खाहुन्‍साबा 11:10 - लिम्‍बु

¹⁰ खे़ल्‍ले़चोगुल्‍ले़ थे पाःन्‍नोआङ् निङ्‌साङ् मे़बुगे़न्‍ने़ॽओ, नासिगे़न् के़धक्‍कोबा तुक्‍मालाःक्‍माओ निङ्‌वाॽ मे़बिरे़न्‍ने़ॽओ॥ खे़ने़ॽ सदादिङ् थारिक् थाङ्‌बे़न् नु के़धुम्‍बा के़न्‌वाॽने़न्‍लो॥

खाहुन्‍साबा 11:10 Referans Kwoze

२ कोरन्‍थि 7:1

आमिःम् आन्‍जुम्‍से, आनिॽग कन् माङ्‌हे़क्‍हाॽ आघोसुम्‍माङ् आवाॽबाल्‍ले़ चोगुल्‍ले़ आनिॽ नासिङ्‌गे़न् थक् नु याम्‍साम् के़जिःम्‍बा पाःन्‍हाॽलाम् सेसे चोःक्‍कासिरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ मिङ्‌सो इङ्‌धाङ् खोसुर फाॽआङ् आनिॽ सेसे पोःक्‍खिर पिगिरो॥

२ तिमोथि 2:22

थाङ्‌बे़न् मे़न्‍छियाॽ लॽमालाम् के़दाबा फे़न् निङ्‌वाॽलाम् एःक् वये़ॽओ॥ हे़क्‍क्‍याङ् सेसे निङ्‌वाॽओलाम् दाङ्‌बान्‍नु तुवा के़जोःक्‍पा मनाहाॽनु साम्‌योनिमो, नसाःन्‍नो, मिःम्‍जिओ हे़क्‍क्‍याङ् सनारुङ्‌ङो वये़ॽओ॥

खाहुन्‍साबा 12:1

खे़ल्‍ले़चोगुल्‍ले़, “हिङ्‌मन्‍नो आङ्‌गाॽ थेआङ् सःप्‍मा पान् होप्‍लो” पाःप्‍मा के़बोङ्‌बा ताप्‍फे़ःम्‍बा ये़न् नु तङ्‌बेहाॽ खे़निॽ हिङ्‌मन्‍नो तामानुःल्‍ले़ तगिए थाङ्‌बे़न् के़वयिरए खे़निॽ नावागे़न् चइःत्‍दाङ्‌बान् निङ्‌वाॽ इःत्ते़म्‍मे़ॽओ॥

खाहुन्‍साबा 1:14

नाम्‍मिल्‍ले़ कुसिगाङ् चोःक्‍मनाबा के़रे़क् याःम्‍बक्‍हाॽ आङ्‌गाॽ निसुङ्‌ङाङ् वाॽ॥ खे़ङ्‌हाॽ के़रे़क् हने़ थेनाधे साम्‍मिःत् केजङ्‌ङिन् नाःप्‍मनाबा हे़क्‍केरक्‍लो॥

खाहुन्‍साबा 1:2

खाहुन्‍साबे़ल्‍ले़ अक्‍खे पाःत्तुरो, “हने़ थेनाधेरक्‍लो, हने़ थेनाधेरक्‍लो, हिङ्‌मन्‍निन् हने़ थेनाधेरक्‍लो, के़रे़क् पाःन्‍हाॽ हने़ थेनाधेरक्‍लो॥”

निङ्‌वाॽफु साम्‍लोसुम् 39:5

“खे़ने़ॽग आधाक् सॽरे़र के़याःन्‍दुआङ् वाॽरो, हे़क्‍क्‍याङ् आधाःक्‍किङ्‌ग के़दगि थेआङ् मेःन्‍लो॥ मे़न्‍छाम् याप्‍मिरे़ थाःक्‍किङ्‌ग थिक्‍ले़ङ् सक्‍मा सोःम्‍मनाबा थेसिङ्‌लक्‍लो॥ सेला

अयुब 20:11

खे़ल्‍ले़ कुधक्‍किन् के़वे़म्‍बा नु के़धुम्‍बा चोक्‍लो, कर खे़न् हाराए खाम्‍मो नुःङ् पेःक्‍लो॥

अयुब 13:26

थाङ्‌बे़न् वयाङ्‌ङिल्‍ले़बा आलायोल्‍ले़ खुम्‍दिङ् खोसुङ्‌ल के़याःन्‍दाङ्‌लो, खे़ब्‍याङ् आङ्‌गाॽ साॽरिक् ताप्‍फे़ःल्‍लिक् पान् के़धिक्‍ताङ्‌लो॥

निङ्‌वाॽफु साम्‍लोसुम् 25:7

आङ्‌गाॽ थाङ्‌बे़न् वयाङ्‌ङिल्‍ले़ चोगुङ्‌बा लायोहाॽ निङ्‌वाॽ मे़इःत्ते़न्‍ने़ॽओ, खे़ने़ॽ लुङ्‌माॽ के़दुक्‍काबा कुइसिक् कुनुॽकुदाओ निङ्‌वाॽ इःत्ताङ्‌ङे़ॽओ॥ थेआङ्‌भे़ल्‍ले़, यहवे दाङ्‌बाए, खे़ने़ॽ लुङ्‌गुम्‍दाङ्‌बा के़जोःक्‍लो॥

खाहुन् 22:15

अङे़ःक्‌वाःल्‍ले़ कुनिङ्‌वान् अदङ्‌पान् इसेःङ्‌बा चोक्‍लो, कर हे़न्‍थिम् तक्‍कात् लाम्‍बा खे़न् तोःन्‍छिङ्‌लो॥

अयुब 11:12

ताम्‍भुङ् अदङ्‌ङिल्‍ले़ मे़न्‍छाम्‍सा थाप्‍मा मे़सुक्‍तुल्‍लो, हे़क्‍केलॽरिक्‍के अदङ् मनान् चाःप्‍पा पोङ्‌मा मे़सुक्‍ने़ल्‍लो॥

निङ्‌वाॽफु साम्‍लोसुम् 39:6

मे़न्‍छाम् याप्‍मिरे़ थाःक्‍किङ्‌ग साम्‍म्रिःप्‍पा कुइसिःक्‍लक् वाॽगत्‍लो, खे़ल्‍ले़ चोगुबा पाःन्‍हाॽग थेनाधेरक्‍लो, खे़ल्‍ले़ लुप्‍सुबा याङ्‌साकुन्‍धेन् हाःत्‍ले़ खोसुइ खे़ल्‍ले़ मे़निसुन्‍लो॥