Biblia Todo Logo
Bib sou entènèt

- Piblisite -




एफिसि 1:1 - लिम्‍बु

1 एफिसस ये़क्‌यक्‍को के़वाॽबा ख्रिस्‍त ये़सुन् के़दिम्‍बा नसाःन्‍साबा निङ्‌वाॽफुमाङ्‌ङिल्‍ले़ कुसेसे मनासे, ख्रिस्‍त ये़सुरे़ कुसेःक्‌युक्‍मिबा पोङ्‌से़ निङ्‌वाॽफुमाङ्‌ङिल्‍ले़ सेगाङ्‌बा इङ्‌गाॽ पावलरे़ कन् सक्‍इङ्‌घङ्‌ङिन् हाक्‍निङ्‌बारो॥

Gade chapit la Kopi




एफिसि 1:1
27 Referans Kwoze  

निङ्‌वाॽफुमाङ्‌ङिल्‍ले़ कुनिङ्‌वाॽलाम्‍बा ख्रिस्‍त ये़सुरे़ कुसेःक्‌युक्‍मिबा पोङ्‌से़ सेगाङ्‌बा इङ्‌गाॽ पावल नु आनिॽ नुसाॽ तिमोथिरे़ कोरन्‍थि ये़क्‌यक्‍कोबा निङ्‌वाॽफुमाङ्‌ङिल्‍ले़ कुसेसेहुप्‍लक् नु अक्‍खैया ते़ङ्‌गप् खाराक् के़युङ्‌बा काक् ख्रिस्‍ते़न् नसान् के़जोःक्‍पाहाॽ कन् सक्‍इङ्‌घङ्‌ङिन् हाक्‍कासिगे़बारो॥


इङ्‌गाॽ सेःक्‌युक्‍मिबा पावलरे़ कन् सक्‍इङ्‌घङ्‌ङिन् हाक्‍निङ्‌बारो॥ मनाहाॽलाम् नु मना युक्‍लाम् सेःक्‌युक्‍मिबा पोःक्‍खाङ्‌बा मेःन्, कर ये़सु ख्रिस्‍त नु खुने़ॽ सिमे़न्‍लाम् कुहिङ्‌वे़त् के़जोःक्‍पा पानुदिङ् पा निङ्‌वाॽफुमाङ्‌ङिल्‍ले़ इङ्‌गाॽ सेःक्‌युक्‍मिबा पोङ्‌से़ याप्‍मि सेगे़सिबारो॥


निङ्‌वाॽफुमाङ्‌ङिल्‍ले़ सेःक्‌युक्‍मिबा पोङ्‌से़ सेगाङ्‌ङाङ् कुसुनाइङ् इङ्‌भोसे़ उःत्ताङ्‌बा ये़सु ख्रिस्‍तरे़ कुसे़वारोबा इङ्‌गाॽ पावलरे़ कन् सक्‍इङ्‌घङ्‌ङिन् हाक्‍निङ्‌बारो॥


निङ्‌वाॽफुमाङ्‌ङिल्‍ले़ साॽरिक् मिःम्‍जि के़मे़त्तिॽआङ् आबाङे कुसेसे मना पोङ्‌से़ के़उःत्तिबा रोम ये़क्‌यक्‍कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पा निङ्‌वाॽफुमाङ् नु दाङ्‌बा ये़सु ख्रिस्‍तरे़ हाराॽ लुङ्‌गुम् नु सनारुङ् के़बिरिररो॥


इङ्‌गाॽ आक्‍खे लॽआ हे़क्‍क्‍याङ् थे चोगुङ्‌ल वाॽआ, खे़न् खिनिॽ कुसिङ् के़निःत्तुम्‍ल फाॽआङ् आनिॽ लुङ्‌माॽ आदुक्‍तुम्‍बा नुसाॽ नु दाङ्‌बाओ नसाःन्‍साबा से़वारोबा तुखिकसरे़ के़रे़क् पाःन्‍हाॽ के़जे़क्‍तिॽरो॥


बा खे़ल्‍ले़चोगुल्‍ले़ इङ्‌गाॽ लुङ्‌माॽ तुक्‍तुङ्‌बा दाङ्‌बाओ नसाःन्‍साबा आबुगे़न् आस्‍सा तिमोथिन् खिनिॽओ पाङ्‌घुङ्‌ल पत्तारो॥ के़रे़क् सेसेहुप्‍लक्‍को हुॽरुङ्‌सिङ्‌बा आनिसाम्‍मिन् कुइसिःक्‍के ख्रिस्‍त ये़सुन् इःत्तुङ् नाःत्तुङ्‌बा पाःन्‍निन् खिनिॽ निङ्‌वाॽसुम्‍मो खुने़ॽए तारु के़बिरिॽरो॥


