खाहुन्‍साबा 6:3 - लिम्‍बु

³ कुभा मनाधिक्‍ले़ किप्‍थिक् कुस्‍साहाॽ मे़वाॽबिला, खुने़ॽ कुधाःक् केःम्‍बा चोःक्‍पिला कर आक्‍ख्‍यारिक् कुधाःक् केःम्‍बा पोङ्‌साङ् कुनिङ्‌वाॽ मे़दे़ने़न् हे़क्‍क्‍याङ् सिःल्‍ले़ खुने़ॽ नुरिक्‍काङ् चेलुप् खःङ्‌लुप् मे़प्‍मा याःम्‍बक् मे़बोःक्‍खे़न्‍ने फग्र कुसिवे़त् सागे़वाःन्‍छिङ्‌बा अङे़ःक्‌वान् खुने़ॽनुःल्‍ले़ नुबारो॥

खाहुन्‍साबा 6:3 Referans Kwoze

अयुब 3:16

इग्र कुसिवे़त् सागे़वाःन्‍छिङ्‌बा अङे़ःक्‌वान् कुइसिक् आङ्‌गाॽ खाम्‍मो मे़ल्‍लुप्‍ताङ्‌ङिल्‍ले़ नुरे़बारो, आम्‍ब्रे़ःङ्‌वाःल्‍ले़ खाओःप्‍मे़न् आभे़ल्‍ले़आङ् मे़निसुम्‍बा हे़क्‍के आङ्‌गाॽ इप्‍साङ्‌ङाङ् ने़स्‍साङ्‌बारो॥

यर्मिया 22:19

कुसिवे़त् अदङ्‌ङिन् लुप्‍मनाबा हे़क्‍के खे़न् मे़लुप्‍तुरो खे़न् मे़उःक्‍खु मे़धे़मु मे़देॽरुरो हे़क्‍क्‍याङ् यरुसले़ःम्‍मोबा मा लाम्‍धेत् लाःक्‍कात् लाप्‍मे़भुसुरो॥

खाहुन्‍साबा 4:3

कर खे़न् ने़प्‍माङ्‌नुःल्‍ले़ग आरसाङ् यरिक् सुक्‍खेवाःङ्‌ग आल्‍लो थारिक् सामे़न्‌वाःन्‍छिङ्‌ङे के़वाॽबाहाॽरो, हे़क्‍क्‍याङ् खे़ङ्‌हाॽरे़ नाम्‍मिल्‍ले़ कुसिगाङ् चोःक्‍मनाबा ताप्‍फे़ःम्‍बा याःम्‍बक्‍किन् निमाए मे़न्‍निए मे़वाॽरो॥

२ हाङ् 9:35

कर आल्‍ल खे़ङ्‌हाॽ खुने़ॽ लुप्‍मारे़ लागि यो मे़बेःल्‍ले़ खे़ल्‍ले़ कुमिक्‍खोक्, कुलाङ्‌हाॽ नु कुहुक्‍हाॽरक् मे़घोसु वेॽ थेआङ् मे़ङ्‌घोसुन्॥

तोलिङ्‌सोमु 47:9

याकुबरे़ फारोन् मे़त्तु, “आङ्‌गाॽ ताक्‍के़गम्‍बा के़जाबा आहिङ्‌मन्‍निन् तङ्‌बे किप् थिक्‍काङ् सुम्‍बोङ् के़रे़॥ आङ्‌गाॽ कन् आदङ्‌बेहाॽग ताङ्‌बा नु तुक्‍खेवा पोःक्‍खे़आङ् वाॽरो, आदाङ्‌बे॥ आङ्‌गाॽ आम्‍बा आन्‍धे़बासि कन् ताक्‍कन्‍निबा हिङ्‌मन्‍नो मे़हिङे़बा तङ्‌बे यारिक्‍क आङ्‌गाॽ मे़ङ्‌गे़त्ते वाॽआ॥”

