खाहुन्‍साबा 12:2 - लिम्‍बु

² कुभा ये़न्‍नो नाम्, लाबा नु खेःम्‍सिक्‍पा ओःत्तिःन् खे़ने़ॽ खामाक्‍पा के़निसुरो हे़क्‍क्‍याङ् पाङ्‌गे़न्‍दिङ् वहित् के़दाःप्‍पा खाॽमिःप्‍पान् नुःङ्‌मा तामानुःल्‍ले़ तगि खुने़ॽ निङ्‌वाॽ इःत्ते़ॽओ॥

खाहुन्‍साबा 12:2 Referans Kwoze

यसैया 5:30

खे़न् ये़न्‍नो इस्राइलिहाॽरे़ खुन्‍छिॽ तक्‍ले़ङ्‌वाओ वाहःङ्‌ङिन् सःक्‍पा हे़क्‍के खे़ङ्‌हाॽ मे़अःक्‍लो॥ हे़क्‍क्‍याङ् मनाहाॽरे़ लाजेन् ओमे़मे़त्तुल्‍ले़, खे़ॽयो माक्‍चिगे़न् खामाक्‍मा नु तुक्‍खे लाक्‍खेरक् खे़ङ्‌हाॽरे़ मे़निसुरो, खे़ब्‍याङ् खाओःप्‍मान्‍नाङ् खाॽमिःप्‍पाल्‍ले़ माक्‍ताङ्‌बा चोगुरो॥

१ सामुए़ल 4:18

निङ्‌वाॽफुमाङ्‌ङिल्‍ले़ कुसन्‍दोःक्‍किल्‍ले़ कुयाःम्‍बेॽओ खे़प्‍सुनामे़ःन्‍ने लाम्‍धेःप्‍पाल्‍ले़ कुबेसाङ्‌बा कुयुङ्‌मादे़न्‍नोलाम् एलिन् एगाङ् ले़प्‍माङ् चिल्‍ले़क् ले़क्‍खे़ध्‍ये़, हे़क्‍क्‍याङ् कुनिःङ्‌मे़न् चे़गे़आङ् स्‍ये़, थेआङ्‌भे़ल्‍ले़ खुने़ॽ काप्‍पोबा नु कुधक् के़लिःप्‍पा मना वये़॥ खुने़ॽ तङ्‌बेॽ लिबोङ् थारिक् इस्राइलबा खासे़न्‍दाङ्‌बा याःम्‍बक् चोगुआङ् वये़॥

१ सामुए़ल 4:15

खे़न् ये़म्‍मो एलिन् फाङ्‌बोङ्‌ङाङ् ये़त्‍छि तङ्‌बेॽ के़रे़आङ् वये़, मिक् निमाआङ् मे़न्‍छुक्‍मनाबा पोःक्‍खे़आङ् वये़॥

निङ्‌वाॽफु साम्‍लोसुम् 77:16

निङ्‌वाॽफुमाङ्‌ङे, वरःङ्‌ङिल्‍ले़ खे़ने़ॽ के़निसे़आङ् किसे़रो॥ कुदिम्‍बे केःम्‍बा ते़मे़न्‍दिङ् वरःङ्‌ङिल्‍ले़ खे़ने़ॽ ओगे़मे़त्ते़आङ् यक्‍खे़रो॥

निङ्‌वाॽफु साम्‍लोसुम् 71:20

खे़ने़ॽग साॽरिक् तुक्‍खे लाक्‍खेहाॽ आङ्‌गाॽ तुमुङ्‌ल के़याःन्‍दाङ्‌लो, करसाङ् याम्‍मो के़धुम्‍बा के़जोःक्‍कारो, इक्‍सादिङ् खाम्‍बेःक्‍मोबा लुम्‍बाःत्तोनु आङ्‌गाॽ याम्‍मो थाःङ् के़लःत्तारो॥

