एफिसि 1:15 - लिम्‍बु

¹⁵ खे़ल्‍ले़चोगुल्‍ले़ इङ्‌गाॽआङ् दाङ्‌बा ये़सुन् के़जोगुम्‍बा नसाःन्‍निन् नु के़रे़क् निङ्‌वाॽफुमाङ्‌ङिल्‍ले़ सेसे कुमना नसानिबाहाॽ लुङ्‌माॽ के़दुक्‍तुम्‍सिम्‍बा पाःन्‍निन् खे़प्‍सुङ्‌ङाङ्

एफिसि 1:15 Referans Kwoze

फिलेमोन 1:5

थेआङ्‌भे़ल्‍ले़ खे़ने़ॽ दाङ्‌बा ये़सु ख्रिस्‍ते़न् के़जोगुबा के़धुम्‍बा नसाःन्‍निल्‍ले़ कुयाःम्‍बेओ नु निङ्‌वाॽफुमाङ्‌ङिल्‍ले़ के़रे़क् सेसे कुमनाहाॽ लुङ्‌माॽ के़दुक्‍तुसिबा पाःन्‍हाॽ इङ्‌गाॽ खे़प्‍सुङ्‌ङाङ् वाॽआरो॥

हिब्रु 6:10

निङ्‌वाॽफुमाङ्‌ङिल्‍ले़ग नुःरिक्‍काङ् खासे़न् चोगुॽरो—हे़क्‍क्‍याङ् खुने़ॽ कुमनाहाॽ तगि कुभाॽ के़बिरुम्‍सिम्‍मिल्‍ले़ खुने़ॽ ओसेःन्‍दाङ् के़जोगुम्‍बा मिःम्‍जिन् खुने़ॽ निङ्‌वाॽ मे़भुःत्‍छुन्‍लो॥ खे़ङ्‌ग आल्‍लो थारिक्‍काङ् के़जोगुम्‍ल के़वयिॽरो॥

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

१ युहुन्‍ना 4:21

आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥

१ युहुन्‍ना 3:17

चाहाबा के़जोःक्‍पा काक् पाःन्‍हाॽ के़गप्‍पा मनाःल्‍ले़ नसानिबा फुॽनुसाॽ नु ने़ॽनुसाॽहाॽ चाहाबा मे़जोःक्‍काङ् मे़वाॽबा निसुसाङ् लुङ्‌माॽ मे़दुक्‍तुसिन्‍निल्‍ले़ आक्‍खेलॽरिक् खे़न् मनाओ निङ्‌वाॽफुमाङ्‌ङिल्‍ले़ कुमिःम्‍जिन् वाॽबे?

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

१ तिमोथि 1:14

आनिॽ यहवे दाङ्‌बाल्‍ले़ग साॽरिक् लुङ्‌माॽ तुक्‍ताङ्‌लो, हे़क्‍क्‍याङ् ख्रिस्‍त ये़सुओ खोगे़दे़प्‍पा नसान् नु मिःम्‍जिन् आत्तात्तान्‍ने यरिक् पिराङ्‌लो॥

१ तिमोथि 1:5

कन् इङ्‌जाङ्‌ङिल्‍ले़न् निङ्‌वाॽसोक्‍किङ्‌ग सेसे निङ्‌वाॽ, नुबा खासिङ् नु से़क्‍खाबा नसाःन्‍लाम् के़लःम्‍बा मिःम्‍जिरो॥

१ थिस्‍सलोनिकि 4:9

आल्‍ल नसानिबा फुॽनुसाॽ नु ने़ॽनुसाॽहाॽ लुम्‍मो आक्‍खेलॽरिक् लुङ्‌माॽ तुक्‍सिङ्‌मा पोङ् के़लॽबान् साप्‍मार ने़मा चाहाबा मे़जोक्‍ने़न्‍लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबाङे खिनिॽ अक्‍खेलॽरिक् लुङ्‌माॽ तुक्‍सिङ्‌मा पोङ् फाॽआङ् के़हुॽरिआङ् के़वयिॽरो॥