“हे़क्‍क्‍याङ् आत्तिन् मनान् चुक्‍सा पाःन्‍नो लक्‍पे़न्‍साबा चोक्, खे़ल्‍ले़ यम्‍बा पाःन्‍नो लक्‍पे़न् खोसुॽरो॥ हे़क्‍क्‍याङ् आत्तिन् मनान् चुक्‍सा पाःन्‍नो नसाःन्‍साबा मे़जोक्‍ने़न्, खे़न् यम्‍बा पाःन्‍नोआङ् नसाःन्‍साबा मे़बोङ्‌ने़ल्‍लो॥


आल्‍ल खे़ने़ॽओ के़दाबार के़बप्‍पा इनोगे़न् तुक्‍खेहाॽनु मे़गिसे़न्‍ने़ॽओ॥ खे़प्‍से़ॽओ, के़नसाःन्‍निन् हङ्‌साॽमारे़ लागि माफे़न्‍साम्‍मिल्‍ले़ कुभा खिनिॽ पुङ्‌लाहिम्‍मो के़धे़क्‍तिॽसाङ् थिबोङ् ये़न् थारिक्‍लक् इनोगे़न् तुक्‍खे के़ज्‍ये़ॽइरो॥ सिमालिङ्‌धोओ के़गे़रिसाङ् इङ्‌गाॽ नसान् चोःक्‍मा याप्‍मि आल्‍ले़रे़म्‍मिन्‍ने़ॽओ, हे़क्‍क्‍याङ् के़नाःन्‍दुम्‍माङ् के़घोसुम्‍बा थुम्‍घोःल्‍ले़ लागि मे़न्‍नुप्‍मनाबा हिङ्‌मन् पिनिङ्‌लो॥


हे़क्‍क्‍याङ् खे़ङ्‌हाॽरे़ मे़ल्‍लुक्‍साःल्‍ले़ कुदक्‍ले़ङ्‌वाओ थङ् मे़जोगुॽ, कर मे़ल्‍लुक्‍साःल्‍ले़, खुने़ॽ उःत्तुसिबा सेगुसिबा नसाःन्‍साबाहाॽनु सोरिक्, खे़ङ्‌हाॽ नाःन्‍दुसिॽरो, थेआङ्‌भे़ल्‍ले़ मे़ल्‍लुक्‍साःङ्‌ग दाङ्‌बाहाॽरे़ खुनिॽ दाङ्‌बा नु हाङ्‌हाॽरे़ खुनिॽ हाङ्‌लो॥”


खे़ल्‍ले़चोगुल्‍ले़ अब्राहामरे़ नसान् चोगुआङ् मुॽइसाम् खोसुबा कुइसिक् ख्रिस्‍ते़न् नसान् के़जोःक्‍पा के़रे़क्‍ले़ हाङ्‌वागे़न् मुॽइसाम् मे़घोसुॽरो॥


खे़ल्‍ले़चोगुल्‍ले़ आल्‍ल ख्रिस्‍त ये़सुन् नु थिक्‍हुप् के़वाॽबाहाॽ निङ्‌वाॽफुमाङ्‌ङिल्‍ले़ आप्‍तिक् मे़गुःत्तुन्‍छिन्,


हे़क्‍क्‍याङ् खुने़ॽ नु काक् कुहिम्‍सयङ्‌हाॽ बप्‍तिस्‍मा मे़बोःक्‍खे़॥ हे़क्‍क्‍याङ् खे़ल्‍ले़ इङ्‌गाॽ से़क्‍खाए दाङ्‌बाल्‍ले़ कुनसानिमा फाॽआङ् याप्‍मि के़इःत्तिने़ फाॽग्र आहिम्‍मो त्‍ये़म्‍मे़ॽआङ् वये़म्‍मे़ॽओ लॽरिक् याप्‍मि उःत्ते़रो॥ खे़ल्‍ले़चोगुल्‍ले़ खुने़ॽ कुहिम्‍मो याप्‍मि तेॽमा फाॽआङ् साक्‍के़ल्‍ले़क् चोगे़रो॥


“‘खे़ने़ॽ माफे़न्‍साम्‍मिल्‍ले़ हाङ् चोगुबा ते़न्‍नो के़वाॽ फाॽआङ् इङ्‌गाॽ निसुङ्‌लो॥ करसाङ् खे़ने़ॽग चक्‍मे़ल्‍लॽए इङ्‌गाॽ नसान् के़जोःक्‍कार के़वाॽ॥ नसाःन्‍साबा आदोःन्‍दि के़बाःप्‍पा एन्‍तिपासे़न् माफे़न्‍साम्‍मिन् के़वाॽबा खिनिॽ ये़क्‌यक्‍को मे़से़रुसाङ् खे़ने़ॽग के़नसाःन्‍निन् के़न्‍ले़रुन्‍लो॥


