साम्‌योथिम् इङ् 4:3 - लिम्‍बु

³ बाल-पोरओ यहवे दाङ्‌बे़ल्‍ले़ थे़मा चोगु खे़न् खिनिॽ आप्‍फेक् मिक्‍किल्‍ले़ के़निसुम्‍माङ् वाॽ॥ पोरबा बाल माङ्‌ङिन् के़दिम्‍बा के़रे़क् मनाहाॽ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ लुम्‍मोलाम् मे़क्‍खुसि॥

साम्‌योथिम् इङ् 4:3 Referans Kwoze

होसे 9:10

यहवे दाङ्‌बे़ल्‍ले़ अक्‍खे पाःत्तुरो, “आङ्‌गाॽ इस्राइले़न् खोमाग मुरे़क् खारे़क्‍पा ये़ःङ्‌घादे़न्‍नो चे़ल्‍ले़क्‍सेॽहाॽ खोमानु कुदङ्‌बा वये़रो, आङ्‌गाॽ खिनिॽ पाधे़बाहाॽ निमासि पःत्‍छेॽ पुङ्‌ङोबा तगि के़दुम्‍बा कुजाॽ हे़क्‍तङ्‌बा चोगे़रो॥ कर आल्‍ल खे़ङ्‌हाॽ बाल-पोरओ मे़बेःल्‍ले़ खे़ङ्‌हाॽ खे़न् सिरिङ् आममबा पाःन्‍नो मे़दोःन्‍छिङ्‌लो, हे़क्‍क्‍याङ् खे़ङ्‌हाॽरे़ खुन्‍छिॽ सिराॽ के़धाङ्‌बा नावाइत्‍लान् हे़क्‍के खे़ङ्‌हाॽ याम्‍गे़सिङ्‌बा मे़बोःक्‍खे़रो॥

यहोसु 22:17

थे पोरबा फे़न्‌याःम्‍बक्‍किल्‍ले़ आनिॽ आङ्‌घुमे़न्‍बि? खे़प्‍मोलाम् यहवे दाङ्‌बे़ल्‍ले़ कुसङ्‌जुम्‍भोओ यम्‍बा मिङ्‌देॽ पोगे़ हे़क्‍केसाङ् आनिॽ आइन् थारिक् खे़न् फे़न्‌याःम्‍बक्‍कोलाम् सुत्‍थो चोःक्‍सिङ्‌मा मे़न्‍छुक्‍सिङ्‌ङे आवाॽ॥

खानिःत् 31:16

ओमे़त्ते़म्‍मे़ॽ, बालामे़ल्‍ले़ मुरा मे़त्तुसिआङ् पोरओ हाबा कन्‍हाॽरे़ए इस्राइलिहाॽ यहवे दाङ्‌बे़ल्‍ले़ कुदक्‍ले़ङ्‌वाओ फे़न्‌याःम्‍बक् चोःक्‍मा मे़बाङ्‌घुसिआङ् वये़॥ कल्‍ले़चोगुल्‍ले़ यहवे दाङ्‌बे़ल्‍ले़ कुसङ्‌जुम्‍भोओ मिङ्‌देॽआङ् पोगे़आङ् वये़॥

खानिःत् 26:64

कर कन् के़वाॽबाहाॽओ मोसान् नु निङ्‌वाॽफुसाम्‍बा हारुनरे़ सिनैबा मुरे़क् खारे़क् थेआङ् के़होप्‍पादे़न्‍नो निरे़सुसिबा इस्राइलिहाॽओ लत्‍छाआङ् मे़होःप्‍ते़,

साम्‌योथिम् इङ् 4:4

कर यहवे दाङ्‌बा खिनिॽ निङ्‌वाॽफुमाङ्‌ङो चक्‍मे़ल्‍लॽए के़बप्‍पा खिनिॽ लुम्‍मोबा मनाहाॽ के़रे़क् आइन् थारिक्‍साङ् कुहिङ्‌वे़त् मे़वाॽ॥

इजकिएल 20:18

“मुरे़क् खारे़क् थेआङ् के़होप्‍पादे़न्‍नो आङ्‌गाॽ खे़ङ्‌हाॽरे़ खुन्‍छिॽ साहाॽ अक्‍खे मे़त्तुङ्‌सिङ्, ‘खिनिॽ पामाहाॽरे़ खुन्‍छिॽ थिम्‍हाॽ इग्र खे़ङ्‌हाॽरे़ मे़जोगु मे़युरुबा पाःन्‍हाॽ मे़इःत्ते़म्‍मिन्‍ने़ॽ इग्र खे़ङ्‌हाॽरे़ खुन्‍छिॽ नावाइत्‍लाहाॽलाम् आसुत्‍थो मे़जोःक्‍कासिम्‍मे़ॽ॥’

साम्‌योथिम् इङ् 11:7

खिनिॽ आप्‍फेक् मिक्‍किल्‍ले़ यहवे दाङ्‌बे़ल्‍ले़ चोगुबा कन् के़रे़क् पयम् यम्‍बा याःम्‍बक्‍हाॽ खिनिॽ के़निसुम्‍माङ् वाॽरो॥