खाहुन्‍साबा 11:1 - लिम्‍बु

¹ के़याङ्‌साकुन्‍धेन् निङ्‌वाॽ हन्‍दे़आङ् पिरे़से़ॽओ हे़क्‍क्‍याङ् यरिक् ये़न् एगाङ् खे़ने़ॽ खे़न् याम्‍मो के़घोसुरो॥

खाहुन्‍साबा 11:1 Referans Kwoze

खाहुन्‍साबा 11:6

तानाम्‍सा याॽरिःम्‍बान् हेॽरे़ओ, युःन्‍छिक्‍काङ् याःम्‍बक् मे़न्‍जोःक्‍के स्‍वाःत् मे़युङे़न्‍ने़ॽओ॥ थेआङ्‌भे़ल्‍ले़ याॽरिःम्‍बाल्‍ले़ कुजाॽ फत्‍छुॽ आल्‍लो हेॽमनाबा याॽरिःम्‍बान् इग्र चोःक्‍मनाबा याःम्‍बक्‍किन् इ नुबा पोङ्‌बि, खे़न् खे़ने़ॽ आप्‍फाल्‍ले़आङ् के़न्‍निसुन्‍लो॥

खाहुन् 19:17

याङ्‌गे़साॽबे़न् लुङ्‌माॽ तुक्‍माग यहवे दाङ्‌बे़न् थे़त्‍लङ् पिमनाबारो, हे़क्‍क्‍याङ् खे़ल्‍ले़ चोगुबाल्‍ले़ कुले़क्‌वा खुने़ॽ खे़न् थुम्‍घो पिरुरो॥

हिब्रु 6:10

निङ्‌वाॽफुमाङ्‌ङिल्‍ले़ग नुःरिक्‍काङ् खासे़न् चोगुॽरो—हे़क्‍क्‍याङ् खुने़ॽ कुमनाहाॽ तगि कुभाॽ के़बिरुम्‍सिम्‍मिल्‍ले़ खुने़ॽ ओसेःन्‍दाङ् के़जोगुम्‍बा मिःम्‍जिन् खुने़ॽ निङ्‌वाॽ मे़भुःत्‍छुन्‍लो॥ खे़ङ्‌ग आल्‍लो थारिक्‍काङ् के़जोगुम्‍ल के़वयिॽरो॥

मत्ति 10:42

आत्तिल्‍ले़ इङ्‌गाॽओ नसान् के़जोःक्‍पाहाॽओ के़रे़क्‍नुःल्‍ले़ चुक्‍साधिक्‍किन् आहुॽसाम्‍बा फाॽआङ् फङ्‌नाधिक् च्‍वाःत् पिरुॽ, खे़ल्‍ले़ से़क्‍खाए थुम्‍घोन् खोसुॽरो॥”

२ कोरन्‍थि 9:6

कन् पाःन्‍निन् निङ्‌वाॽ इःत्ते़म्‍मे़ॽओ, आत्तिल्‍ले़ च्‍यॽरक् याॽरिःम्‍बे़न् हेॽरु, खे़ल्‍ले़ च्‍यॽरक् चा सुप्‍सुॽरो॥ आत्तिल्‍ले़ यरिक् याॽरिःम्‍बा हेॽरु, खे़ल्‍ले़ यरिक्‍के चा सुप्‍सुॽरो॥

यसैया 32:20

हे़क्‍केसाङ् कुजा हेॽमारे़ लागि वे़त्ते़सरे़ वहित् थासुरो, अदङ् नु पित्‍हाॽरे़ लागि चाराम्‍मादे़न् मे़घोसु हे़क्‍क्‍याङ् के़रे़क् मे़सःत्‍लो॥

लुका 14:14

“हे़क्‍के के़जोगुल्‍ले़ खे़ने़ॽ मुॽइसाम् के़घोसुॽ, थेआङ्‌भे़ल्‍ले़ खे़ङ्‌हाॽरे़ थेआङ् मे़न्‍गत्तुन्‍नाङ् खे़न् याङ्‌ना हुङ्‌मा मे़न्‍छुक्‍तुन्‍लो॥ कर साम्‌योबा मनाहाॽ सिमे़न्‍लाम् याम्‍मो मे़हिङ्‌ङिल्‍ले़ निङ्‌वाॽफुमाङ्‌ङिल्‍ले़ खे़ने़ॽ काक् नुःक्‍तु के़बिॽरो॥”