मत्ति 26:24

मे़न्‍छाम्‍साःङ्‌ग साम्‌योसाप्‍लाओ साप्‍ते़बा कुइसिःक्‍के सिमाए पोङ्‌लो॥ कर मे़न्‍छाम्‍सान् इङ्‌गे़ले़क्‍पे़ङ्‌ग चिःत्ते़स्‍ये़रो! खे़ङ्‌ग सामे़वाःन्‍छिङ्‌ङिन्‍निल्‍ले़ नुरे़बारो॥”

यर्मिया 36:30

आल्‍ल यहुदाबा हाङ् यहोयाकिमे़ल्‍ले़ कुयाःम्‍बेओ यहवे दाङ्‌बे़ल्‍ले़ अक्‍खे पाःत्तुॽ, दाउद हाङ्‌ङिल्‍ले़ कुहाङ्‌युक्‍नाओ खे़ल्‍ले़ युङ्‌मा लक् मे़घोसुन्॥ खे़ल्‍ले़ कुजे थक्‍किन् लाःक्‍कात् लाप्‍पुङ् पेःक्‍काङ् मे़ल्‍लुप्‍पे काङ्‌बे़त्—ले़न्‍दिक् नाम्‍गे़सेःक्‍पो निधाःप्‍पाङ् ने़रो हे़क्‍क्‍याङ् से़न्‍दिक् सेःक्‌वाओ सुक्‍पा थक्‍काङ् ने़गन्॥

यर्मिया 8:2

आङ्‌गाॽ आमनाहाॽरे़ खुन्‍छिॽ सिराॽगे़धाङ्‌बा हे़क्‍क्‍याङ् माङ्‌से़वा मे़मे़त्तुसिबा नाम्, लाबा नु खेःम्‍सिक्‍पाहाॽ तगि खे़न् ये़प्‍पाहाॽ खाम्‍बाङ्‌ङो मे़से़सु मे़ने़स्‍सुॽ॥ सुम्‍माआङ् लुप्‍मारे़ कुले़क्‌वा खे़न् ये़प्‍पाहाॽ खाम्‍बाङ्‌ङो चिधुक् हे़क्‍के किआङ् ने़रो॥

खाहुन् 17:6

मे़न्‍छाॽ मे़न्‍छाॽमाहाॽग काप्‍पो तुम्‍साहाॽरे़ खुन्‍छिॽ तिचःसिरो, हे़क्‍क्‍याङ् माबाहाॽग साहाॽरे़ खुन्‍छिॽ ने़बो पप्‍मा पाःन्‍छिरो॥

निङ्‌वाॽफु साम्‍लोसुम् 58:8

के़योःम्‍बा के़बेःक्‍पा पाले़क्‌वा कुइसिक् खे़ङ्‌हाॽ मे़बोङ्‌लरो, हे़क्‍क्‍याङ् कुसिवे़त् सागे़वाःन्‍छिङ्‌बा अङे़ःक्‌वान् कुइसिक् खे़ङ्‌हाॽरे़ नाम् निमा मे़ङ्‌घोसुल्‍लरो॥

ए़स्‍तर 7:10

खे़ब्‍याङ् मोर्दकैःल्‍ले़ कुलागि हामाने़ल्‍ले़ आप्‍फेक् यारिप् चोगुबा सिङ्‌ङो खुने़ॽ मे़भोन्‍दु॥ खे़न् एगाङ् हाङ्‌ङिल्‍ले़ कुसाक्‍के़न्‍निन् चिःक्‍तुरो॥

ए़स्‍तर 5:11

हे़क्‍क्‍याङ् हाङ्‌ङिल्‍ले़ खुने़ॽ यम्‍बा ताक्‍फा पिरुबा नु वेॽ सुहाङ्‌युक्‍पाहाॽ हे़क्‍क्‍याङ् युक्‍साबाहाॽओ खुने़ॽ यम्‍बा मिङ्‌सो इङ्‌धाङ् पिरुबा पाःन्‍निन् खे़ङ्‌हाॽ चे़क्‍तुसि॥

