खाहुन्साबा 4:1 - लिम्बु1 याम्मो आङ्गाॽ ओमे़त्तुङ्, हे़क्क्याङ् नाम्मिल्ले़ कुसिगाङ् के़बोङ्बार के़बप्पा के़रे़क् मे़न्वाॽमनाबा पाःन्हाॽ निसुङ्लो— तुक्खे चाःप्मा याःम्बक्हाॽरे़ मिक्वान् निसुङ्लो, हे़क्क्याङ् खे़ङ्हाॽ हाङ्हाङ् के़मे़प्पा हाःत्ताङ् होप्लो॥ के़युक्पाहाॽरे़ खुन्छिॽ ले़प्माङ् मुक्साम् वये़रो, हे़क्क्याङ् मे़युक्तुसिबाहाॽ हाङ्हाङ् के़मे़प्पा हाःत्ताङ् होःप्ते़रो॥ Gade chapit la |
खाहुन्साबा 4:1
51 Referans Kwoze
खे़ने़ॽ लत्छा थुम्मो याङ्गे़साॽबाहाॽ मे़युःत्तुसिबा हे़क्क्याङ् खे़ङ्हाॽ कुदोःप्मा खासे़न् मे़ल्लोःन्दुन् मे़म्बिरुन्छिन्बा नु खुन्छिॽ खोमा लक्किन् मे़नाप्तुसिबा के़निसुने़भग्र के़निङ्वाॽ मे़मये़न्ने़ॽ, थेआङ्भे़ल्ले़ के़रे़क् युक्साबाहाॽ सम्धाङ् आल्लसाङ् यम्बा युक्साबाहाॽ मुरा मे़मे़त्तुसिआङ् मे़वाॽ, हे़क्क्याङ् खुन्छिॽनुःल्ले़आङ् साॽरिक् यम्बा युक्साबाहाॽरे़ खे़ङ्हाॽ ने़प्माङ् ओमे़मे़त्तुसिॽ॥
मुक्साम्दाङ्बा यहवे दाङ्बे़ल्ले़ कुजे़ल्ले़क्सेॽ इक्किङ्ग इस्राइलबा हिम्सयङ्लो, हे़क्क्याङ् यहुदाबा मनाहाॽग खुने़ॽ कुयाम्नाःम्मिल्ले़ सिङ्सेॽ इक्लो॥ खुने़ॽग नुबा खासे़न् पोङ् के़लॽबा निङ्साङ् चोगुरो, कर माक्खिॽ वरक् पोःक्खे़रो, साम्योबा पोङ् के़लॽबा निङ्साङ् चोगुरो, कर तुक्खेलाक्खे नु मे़रिङ् पोःक्खे़रो॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
खे़ल्ले़ कुजिःन्जिःन्घुमान् कुसिम्मो खिप्तुरो, खे़ल्ले़ के़दाबा ताप्फे़ःम्बा कुये़न्निन् निङ्वाॽ मे़इःत्तुन्लो॥ खे़ल्ले़ कुमे़क्मे़न् किप्मा के़घुबा चोगे़रो, खे़न् हाङ्हाङ् के़मे़प्पा हाःत्ताङ् होःप्ते़रो॥ “यहवे दाङ्बाए, आङ्गाॽ तुक्खे तुमुङ्बे़न् ओमे़त्ते़ॽओ, थेआङ्भे़ल्ले़ निङ्मिहाॽ के़नाःम्बा मे़बोःक्खे़आङ् वाॽरो॥”
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
खे़न् चल्लाङ्ना खोर्यान् खिनिॽ ताप्फे़ःल्लिक् के़मे़प्पाहाॽ पिरुङ्सिङ्लो, खे़ङ्हाॽरे़ खिनिॽ अक्खे के़म्मे़त्तिआङ् मे़वये़रो, ‘खिनिॽ साम्बोन्नाङ् लम्बे़त् ने़साम्मे़ॽओ आनिगे खिनिॽ सम्धाङ् लाङ्घेगिगे़रो॥ हे़क्क्याङ् खिनिॽ एःक्के़न् खाम्बाङ् कुसिङ् चोगे़म्मे़ॽओ खे़ब्याङ् लाङ्घेःक्मा लाम् हे़क्तङ्बा पोङ्लरो॥’”
खे़निॽ याम्मो वेॽ पान् के़जोगुम्, खे़निॽ मिक्वाःल्ले़ यहवे दाङ्बाओ ले़त्ति तोःम्मादे़न्निन् वागे़रक्सुम्ॽ॥ खे़निॽ के़हाबि हे़क्क्याङ् मे़रिङ् के़धक्तिॽ, थेआङ्भे़ल्ले़ खे़निॽ हुक्कोबा हुक्सोयाङ्ङिन् खुने़ॽ आभे़ल्ले़आङ् निनि मे़लाप्तुन्ॽ, खे़न् हुक्सोयाङ्ङिन् यहवे दाङ्बे़ल्ले़ मे़दाःक्तुन्॥
कल्ले़चोगुल्ले़ साक्मे़न्जा, वमे़न्धुङ्, ले़क्चाॽ नु के़रे़क् पाःन्हाॽरे़ कुहोःप्मा कुसाक्मो के़ध्ये़ॽइआङ् यहवे दाङ्बे़ल्ले़ खिनिॽ तक्ले़ङ्वाओ पाङ्घु तासुसिबा निङ्मिहाॽ याःम्बक् के़जोगुम् के़बिरुम्सिम्ॽ॥ खुने़ॽ खिनिॽ खाप्पुथ्यःङ् के़म्मे़क्खिन्ल थारिक् खिनिॽ फक्ताङ्ङो फे़न्जेॽ खे़ःप्सिङ्ङिन् फत्छु के़बिरिॽ॥
“कन् के़रे़क् पाःन्हाॽरे़ चोगुल्ले़ आङ्गाॽ हाःप्मार वाॽआरो, आङ्गाॽ आमिक्कोलाम् आमिक्वा ते़रे़रे़ थाप्लो॥ आङ्गाॽ हाङ्हाङ् मे़प्मारे़ लागि आबेसाङ् हाःत्ताङ् होप्लो, आयाम्साम्मिन् याम्मो कुहिङ्वे़त् के़जोःक्पा आसाःत्ताङ् होप्लो॥ आङ्गाॽ अङे़ःक्वा आस्सा ये़म्बित्छाहाॽ एःक्से़त्छा मे़वाॽरो, थेआङ्भे़ल्ले़ निङ्मिन् थङ् के़नाःम्बा पोःक्खे़आङ् वाॽरो॥
“पेलि फाक्मारे़ लागि सियोनरे़ कुहुक्किन् सल्लिक् सन्छुरो, कर खे़न् आःन्छिङ्मा के़बिबा आत्तिन्नाङ् होप्लो॥ यहवे दाङ्बे़ल्ले़ याकुबरे़ कुदक्ले़ङ्वाओ कुहिम्बेसाङ्बाहाॽ कुनिङ्मि मे़बोङ्ल फाॽआङ् इङ्जाङ् पिरुसिआङ् वाॽरो॥ खे़ङ्हाॽरे़ खुन्छिॽ लुम्मो यरुसले़ःम्मिन् लत्छा आसुत्थो पान् पोःक्खे़आङ् ने़रो॥
Piblisite