खाहुन्‍साबा 12:5 - लिम्‍बु

⁵ चन्‍जम्‍बादे़न्‍नोलाम् खे़ने़ॽ के़याःङ्‌लो हे़क्‍क्‍याङ् लाम्‍मो लाङ्‌गे़घेःक्‍किल्‍ले़ खे़ने़ॽ के़गिरो॥ खजङ्‌सेॽइन् फे़क्‍पा हे़क्‍के के़धे़गेक्‍पान् फुत्‍त्रिःङ्‌ग्‍यारिक् फुत्‍लो, खे़ने़ॽ लाङ्‌घेःक्मा के़हक्‍सुल्‍ले़, प्‍याःप्‍पे़न् हे़क्‍के मस्‍सुआङ् खे़ने़ॽ आफेक् पे़ःङ्‌गाक् पे़ःङ्‌गाक् के़उःङ्‌सिङ्‌लो खे़ब्‍याङ् थेआङ् चोःक्‍मा के़सिराॽ मे़धाङ्‌ने़ल्‍लो॥ कुनुप्‍मोबा सदादिङ्‌बा के़हिम् ले़प्‍माङ् के़बेःक्‍ल के़बत्‍लो हे़क्‍क्‍याङ् माराम्‍मे़न् मे़रिङ् मे़धक्‍पा मनाहाॽरे़ मे़धिम्‍सुरो॥

खाहुन्‍साबा 12:5 Referans Kwoze

अयुब 17:13

आङ्‌गाॽ ओमे़त्तुङ्‌बा लाम्‍मिङ्‌ग खे़मादिङ् यङ्‌सङ्‌ङिल्‍लो खे़ब्‍याङ् खे़ॽयोबा खामाक्‍मा ने़त्‍नाओ आङ्‌गाॽ इम्‍मारो॥

अयुब 30:23

खे़ने़ॽ सिमे़ल्‍ले़ कुहुक्‍को आङ्‌गाॽ हुक्‍के़सुप्‍पा फाॽआङ् निसुङ्‌लो, के़रे़क् थक्‍साहाॽ के़प्‍मा के़बोङ्‌बा ते़न्‍नो आगे़त्‍लो॥

खाहुन् 16:31

के़भुप्‍पा थे़गेःक्‍किन् मिङ्‌सो इङ्‌धाङ्‌ले़न् तिचरो, साम्‌योबा हिङ्‌मन् लाम्‍बा कन् खोदे़त्‍लो॥

निङ्‌वाॽफु साम्‍लोसुम् 71:18

निङ्‌वाॽफुमाङ्‌ङे, आङ्‌गाॽ काप्‍पोबा तुम्‍माआङ् आधे़गेक्‍पान् फुत्‍त्रिःङ्‌यारिक् फुत्‍खे़त्‍छाङ् आङ्‌गाॽ मे़नाॽराङ्‌ङिन्‍ने़ॽओ॥ हे़क्‍क्‍याङ् के़मुक्‍साम्‍मिल्‍ले़ कुयाःम्‍बेओ के़दाबा के़रे़क् मे़न्‍छाम् थाःक्‍हाॽ इङ्‌मे़म्‍भोसे थारिक् मे़ले़राङ्‌ङिन्‍ने़ॽओ॥

अयुब 15:10

आनिॽ ले़प्‍माङ् तुम्‍भाक्‍सा नु खदाक्‍मिहाॽ मे़वाॽरो हे़क्‍क्‍याङ् खे़ने़ॽ के़म्‍बानुःल्‍ले़आङ् साॽरिक् काप्‍पोबा मनाहाॽआङ् मे़वाॽरो॥

ले़बि 19:32

“‘काप्‍पो तुम्‍साहाॽ मिङ्‌सो इङ्‌धाङ् पिमासिरे़ लागि पोगे़म्‍मे़ॽ हे़क्‍क्‍याङ् खदाक्‍मिहाॽ नाजम् पिरे़म्‍सिम्‍मे़ॽ॥ निङ्‌वाॽफुमाङ्‌ङिन्‍नु खिनिॽ किसे़म्‍मे़ॽ॥ आङ्‌गाॽ यहवे दाङ्‌बाआ॥

हिब्रु 9:27

मे़न्‍छाम् याप्‍मि के़रे़क् थिक्‍ले़ङ्‌ग सिमा पोङ् हे़क्‍क्‍याङ् निङ्‌वाॽफुमाङ्‌ङिल्‍ले़ कुघासे़न्‍नो ये़प्‍मा पोङ्‌बा कुइसिक्