२ साप्‍मुःन्‍धुम् 11:21

रहबामरे़ खुने़ॽ के़रे़क् कुमेःत्‍हाॽ नु कुजक्‍मेःत्‍हाॽओ माकान् साॽरिक् कुसिराॽ थाङे़आङ् वये़॥ खुने़ॽ के़रे़क्‍ले़ थिबोङ्‌ङाङ् ये़त्‍छि कुमेत् नु तुक्‍पोङ् कुजक्‍मेःत् मे़वये़॥ खुने़ॽ निबोङ्‌ङाङ् ये़त्‍छि ये़म्‍बित्‍छासाहाॽ नु तुक्‍पोङ् मे़न्‍छुमासाहाॽरे़ खुन्‍छिॽ पानुदिङ् पा वये़॥

१ साप्‍मुःन्‍धुम् 28:5

इस्राइलओ युक् चोःक्‍मारे़ लागि यहवे दाङ्‌बे़ल्‍ले़ यरिक् ये़म्‍बित्‍छासाहाॽ पिराङ्‌साङ् इस्राइल सम्‍धाङ् यहवे दाङ्‌बे़ल्‍ले़ कुहाङ्‌जुम्‍मोबा हाङ्‌युक्‍नाओ युङ्‌मारे़ लागि खुने़ॽ सोलोमने़न् सेगुआङ् वाॽ॥

२ हाङ् 10:1

आल्‍ल आहाबरे़ कुहिम्‍सयङ्‌ङो नुबोङ् कुधिन्‍दाङ् सायोबोराहाॽ सामरियाबा ये़क्‌यक्‍को मे़वये़॥ कल्‍ले़चोगुल्‍ले़ येहुःल्‍ले़ अक्‍तङ्‌बा सक्‍इङ्‌घङ् साप्‍पेःत्ताहाॽ साप्‍तुआङ् सामरिया ये़क्‌यक्‍को सुहाङ्‌युक्‍पाहाॽ, लाम्‍लोबाहाॽ नु आहाबरे़ कुस्‍सा कुएहाॽ के़हिङ्‌बा के़गुम्‍बाहाॽ हाक्‍तुसि॥ खुने़ॽ पाःत्तु,

तोलिङ्‌सोमु 33:5

खे़ब्‍याङ् एसाबे़न् अक्‍खे ओमये़ल्‍ले़ मे़न्‍छुमाहाॽ नु हिन्‍जाॽ पित्‍छाॽहाॽ निसुसिआङ् मे़त्तु, “खे़ने़ॽनु के़वाॽबा के़वाॽमा कन् याप्‍मिहाॽ हाःत्‍छिनिबे?” याकुबरे़ नुगप् पिरु, “निवाॽफुमाङ्‌ङिल्‍ले़ खे़ने़ॽ के़से़वारोबान् लुङ्‌माॽ तुक्‍तुआङ् पिरुबा हिन्‍जाॽसिरो॥”

खाहुन्‍साबा 6:4

खे़न् कुसिवे़त् सागे़वाःन्‍छिङ्‌बा अङे़ःक्‌वान् थेआङ् इन्‍धा मे़बोःक्‍खे़न्, खे़न् खामाक्‍मो माबेःक् हे़क्‍क्‍याङ् खे़प्‍मो खे़न् निङ्‌वाॽ फेःन्‍लो॥

अयुब 3:11

आम्‍मारे़ कुसाप्‍पोःक्‍पो आङ्‌गाॽ थेआङ् मे़मे़गाङ्‌ङिन्‍बाइ? इग्र सावाःन्‍छिङ्‌मानुमे़ःन्‍ने आङ्‌गाॽ हे़नाङ् मे़स्‍ये़आङ्‌ङिन्‍बाइ?