यसैया 32:8

कर के़नुॽबा मनाःल्‍ले़ नुबा याःम्‍बक्‍हाॽ चोःक्‍मा निङ्‌वाॽ चोगुरो, हे़क्‍क्‍याङ् खे़ल्‍ले़ कुदोःप्‍मा याःम्‍बक्‍के चक्‍मे़ल्‍लॽए चोगुआङ् पत्‍लो॥

मत्ति 25:40

हे़क्‍क्‍याङ् हाङ्‌ङिल्‍ले़ खे़ङ्‌हाॽ मे़त्तुसि ‘इङ्‌गाॽ से़क्‍खाए मे़त्‍निङ्, कङ्‌हाॽओ के़वाॽबा आम्‍भुॽ आन्‍साॽसिओ लत्‍छा चुक्‍पाधिक् च्‍या के़मे़त्तुम्, खे़न् इङ्‌गाॽए याप्‍मि आगे़मे़त्तिबारो॥’

खाहुन् 22:9

के़नुॽबा मनाःल्‍ले़ आप्‍फेक्‍काङ् मुॽइसाम् खोसुरो, थेआङ्‌भे़ल्‍ले़ खुने़ॽ कुदःक्‍के़न् याङ्‌गे़साॽबे़न् फःक्‍खु पिरुरो॥

खाहुन् 11:18

ताक्‍के़भे़ॽबा मनाःल्‍ले़ कुइङ्‌ले़क्‍किल्‍ले़ कुले़क्‌वा खोसुरो, कर कुदोःप्‍मा याःम्‍बक् के़जोःक्‍पे़ल्‍ले़ से़क्‍खाबा थुम्‍घो खोसुरो॥

मत्ति 10:13

खे़न् हिम्‍सयङ्‌ङिन् खिनिॽ सनारुङ् खोमा के़लाॽबा चोःक्‍ने़ फाॽग्र खिनिॽ सनारुङ्‌ङिन् खे़प्‍मो याःक्‍लाःत्‍लरो॥ कर के़लाॽबा मे़जोःक्‍ने़न्‍ने़ फाॽग्र खिनिॽ सनारुङ्‌ङिन् खिनिॽओए नुःङ्‌लरो॥

२ सामुए़ल 17:29

सक्‌वा खु, नुदाक्, मे़ल्‍लुक्‍हाॽ नु पित्‍नुलाम्‍बा मे़जोगुबा पनिरे़न् दाउद हे़क्‍क्‍याङ् खुने़ॽनु के़वाॽबा मनाहाॽरे़ लागि चामा तारु पिरु, थेआङ्‌भे़ल्‍ले़ मनाहाॽ मुरे़क् खारे़क्‍पा ये़ःङ्‌घादे़न्‍नो साक्‍किल्‍ले़ तरुसिआङ् मे़वये़, वामिमाल्‍ले़ तरुसिआङ् मे़वये़ हे़क्‍क्‍याङ् साॽरिक् मे़नासे़आङ् मे़वये़रो॥

ले़बि 19:25

कर ङासिगेक्‍पा तङ्‌बेओ खे़ल्‍ले़ कुजाॽइन् खिनिॽ चामा नुॽ॥ हे़क्‍केलॽरिक् कन् पाःन्‍निन् के़इःत्तुम् के़नाःत्तुम्‍ने़भग्र खे़न् यरिक् कुजाॽ थोःक्‍ल पेक्॥ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

खाहुन्‍साबा 3:6

कोःप्‍मा लत्‍छा ये़म् वाॽरो, हे़क्‍क्‍याङ् ले़प्‍मादेमा ये़म् थिक् वाॽरो॥ कप्‍मा लत्‍छा ये़म् वाॽरो, खे़ब्‍याङ् लाप्‍फुमा ये़म् थिक् वाॽरो॥

मत्ति 25:17

हे़क्‍केलॽरिक्‍के हे़न्‍छिङ् ने़त्‍छि साम्‍म्‍याङ् याङ्‌इत्‍छि के़घोबे़ल्‍ले़आङ् वेॽ हे़न्‍छिङ् ने़त्‍छि साम्‍म्‍याङ् याङ्‌इत्‍छि थगु॥