खाहुन्साबा 6:2 - लिम्बु2 निङ्वाॽफुमाङ्ङिल्ले़ कुभा मनाधिक् याङ्साकुन्धे, मिङ्सो इङ्धाङ् पिरुॽ, आ, खुने़ॽ चाहाब् के़जोःक्पा के़रे़क् पाःन्हाॽ पिरुॽ कर खे़न् पाःन्हाॽ खुने़ॽ ओगाप् चोःक्मारे़ लागि मे़बिरुन्लो॥ खुने़ॽ कुले़क्वाओ कुभा लत्छा लाम्दिःप्पाङ्धिक्ले़ खे़न् ओगाप् चोगुॽ॥ खे़न् हने़ थेनाधेरक्लो, हे़क्क्याङ् खे़ङ्ग निङ्वाॽ के़दुक्पा पाःन्लो॥ Gade chapit la |
खाहुन्साबा 6:2
24 Referans Kwoze
यहवे दाङ्बाए, कन् इक्सा खाम्बेःक्को याङ्साकुन्धेःन्ने के़रे़क्नुःल्ले़ यम्बा पान् लॽरिक् के़इःप्पा मनाहाॽलाम्बा के़हुक्किल्ले़ से़ःप्ताङ्ङे़ॽओ॥ कर के़सिराॽ के़धाङ्बा मनाहाॽरे़ खुनिॽ से़त्लाःक्किल्ले़ के़घाःत्तुसिरो, हे़क्क्याङ् खे़ङ्हाॽरे़ खुनिॽ साहाॽरे़ यरिक् मे़घोसुरो॥ खे़ब्याङ् खे़ङ्हाॽरे़ खुनिॽ मे़न्छाॽहाॽरे़ लागिआङ् यरिक् याङ्साकुन्धे मे़सुप्सुआङ् मे़लुप्सुरो॥
लत्छा मनाधिक् एःक्से़त्छा वये़रो, खे़ल्ले़ कुस्सा ये़म्बित्छा कुम्भुॽ कुन्साॽआङ् मे़होःप्ते़रो॥ खे़ल्ले़ स्याङ्मे़न्दाङ्बा कुयाःम्बक्किन् मे़नुबे़न्लो, हम्भसाङ् कुयाङ्साकुन्धेओ कुनिङ्वाॽ मे़द्ये़ने़न्लो॥ खे़ल्ले़ “हाःत्ले़ कुलागि आङ्गाॽ स्याङ्मे़न्दाङ् याःम्बक् चोगुङ्ङाङ् पत्ताबा, हिङ्मन्नोबा नुॽमादामान् थेआङ् ले़रुङ्ल पत्ताबा?” फाॽआङ् आफेक् पान् सेःन्दोसाङ्॥ कन्नाङ् हने़ थेनाधेरो, लत्छा तुक्खेवा पाःन्लो॥
निङ्वाॽफुमाङ्ङिल्ले़ सोलोमने़न् मे़त्तु, “खे़ने़ॽ हाबा अक्तङ्बा निङ्वाॽ के़इःत्तुॽ हे़क्क्याङ् खे़ने़ॽ याङ्साकुन्धे, लाजेॽसिङ्बुङ्, मिङ्सो इङ्धाङ् के़न्नाःक्तुन् हे़क्क्याङ् के़निङ्मिहाॽ से़प्मासिआङ् खे़ने़ॽ के़लागि इरिक् हिङ्मा थाःक् के़न्नाःक्तुन् कर आङ्गाॽ खे़ने़ॽ हाङ् चोःक्ने़बा कन् मनाहाॽओ युक् चोःक्मा सिक्कुम्निङ्वाॽ नु ने़हिनिङ्वाॽ खे़ने़ॽ के़नाःक्तुबाल्ले़ चोगुल्ले़,
आल्ल खिनिॽ खे़प्मो के़गे़रिल्ले़, खिनिॽ लत्छा यम्बा नु ताम्दाम्बा लाजेॽओ हाङ्हाङ् लॽरिक् के़युङ्बा के़वाॽबा मे़न्छाम् सुवाङ्हाॽ के़निसुम्सिम्ॽ॥ निङ्वाॽफुमाङ्ङिल्ले़ खे़न् लाजेन् खिनिॽ हुक्के़सुप्तिआङ् ने़, खे़न् लाजेॽओ इक्सादिङ् खाम्बेःक्मो खोगे़दे़प्पा के़रे़क् पाःन्हाॽ वाॽ॥”
खरे़ःङ् मेःम्बा पाःन्नो थेआङ् याङ् चागे़सोःक्खुम्बाबे? हे़क्क्याङ् सिक्मे़न्एःप्मनाबा पाःन्नो थेआङ् स्याङ्मे़न्दाङ् याःम्बक् के़जोगिबाबे? नुरिक्काङ् खे़प्साम्मे़ॽ, सिङ्सिङ् ये़क्ये़क्काङ् आबाःन्निन् खे़प्साम्मे़ॽओ, खे़ब्याङ् आत्तिन् कुजान् नुबा चोक् आम्भा खे़न् चाम्मे़ॽओ, हे़क्केलॽरिक् कुजागे़नुॽबा कुजाहाॽ के़जाम्माङ् खिनिॽ सक्मासाम्मिन् कुनिङ्वाॽ तारो॥
Piblisite