१ थिस्‍सलोनिकि 1:3

आनिॽ पानुदिङ् पा निङ्‌वाॽफुमाङ्‌ङिल्‍ले़ कुनिमाओ नसाःन्‍लाम्‍बा के़जोगुम्‍बा खिनिॽ याःम्‍बक्‍किन्, वेॽहाॽ लुङ्‌माॽ के़दुक्‍तुम्‍सिम्‍माङ् स्‍याङ्‌मे़न्‍दाङ् के़जोगुम्‍बान् हे़क्‍क्‍याङ् आनिॽ दाङ्‌बा ये़सु ख्रिस्‍तरे़ याम्‍मो कुनुःङ्‌मा युमा निङ्‌साङ्‌लाम् के़दाबा निङ्‌वाॽ हाङ्‌गे़म्‍सिङ्‌मान् आनिगे चक्‍मे़ल्‍लॽए निङ्‌वाॽ इःत्तुम्‍बे़रो॥

गलाति 5:6

थेआङ्‌भे़ल्‍ले़ ख्रिस्‍त ये़सुरे़ कुलागिग हर्दो हे़क्‍मा नु मे़न्‍हे़क्‍मा पाःन्‍निन् थेआङ् मेःन्‍लो॥ कर के़रे़क्‍नुःल्‍ले़ यम्‍बा पाःन्‍निङ्‌ग आनिॽ नसाःन्‍निल्‍ले़ चोगुल्‍ले़ वेॽहाॽ लुङ्‌माॽ आदुक्‍तुम्‍सिम्‍लो॥

निङ्‌वाॽफु साम्‍लोसुम् 16:3

निङ्‌वाॽफुमाङ्‌ङिल्‍ले़ सेसे कुमनाहाॽग साॽरिक् नुबा मे़जोक्‍लो, हे़क्‍क्‍याङ् खे़ङ्‌हाॽनु वाॽमा खोसुङ्‌ङिल्‍ले़ आङ्‌गाॽ साॽरिक् आनिङ्‌वाॽ तारो॥

सेःक्‌युक्‍मिबाहाॽ 20:21

यहुदिहाॽ नु थिम्‍मे़न्‍दङ् सुवाङ्‌हाॽ लायोलाम् हिन्‍दे़म्‍मे़ॽआङ् निङ्‌वाॽफुमाङ् ले़प्‍माङ् नुःक्‍खे़म्‍मे़ॽ मे़प्‍मासि नु आनिॽ दाङ्‌बा ये़सु ख्रिस्‍त सम्‍दाङ् नसान् चोक् पाङ्‌मासि फाॽआङ् इङ्‌गाॽ साम्‍दिङ् पिरुङ्‌सिङ्‌ङाङ् वाॽआरो॥

रोमि 1:8

काक्‍नुःल्‍ले़ तगि खिनिॽ के़रे़क्‍ले़ लागि से़वा चोगुङ्‌बा निङ्‌वाॽफुमाङ्‌ङिन् ये़सु ख्रिस्‍तलाम्‍बा नोगे़न् पिरुङ्‌लो, थेआङ्‌भे़ल्‍ले़ निङ्‌वाॽफुमाङ्‌ङो के़वाॽबा खिनिॽ नसाःन्‍निल्‍ले़ कुयाःम्‍बेओबा इङ्‌घङ्‌ङिन् इक्‍सादिङ् खाम्‍बेःक्‍मो काक् पिसाङ् से़रे़आङ् वाॽरो॥

एफिसि 1:1

एफिसस ये़क्‌यक्‍को के़वाॽबा ख्रिस्‍त ये़सुन् के़दिम्‍बा नसाःन्‍साबा निङ्‌वाॽफुमाङ्‌ङिल्‍ले़ कुसेसे मनासे, ख्रिस्‍त ये़सुरे़ कुसेःक्‌युक्‍मिबा पोङ्‌से़ निङ्‌वाॽफुमाङ्‌ङिल्‍ले़ सेगाङ्‌बा इङ्‌गाॽ पावलरे़ कन् सक्‍इङ्‌घङ्‌ङिन् हाक्‍निङ्‌बारो॥

एफिसि 3:18

हे़क्‍केलॽरिक् खिनिॽ के़रे़क् निङ्‌वाॽफुमाङ्‌ङिल्‍ले़ सेसे कुमनाहाॽनु ख्रिस्‍तरे़ आक्‍खे़न् साॽरिक् लुङ्‌माॽ आदुक् के़लॽबान् काक् परिक्‍लाम् कुसिङ् निःप्‍मा के़सुक्‍तुम्‍लो॥