एफिसि 1:20 - लिम्बु20 ओगप् चोगुल्ले़ खुने़ॽ के़सिबा ख्रिस्ते़न् कुहिङ्वे़त् चोगु हे़क्क्याङ् साङ्ग्राम्पेदाङ्बा ते़न्नो मिङ्सो इङ्धाङ् पिरुर कुजुप्साङ् ले़प्माङ् युक्खुआङ् युङ्लो॥ Gade chapit la |
कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्सान् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
खे़ल्ले़चोगुल्ले़ निङ्वाॽफुमाङ्ङिल्ले़ खिनिॽ ख्रिस्ते़न्नुए कुहिङ्वे़त् के़जोगिआङ् के़वयिबाल्ले़ चोगुल्ले़ खिनिॽ साङ्ग्राम्पेदाङ्ङोबा पाःन्हाॽ कोःत्ते़म्मे़ॽर वये़म्मे़ॽओ॥ खे़त्थोए निङ्वाॽफुमाङ्ङिल्ले़ कुजुप्साङ् ले़प्माङ् मिङ्सो इङ्धाङ्नु मुक्साम्दे़न्नो ख्रिस्ते़न् युक्खुआङ् युङ्लो॥
कर आनिॽ ये़सुन् आनिसुम्लो॥ खुने़ॽग माङ्लाइङ्बाहाॽनुःल्ले़आङ् च्यॽरक् योयोक् वये़, आल्लग खुने़ॽ सिमे़न्नो तुक्खे च्ये़बाल्ले़ चोगुल्ले़ निङ्वाॽफुमाङ्ङिल्ले़ मिमिदिङ् नु मिङ्सो इङ्धाङ्ङिल्ले़न् तिचःन् खुःक्तुआङ् वाॽ॥ हे़क्केलॽरिक् निङ्वाॽफुमाङ्ङिल्ले़ कुलुङ्गुम्लाम् खुने़ॽ काक् मे़न्छाम् याप्मिरे़ लागि सिमे़न् साॽरुरो॥
आल्ल खिनिॽ नु वेॽ इस्राइलबा काक् मनाहाॽरे़ कन् कुसिङ् निःत्ते़म्मे़ॽओ, नासरतसमा ये़सु ख्रिस्तरे़ कुमुक्साम्लाम् कन् मनान् खिनिॽ तगि वेःत्ते़आङ् ये़प्लो॥ ये़सुःन्ग खिनिॽ सिलाम्साक्मा सिङ्सम्दाङ् फोःम्मासे़प्मा के़बाङ्घुम्सिम्, कर निङ्वाॽफुमाङ्ङिल्ले़ खुने़ॽग कुसिवे़त्लाम् कुहिङ्वे़त् चोगुआङ् फोःक्खुरो॥
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावागे़न् चइःत् ने़स्सुबारो॥ खुने़ॽग निगे़धाःप्पा नु निमे़न्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्गे़जोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽरे़न् नावागे़न् चइःत्तिन् ख्रिस्तलाम् नु ख्रिस्तरे़ कुलागिए पोःक्खे़बारो॥