यर्मिया 1:11

यहवे दाङ्‌बे़ल्‍ले़ कुइङ्‌घङ्‌ङिन् आङ्‌गाॽओ के़रे़, “यर्मियाए, खे़ने़ॽ थे के़निसुर के़बत्?” आङ्‌गाॽ नुगप् पिरुङ्, “खङ्‌जङ्‌सेॽ सिङ्‌ङिल्‍ले़ लत्‍छा कुबोराक् थिक् निसुङ्‌ॽ॥”

यसैया 46:4

खदाक्‍मि के़दुम्‍सिआङ् खे़निॽ थे़गेक् फुःत्‍लधारिक्‍साङ् खे़ङ्‌ग आङ्‌गाॽएरो॥ आङ्‌गाॽ खे़निॽ नावागे़न् चइःत् चोःक्‍निङ्‌लो हे़क्‍क्‍याङ् कम्‍ब्राङ् मे़त्‍निङ्‌लो, आङ्‌गाॽ खे़निॽ फाॽनिङ् खे़ब्‍याङ् चोःक्‌युम्‍भो पिनिङ्‌लो॥

खाहुन्‍साबा 9:10

खे़ने़ॽ थे याःम्‍बक् के़जोगुॽ, खे़न् पाःन्‍नो चाॽरिक् स्‍याङ्‌मे़न्‍दाङ् चोगे़ॽ थेआङ्‌भे़ल्‍ले़ के़सिबा लाजेॽओ कुभा याःम्‍बक्, निङ्‌वाॽ इःप्‍मा, ने़हिनिङ्‌वाॽ इग्र सिक्‍कुम् निङ्‌वाॽ थेआङ् होप् हे़क्‍क्‍याङ् खे़ने़ॽ खे़प्‍मोए के़बेःक्‍ल के़बत्॥

खाहुन् 20:29

नालिगे़न् थाङ्‌बे़न्‍हाॽरे़ खुन्‍छिॽ मिमिदिङ्‌ङिन् खुन्‍छिॽ थुम्‍मे़न्‍लो, के़भुप्‍पा थे़गेःक्‍किन् काप्‍पोबाहाॽरे़ खुन्‍छिॽ हाङ्‌वा माङ्‌वारो॥

तोलिङ्‌सोमु 44:31

आनिगे़नु खे़न् होःप्‍पा निसुने मेःन्‍ने खुने़ॽ कुसक्‍मा पेःक्‍लो॥ आनिगे आदाङ्‌बारे़ के़से़वारोबाहाॽरे़ आनिगे पानुदिङ् पान् के़भुप्‍पा कुधेगेःक्‍नु निङ्‌साम् चोःक्‍मोए इःप्‍पुङ्‌ङो के़त्तुम्‍बे़रो॥

तोलिङ्‌सोमु 44:29

कन्‍नाङ् आङ्‌गाॽओलाम् के़देॽरुम्‍माङ् कुभा के़साक्‍पा खुने़ॽ तुमुल्‍ले़ग, खिनिॽ आङ्‌गाॽ के़भुप्‍पा आधेगेःक्‍किन् निङ्‌साङ् पुक्‍मोए इःप्‍पुङ्‌ङो याप्‍मि के़गे़त्‍लो॥

तोलिङ्‌सोमु 42:38

कर याकुबरे़ मे़त्तु, “आङ्‌गाॽ आस्‍सान् खिनिॽनु मे़बेःक्‍ने़न्, थेआङ्‌भे़ल्‍ले़ कुम्‍भुॽइन् मासिङ्‌घे़रे़, हे़क्‍क्‍याङ् आल्‍ल खुने़ॽरक् ताङे़आङ् वाॽ॥ खिनिॽ लाम्‍दिःक्‍को खुने़ॽआङ् के़साक्‍पा पान् तुमुल्‍ले़ग, खिनिॽ कन् के़भुप्‍पा आधे़गेःक्‍के़न् निङ्‌साङ् पुक्‍मोए इःप्‍पुङ्‌ङो के़गे़त्तुम्‍लो॥”

यर्मिया 9:16

खे़ङ्‌हाॽ नु खे़ङ्‌हाॽरे़ खुन्‍छिॽ पाधे़बाहाॽरे़ कुसिङ् मे़न्‍निःत्तुसिम्‍बा सुवाङ्‌हाॽरे़ खुन्‍छिॽ लुम्‍मो आङ्‌गाॽ खे़ङ्‌हाॽ फुत्‍लुम् से़सुङ्‌सिङ्‌ॽ, हे़क्‍क्‍याङ् खे़ङ्‌हाॽ के़रे़क् युम्रे़क् मे़म्‍मे़क्‍के थारिक् खे़ङ्‌हाॽरे़ खुन्‍छिॽ तक्‍ले़ङ्‌वाओ निङ्‌मिहाॽ पाङ्‌घुङ्‌सिङ्‌लो॥”