कर आङ्‌गाॽ आसे़वारोबा मोसाःन्‍नुग आङ्‌गाॽ हे़क्‍के मे़जोःक्‍कान्‍लो॥ खुने़ॽग के़रे़क् आहिम्‍सयङ्‌ङो नसाःन्‍साबा चोक्‍लो॥


आनिगे आबाङे हुक्‍किल्‍ले़ याम्‍बुधिक्‍काङ् याःम्‍बक् चोगुम्‍बे़ॽ॥ साङ्‌ग्रा मे़मे़त्तिगे़ल्‍ले़ मुॽइसाम् पिरुम्‍सिम्‍बे़ॽ, तुक्‍खे मे़जाःत्तिगे़ल्‍ले़ नासि थःत्तुम्‍बे़रो॥


हननियाःल्‍ले़ अत्तुर नोगप् पिरु, “कर आदाङ्‌बे, खे़ल्‍ले़ग यरुसले़म्‍मोबा खे़ने़ॽ सेसे के़मनाहाॽ यरिक् तुक्‍खे चाःत्तुसिबा इङ्‌गाॽ खे़प्‍सुङ्‌ङाङ् वाॽआरो॥


खे़ङ्‌हाॽ एफिससओ मे़गे़रे़आङ् पावलरे़ प्रिस्‍किला नु अक्‍विलान् खे़प्‍मो पक्‍थसि॥ कर खे़प्‍मो वये़ल्‍ले़ खुने़ॽ यहुदि चुम्‍लुङ्‌हिम्‍मो पेआङ् यहुदिहाॽनु पाःन्‍थक्‍ते़रो॥


हे़क्‍केःल्‍ले़ खे़ङ्‌हाॽ अक्‍खे मे़त्तुसि, “निङ्‌वाॽफुमाङ्‌ङिल्‍ले़ कुनिङ्‌वाॽ पोङ्‌ने़ फाॽग्र इङ्‌गाॽ खिनिॽओ याम्‍मो ताआरो॥” हे़क्‍के मे़त्तुधसिआङ् खुने़ॽ एफिससलाम् सिजरिया ले़प्‍माङ् वालाम्‍दिःक्‍को थासिङ्‌लो॥


ख्रिस्‍त ये़सुओबा खिनिॽ नसाःन्‍लाम् के़रे़क् निङ्‌वाॽफुसा के़बोःक्‍खिआङ् के़वयिॽरो॥


आल्‍ल यहुदि, थिम्‍मे़न्‍दङ् सुवाङ्, योक् नु चोःक्‌युम्‍भोबा, ये़म्‍बित्‍छाॽ नु मे़न्‍छुमाॽ कुदङ्‌बारो, थेआङ्‌भे़ल्‍ले़ खिनिॽग ख्रिस्‍त ये़सुओ लत्‍छा के़बोःक्‍खिआङ् के़वयिॽरो॥


खे़ल्‍ले़चोगुल्‍ले़ इङ्‌गाॽआङ् दाङ्‌बा ये़सुन् के़जोगुम्‍बा नसाःन्‍निन् नु के़रे़क् निङ्‌वाॽफुमाङ्‌ङिल्‍ले़ सेसे कुमना नसानिबाहाॽ लुङ्‌माॽ के़दुक्‍तुम्‍सिम्‍बा पाःन्‍निन् खे़प्‍सुङ्‌ङाङ्


हे़क्‍केलॽरिक् खुने़ॽ ख्रिस्‍ते़न्‍नु सोरिक् कुहिङ्‌वे़त् आजोगे़आङ् साङ्‌ग्राम्‍पेदाङ्‌बा ते़न्‍नो ख्रिस्‍त ये़सुन् नु आयुक्‍खे़आङ् आवाॽरो॥


थेआङ्‌भे़ल्‍ले़ नुबा याःम्‍बक्‍हाॽ चोःक्‍मा फाॽआङ् ख्रिस्‍त ये़सुलाम् निङ्‌वाॽफुमाङ्‌ङिल्‍ले़ आनिॽ आजोगे़बारो॥ निङ्‌वाॽफुमाङ्‌ङिल्‍ले़ खे़न् नुबा याःम्‍बक्‍हाॽ आनिॽ आजोगुम्‍ल फाॽआङ् तगिसा यारिप् चोगुआङ् वये़बारो॥


कर खिनिॽ तगि निङ्‌वाॽफुमाङ्‌लाम् माःङ्‌घा के़वयिसाङ् आल्‍लो खिनिॽ ख्रिस्‍त ये़सुन् नु थिक्‍हुप् के़बोङ्‌बाहाॽ ख्रिस्‍तरे़ कुमाक्‍खिॽइन् वादेःन्‍दुबाल्‍ले़ चोगुल्‍ले़ निःत्ताङ् के़बोःक्‍खिआङ् के़वयिॽरो॥


Swiv nou:

Piblisite


Piblisite