खाहुन्साबा 5:6 - लिम्बु6 खे़ने़ॽ आप्फेक् के़बान् सुत्लाःल्ले़ खे़ने़ॽ लायो चोःक्मा के़म्बाङ्ने़न्ल॥ हे़क्क्याङ् माङ्हिम्मोबा यक्याबे़न् “आङ्गाॽ आमाङ्हुप्पिङ्ग पेःन्दे़आङ् वये़,” फाॽआङ् पाःन्मे़अत्ते़न्ने़ॽ॥ खे़ने़ॽ के़बाःत्तुबा पाःन्नो निङ्वाॽफुमाङ्ङिन् कुसिक् पोःक्काङ् खुने़ॽ के़हुक्कोबा याःम्बक्किन् थेआङ् मे़क्खुर चोःक्माबे? Gade chapit la |
खाहुन्साबा 5:6
23 Referans Kwoze
के़रे़क् काःम्मालाम् याप्मि ताङ्गे़से़ःप्पा माङ्लाइङ्बाल्ले़ निङ्वाॽफुमाङ्ङिल्ले़ कन् अङे़ःक्वाहाॽ हाङ्वा मुॽइसाम् पिरुसिररो॥ कङ्हाॽओए आङ्गाॽ आमिङ्ङिन् वाॽररो, हे़क्क्याङ् आङ्गाॽ आम्बा अब्राहाम नु इसहाक्के़ल्ले़ खुन्छिॽ मिङ् सदादिङ् वाॽररो, हे़क्क्याङ् इक्सादिङ् खाम्बेःक्मो कङ्हाॽ निःत्मे़न्दे़त्ते थारिक् मे़बोःन्लरो॥”
निङ्वाॽफुसाम्बाल्ले़ इस्राइलिहाॽरे़ खुन्छिॽ के़रे़क् सङ्जुम्भोःल्ले़ लागि लायोल्ले़ लागि ले़प्मि नाःक्मा याःम्बक् चोगुर, हे़क्क्याङ् खे़ङ्हाॽरे़ खुनिॽ लायोन् ले़प्मि पोङ्ॽ, थेआङ्भे़ल्ले़ खे़न् निङ्वाॽ मे़ङ्घोए मे़जोगुआङ् वये़, हे़क्क्याङ् खे़ङ्हाॽरे़ खुन्छिॽ फे़न्याःम्बक्किल्ले़ लागि यहवे दाङ्बाओ मे़दोन्दुबा पोगुगे़न् कुजा सिदुङ्जभान् नु सुत्थो पोङ्मा वयागे़न् सिदुङ्जभान् यहवे दाङ्बे़ल्ले़ कुदगि मे़दारुआङ् वाॽ॥
मुक्साम्दाङ्बा यहवे दाङ्बे़ल्ले़ पाःत्तुॽ, “ओमे़त्ताम्मे़ॽ, आबाङे आङ्गाॽ आइङ्घङ् के़साबे़न् पाङ्घुङ्ॽ, हे़क्क्याङ् खे़ल्ले़ आङ्गाॽ आदगि आदगि लाम् यारिप् चोगुरो॥ खे़न् ये़म्मो खे़निॽ के़गोःत्तुम्बा दाङ्बे़न् हक्चघत् आबाङे कुहिम्मो तारो, खे़निॽ सिराॽगे़धाङ्बा माङ्हुप्पिल्ले़न् इङ्गे़साबे़न् तारो॥”
Piblisite