खाहुन्साबा 11:2 - लिम्बु2 खे़ने़ॽ नुसि, ये़त्छि मनाहाॽ हाःत्ते़से़ॽओ थेआङ्भे़ल्ले़ खे़ने़ॽ खे़न् के़न्निसुन्लो, लाजेॽओ आक्तङ्बा ये़त्तुक्खे ताइरो॥ Gade chapit la |
खाहुन्साबा 11:2
22 Referans Kwoze
कल्ले़चोगुल्ले़ पयम् हाङ्ङे, आङ्गाॽ पिने़बा सुजा पाःन्नो आदाङ्बा ते़न्दे़ॽ, कुदोःप्मा याःम्बक् चोगे़ॽआङ् लायो चोःक्मा ले़रे़ॽ हे़क्क्याङ् तुक्खे मे़जाःत्तुसिबाहाॽ लुङ्माॽ तुक्ते़से़ॽआङ् के़भे़न् याःम्बक्हाॽ ले़रे़ॽ॥ हे़क्के के़जोगुल्ले़ आदाङ्बारे़ के़नुॽमा के़दामा चक्मे़ल्लॽए पोङ्ल पेःक्लो॥”
खिनिॽआङ् पुङ्लाहिम्मो साक्पा के़ध्ये़ॽइआङ् के़वयिबा कुइसिःक्के पुङ्लाहिम्मो के़याक्पाहाॽ निङ्वाॽ इःत्ते़म्सिम्मे़ॽओ, हे़क्क्याङ् खिनिॽ आबाङे नासिङ्गे़न् थक्को इनोगे़न् तुक्खे के़ज्ये़ॽइआङ् के़वयिबा हे़क्के इःत्ते़म्मे़ॽआङ् ताप्फे़ःल्लिक् मे़मे़त्तुसिबाहाॽ लुङ्माॽ तुक्ते़म्सिम्मे़ॽओ॥
हे़क्क्याङ् खुने़ॽ खे़ङ्हाॽरे़ खुन्छिॽ नुॽमादामारे़ कुबुङ् पोङ्लो॥ आल्ल अस्सुरिहाॽरे़ आनिॽ लाजेन् मे़लिसु मे़दारुल्ले़ हे़क्क्याङ् आनिॽ थेःक्सिङ्मा हाङ्यक्हाॽ मे़लुःन्दुल्ले़ खे़ङ्हाॽरे़ खुन्छिॽ तक्ले़ङ्वाओ नुसि मे़ल्लुक्कम्बाहाॽ इग्र ये़त्छि लाम्लोबाहाॽ आनिॽ आभोःक्खुम्सिम्लो॥
थेआङ्भे़ल्ले़ खे़न् ये़न्नो यहुदिहाॽरे़ खुन्छिॽ निङ्मिहाॽलाम् नाःम्सिङ्मा मे़घोसुबा नु खुन्छिॽ लागि निङ्वाॽ तुक्खे चामालाम् सोसोत्लराङ्ङो हे़क्क्याङ् मे़रिङ् थक्मालाम् ससाङ्स्रोत् चोःक्मा लाओ ले़क्खे़आङ् वये़॥ खे़ङ्हाॽरे़ खे़न् ये़न्हाॽ तङ्नाम् नु सोसोत्लराङ् चोःक्मा, हे़क्क्याङ् खुन्छिॽ लुम्मो चामा कुजाहाॽ हुक्वा हाक्सिङ्मा नु याङ्गे़साॽबाहाॽ हुक्वा पिमासि ये़न् हे़क्के तोमा पोङ्ॽ फाॽआङ् खुने़ॽ साप्तु॥
खे़ब्याङ् नहेम्याहःल्ले़ खे़ङ्हाॽ मे़त्तुसि, “आल्ल खिनिॽ पेगे़म्मे़ॽ हे़क्क्याङ् साभःङ्जा से़से़म्मे़ॽआङ् कुजा के़नुॽबा कुजा चे़म्मे़ थुङे़म्मे़ॽ॥ कुजा मे़ङ्गप्मनाबाहाॽ खुन्छिॽ तःक् लक् हाक्ताम्सिम्मे़ॽ॥ थेआङ्भे़ल्ले़ आनिॽ यहवे दाङ्बे़ल्ले़ कुलागि आइन्बा ये़न्निन् सेसेबा चोक्॥ खे़ल्ले़चोगुल्ले़ मे़रिङ् मे़धक्ते़म्मिन्ने़ॽ थेआङ्भे़ल्ले़ यहवे दाङ्बे़ल्ले़ के़सःत्तिर के़याःन्दिबा पाःन्निल्ले़ खिनिॽ के़धुम्बा के़बोक्खिरो॥”
खे़ने़ॽ के़मनाहाॽ से़ःन्लाप्ते़से़ॽ, हे़क्क्याङ् खे़ङ्हाॽरे़ खे़ने़ॽ पाःन्हाॽ के़म्मे़त्॥ खे़ल्ले़चोगुल्ले़ आङ्गाॽ थाङ्बे़न् आमनाहाॽ लाङ् ताःक्ते़से़ॽओ, थेआङ्भे़ल्ले़ आनिॽ तङ्नाम् तोमा ये़म्मो आदे़आङ् आवाॽ॥ खे़ने़ॽ थे के़गत्तु हाबा खे़न्ने खे़ने़ॽ के़से़वारोबाहाॽ नु के़स्सा दाउदे़न् पिरे़ॽओ॥’”
Piblisite