निङ्‌वाॽफु साम्‍लोसुम् 42:7

के़वाधाःम्‍लाम्‍बा के़लःम्‍बा इक्‍लाओ वरःङ्‌ङिल्‍ले़ वरःङ्‌ङिन् मिङ् लोःक्‍खुरो, हे़क्‍क्‍याङ् काक् वाभे़ल्‍ले़ङ्‌ङिन् नु कुबुःत्‍थुङ्‌वाःल्‍ले़ ते़प्‍ताङ्‌ङाङ् वाॽआरो॥

१ सामुए़ल 3:2

थिक्‍ले़ङ् से़न्‍दिक् एलिन् आबाङे कुयुक्‍नाओ ने़सिङ्‌ङाङ् ने़स्‍से़॥ खुने़ॽ काप्‍पोबा तुम्‍से़आङ् कुमिक्‍हाॽ थःम्‍धःम्‍बा पोःक्‍खे़ पेआङ् वये़, हे़क्‍क्‍याङ् नुरिक् खानिमा मे़सुक्‍तुन्‍नाङ् वये़॥

तोलिङ्‌सोमु 48:10

खे़न् ये़म्‍मो खदाक्‍मि तुम्‍से़बाल्‍ले़ चोगुल्‍ले़ याकुबरे़ कुमिक् मये़आङ् नुरिक् खामे़न्‍निमनाबा पोःक्‍खे़आङ् वये़॥ खे़ल्‍ले़चोगुल्‍ले़ युसुफरे़ खे़ङ्‌हाॽ कुम्‍बारे़ कुबेसाङ् तेॽरुसि हे़क्‍क्‍याङ् कुम्‍बारे़ खे़ङ्‌हाॽ चुप् मे़त्तुसिआङ् हे़प्‍प्रे़क् हे़प्‍तुसि॥

तोलिङ्‌सोमु 27:1

इसहाक्‍के़न् खदाक्‍मि तुम्‍से़ल्‍ले़ मिक् निमा मे़न्‍छुक्‍मनाबा पोःक्‍खे़, खे़ब्‍याङ् कुस्‍सा तुम्‍बा एसाबे़न् उःत्तुआङ् मे़त्तु, “आस्‍साए॥” खे़ल्‍ले़ नुगप् पिरु, “है, आङ्‌गाॽ कॽयो वाॽआरो॥”

मत्ति 24:29

“खे़न् किप्‍मा के़घुबा तुक्‍खेन् एगाङ् खिमो “‘नाम्‍मिन् खामाक्‍लो, लाबाल्‍ले़ ओःत्ति मे़बिरुन्‍लो, ताङ्‌साक्‍पोबा खेःम्‍सिक्‍पाहाॽ मक्‍मे़धारो, हे़क्‍क्‍याङ् ताङ्‌साक्‍पोबा मुक्‍साम्‍हाॽ मे़यङ्‌लो॥’

निङ्‌वाॽफु साम्‍लोसुम् 90:10

आनिॽग तङ्‌बे नुबोङ् थारिक् आहिङ्‌लो, के़धुम्‍बा आबोङ्‌ने़भग्र तङ्‌बे ये़प्‍पोङ् आगे़त्‍लो॥ हे़क्‍केसाङ् खे़ल्‍ले़ग हिङ्‌मन्‍नो तुक्‍खे नु लाक्‍खेरक् तारुरो, हे़क्‍क्‍याङ् थाःक् सॽआङ् आनिॽग आमासिङ् आबेःक्‍लो॥

यसैया 13:10

ताङ्‌साङ्‌ङोबा खेसे खेःम्‍सिक्‍पाहाॽ नु मे़न्‍छ्‌याबुरुक्‍माहाॽ ओःप्‍मा मे़नाॽरो॥ के़लिङ्‌बाआङ् के़गे़प्‍पार के़बप्‍पा नाम्‍मिन्‍नाङ् माक्‍ताङ्‌बा पोङ्‌लो हे़क्‍क्‍याङ् लाबे़न्‍नाङ् मे़ओःत्‍ने़न्‍लो॥

योएल 3:15

नाम्‍मिन् नु लाबे़न् माक्‍सिःङ्‌ग्‍याःप्‍पा पोङ्‌लो हे़क्‍क्‍याङ् खेःम्‍सिक्‍पाहाॽ मे़न्‍ओःत्‍ने़न्‍लो॥