ् खुने़ॽ नासिङ्‌गे़न् कुधक्‍किन् सेसेहुप्‍लक्‍लो, खे़न् सेसेहुप्‍लक्‍किल्‍ले़ कुधे़गेक्‍पाङ्‌ग खुने़ॽएरो॥ खुने़ॽग तोलिङ्‌सोमु, हे़क्‍क्‍याङ् सिमे़न्‍लाम् याम्‍मो के़हिङ्‌बा काक्‍को तुम्‍बारो, हे़क्‍केलॽरिक्‍के खुने़ॽ काक् सम्‍दाङ् युक्‍साबा चोक्‍लो॥

कलस्‍सि 2:10

हे़क्‍क्‍याङ् खुने़ॽओए खिनिॽ कुलिङ्‌दो के़प्‍मान् के़घोसुम्‍माङ् वाॽरो॥ खुने़ॽग काक् मुक्‍साम् नु युक् सम्‍दाङ् युक्‍साबारो॥

हिब्रु 2:8

हे़क्‍क्‍याङ् काक् पाःन्‍हाॽ खे़ङ्‌हाॽरे़ खुनिॽ युक्‍को के़युक्‍खुरो॥” निङ्‌वाॽफुमाङ्‌ङिल्‍ले़ काक् पाःन्‍हाॽ खे़ङ्‌हाॽरे़ खुनिॽ युक्‍को युक्‍खुल्‍ले़ खुने़ॽ कुयुक्‍को मे़दारुन्‍बा थेआङ् होप्‍लो॥ हे़क्‍केसाङ् कन् ये़म्‍मो काक् पाःन्‍हाॽ खुनिॽ युक्‍को वाॽबा आन्‍निसुम्‍मिन्‍लो॥

कलस्‍सि 2:19

कर खे़ङ्‌हाॽरे़ खुनिॽ नासिङ्‌गे़न् थक्‍किल्‍ले़ कुधे़गेक् ये़सु ख्रिस्‍ते़न्‍नु थेआङ् तङ्‌जुम् होप्‍लो॥ कङ्‌ग खुने़ॽलाम्‍बा नासिङ्‌गे़न् थक्‍ले़न् काक् याम्‍लक्‍किल्‍ले़ कम्‍ब्राङ् खोसुॽ हे़क्‍क्‍याङ् थिक्‍हुप् पोङ्‌ङाङ् निङ्‌वाॽफुमाङ्‌ङिल्‍ले़ कुनिङ्‌वाॽ हे़क्‍के पोर पेःक्‍लो॥

एफिसि 5:23

थेआङ्‌भे़ल्‍ले़ ख्रिस्‍ते़न् सेसेहुप्‍लक्‍किल्‍ले़ कुधे़गेक् वाॽबा कुइसिक् ये़म्‍बाॽइन्‍नाङ् मेःत्तिल्‍ले़ कुधे़गेःक्‍लो॥ आल्‍ल सेसेहुप्‍लक्‍किन् ख्रिस्‍तरे़ कुधक्‍लो, हे़क्‍क्‍याङ् खुने़ॽए खे़न् सेसेहुप्‍लक्‍किल्‍ले़न् से़न्‍लप्‍दाङ्‌बारो॥

१ कोरन्‍थि 11:3

हे़क्‍क्‍याङ् ये़म्‍बित्‍छाॽहाॽरे़ खुनिॽ थे़गेक्‍पाङ्‌ग ख्रिस्‍तरो, मे़न्‍छुमाहाॽरे़ खुनिॽ थे़गेक्‍पाङ्‌ग खुनिॽ ये़म्‍बाॽरो, हे़क्‍क्‍याङ् ख्रिस्‍तरे़ कुधे़गेक्‍पाङ्‌ग निङ्‌वाॽफुमाङ्‌ङिल्‍लो के़लॽबा पाःन्‍निन् निङ्‌वाॽ खोसे़म्‍मे़ॽ फाॽआङ् आनिङ्‌वाॽ वाॽरो॥

