खाहुन्साबा 6:9 - लिम्बु9 खे़ङ्ग हने़ थेनाधेरक्, साम्मिःत् केजङ्ङिन् नाःप्मनाबा हे़क्केरक्लो॥ आबाङेनु थे वाॽ, खे़प्मोए निङ्वाॽ तामा पोङ्लो कुभा वेॽ पाःन्निन् खोमा निङ्वाॽ चोःक्मानुःल्ले़ खे़न् नुबारो॥ Gade chapit la |
खाहुन्साबा 6:9
13 Referans Kwoze
थाङ्बे़न्छे, खिनिॽ थाङ्बे़न् ये़म्मो ये़ये़ लॽरे़म्मे़ॽओ, थाङ्बे़न् के़वयिर थारिक् नुरे़म्मे़ तासे़म्मे़ॽओ॥ निङ्वाःल्ले़ इःत्तुबा सिराॽगे़धाङ्बा हे़क्क्याङ् खिनिॽ मिक् के़लाःप्पा पाःन्हाॽ के़त्ते़म्मे़ॽओ कर कन् पाःन्निन् निङ्वाॽओ युक्खे़म्मे़ॽओ निङ्वाॽफुमाङ्ङिल्ले़ खिनिॽ के़रे़क् पाःन्हाॽ खारात् युक्खुरो॥
निङ्वाॽफुमाङ्ङिल्ले़ कुभा मनाधिक् याङ्साकुन्धे, मिङ्सो इङ्धाङ् पिरुॽ, आ, खुने़ॽ चाहाब् के़जोःक्पा के़रे़क् पाःन्हाॽ पिरुॽ कर खे़न् पाःन्हाॽ खुने़ॽ ओगाप् चोःक्मारे़ लागि मे़बिरुन्लो॥ खुने़ॽ कुले़क्वाओ कुभा लत्छा लाम्दिःप्पाङ्धिक्ले़ खे़न् ओगाप् चोगुॽ॥ खे़न् हने़ थेनाधेरक्लो, हे़क्क्याङ् खे़ङ्ग निङ्वाॽ के़दुक्पा पाःन्लो॥
हे़क्केसाङ् आहुक्किल्ले़ चोगुङ्बा काक् याःम्बक्हाॽ नु खोमारे़ लागि स्याङ्मे़न्दाङ् चोगुङ्बा के़रे़क् पाःन्हाॽ ले़प्माङ् आनारान् हिसुङ्ङिल्ले़ के़रे़क् पाःन्हाॽ हने़बा चोगे़रो॥ साम्मिःत् केजङ्ङिन् नाःप्मनाबा हे़क्के थेनाधे हने़रत्छ, नाम्मिल्ले़ कुसिगाङ् थेआङ् कुजक् मे़बोःक्खे़न्लो॥
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
Piblisite