सेःक्‌युक्‍मिबाहाॽ 20:28

हे़क्‍केःल्‍ले़ के़रे़क् लाम्‍लोबाहाॽरे़ आबाङे खिनिॽ ओमे़त्ताम्‍सिम्‍मे़ॽ हे़क्‍क्‍याङ् खिनिॽ लक्‍पे़न्‍नो के़वाॽबा मनाहाॽ नुरिक्‍काङ् ओमे़त्ते़म्‍सिम्‍मे़ॽओ॥ सेसेमाङ्‌ङिल्‍ले़ खिनिॽ कम्‍ब्राङ् के़मे़प्‍पा के़जोगिआङ् वाॽ॥ निङ्‌वाॽफुमाङ्‌ङिल्‍ले़ लुङ्‌माॽ तुक्‍तुबा आबुगे़न् कुस्‍साःल्‍ले़ कुमाक्‍खिॽइल्‍ले़ इङुबा सेसेहुप्‍लक्‍किन् कम्‍ब्राङ् मे़त्ते़म्‍मे़ॽ॥

एफिसि 3:21

के़रे़क् ये़म्‍मो, के़रे़क् मे़न्‍छाम् थाःक्‍को, सेसेहुप्‍लक्‍को नु ख्रिस्‍त ये़सुओ सदादिङ् सदादिङ् कुनारा पोररो॥ आमे़न्॥

तोलिङ्‌सोमु 3:15

खे़ने़ॽ नु मे़न्‍छुमाःल्‍ले़ कुलुम्‍मो, हे़क्‍क्‍याङ् खे़ने़ॽ के़मुॽइदाङ्‌सा नु मे़न्‍छुमाःल्‍ले़ कुमुॽइदाङ्‌सा लुम्‍मो निङ्‌मि पान् केःत्तुङ् पिने़सिङ्‌लो॥ खे़ल्‍ले़ के़धेगेःक्‍किन् यःप्‍सु के़बिरो हे़क्‍क्‍याङ् खे़ने़ॽ खे़ल्‍ले़ कुलाङ्‌गाक्‍थिःम्‍बे़न् के़अगु के़बिरुॽ॥”

१ तिमोथि 3:15

हे़क्‍केलॽरिक् इङ्‌गाॽ सुसाङ्‌ने़ फाॽग्र निङ्‌वाॽफुमाङ्‌ङिल्‍ले़ कुमनाहाॽनु आक्‍खेलॽरिक् वाॽमा पेःक्‍मा पोङ् फाॽआङ् खे़ने़ॽ कुसिङ् के़निःत्तुएरो॥ कुमनाहाॽग आजुनि निङ्‌वाॽफुमाङ्‌ङिल्‍ले़ कुसेसेहुप्‍लक्‍लो॥ खे़ङ्‌ग से़क्‍खाःल्‍ले़न् हाङ्‌सित्‍लाङ् नु ने़ःम्‍भोरो॥

मत्ति 16:18

“से़क्‍खा पान् खे़ने़ॽ मे़त्‍ने़ॽ, खे़ने़ॽ पत्रुसने़रो (पत्रुस फाॽइन् लुङ्‌लो), हे़क्‍क्‍याङ् कन् पयम् यम्‍बा लुङ्‌सम्‍दाङ् इङ्‌गाॽ आसेसेहुप्‍लक्‍किन् चोगुङ्‌लो॥ हे़क्‍क्‍याङ् कन् आसेसेहुप्‍लक्‍किन् सिमे़ल्‍ले़न् मुक्‍साम्‍मिल्‍ले़ नाःम्‍मा मे़सुक्‍तुन्‍लो॥

निङ्‌वाॽफु साम्‍लोसुम् 91:13

खे़ने़ॽग खिरिङ्‌बाहाॽ नु याङ्‌हःक्‍हाॽ लाङ्‌ङिल्‍ले़ चिदोॽ चिदोॽ के़दोॽरुसिरो, हे़क्‍क्‍याङ् किप्‍मागे़घुबा खिरिङ्‌बाहाॽ नु असेःक्‍हाॽ चिराक् चिराक् के़लाःक्‍तुसिरो॥

कलस्‍सि 1:8

सेसेमाङ्‌ङिल्‍ले़ खिनिॽ वेॽहाॽ लुङ्‌माॽ के़दुक्‍पा के़जोगिबा पाःन्‍निन् खुने़ॽ याप्‍मि चे़क्‍ते़रो॥

निङ्‌वाॽफु साम्‍लोसुम् 110:1

यहवे दाङ्‌बे़ल्‍ले़ आन्‍दाङ्‌बान् मे़त्तुरो, “के़निङ्‌मिहाॽ के़युक्‍को मे़न्‍दाःत्‍छिङ्‌ङे थारिक् आङ्‌गाॽ आजुप्‍साङ् ले़प्‍माङ् युङे़ॽओ॥”